Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
20. Opammasaɱyutta

Sutta 5

Satti Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][rhyc][than][olds] Evaɱ me sutaɱ:||
Ekaɱ samayaɱ [265] Sāvatthiyaɱ -|| ||

[2] seyyathā pi bhikkhave, satti tiṇhaphalā,||
atha puriso āgaccheyya|| ||

"Ahaɱ imaɱ sattiɱ tiṇhaphalaɱ pāṇinā vā muṭṭhinā vā patiḷeṇissāmi patikoṭṭessāmi pativaṭṭessāmī" ti.|| ||

[3] Taɱ kim maññasi bhikkhave,||
bhabbo nu kho so puriso amuɱ sattiɱ tiṇhaphalaɱ pāṇinā vā muṭṭhinā vā patiḷeṇetuɱ patikoṭṭetuɱ pativaṭṭetun ti?|| ||

'No h'etaɱ bhante.|| ||

[4] Taɱ kissa hetu?|| ||

Asu hi bhante, satti tiṇhaphalā na sukarā pāṇinā vā muṭṭhinā vā patiḷeṇetuɱ patikoṭṭetuɱ pativaṭṭetuɱ,||
yāvad eva ca pana so puriso kilamathassa vighātassa bhāgī assā' ti.|| ||

[5] Evam eva kho bhikkhave,||
yassa kassaci bhikkhuno mettā ceto-vimutti bhāvitā bahulīkatā yānīkatā vatthukatā anuṭṭhitā paricitā susamāraddhā,||
tassa ce amanusso cittaɱ khipitabbaɱ maññeyya,||
atha kho sveva amanusse kilamathassa vighātassa bhāgī assa.|| ||

[6] Tasmāt iha bhikkhave, evaɱ sikkhitabbaɱ.|| ||

Mettā no ceto-vimutti bhāvitā bhavissati bahulīkatā yānīkatā vatthukatā anuṭṭhitā paricitā susamāraddhā' ti.|| ||

Evaɱ hi vo bhikkhave, sikkhitabban ti.|| ||

 


Contact:
E-mail
Copyright Statement   Webmaster's Page