Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
XXI. Bhikkhu Saɱyutta

Sutta 1

Kolita [Moggallāna] Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[273]

[1][rhyc][than][olds][bodh] EVAṂ ME SUTAṂ:|| ||

Ekaɱ samayaɱ Bhagavā Sāvatthiyaɱ viharati.||
Jetavane Anāthapiṇḍikassa ārāme.|| ||

[2][rhyc][than][olds] Tatra kho āyasmā Mahā-Moggallāno bhikkhū āmantesi:|| ||

'Āvuso bhikkhavo' ti.|| ||

'Āvuso' ti kho te bhikkhū āyasmato Mahā-Moggallānassa paccassosuɱ.|| ||

[3][rhyc][than][olds] Āyasmā Mahā-Moggallāno etad avoca:|| ||

Idha mayhaɱ āvuso, rahogatassa patisallīnassa evaɱ cetaso parivitakko udapādi:|| ||

"Ariyo tuṇhībhāvo,||
ariyo tuṇhībhāvo" ti vuccati.|| ||

Katamo nu kho ariyo tuṇhībhāvo ti?|| ||

[4][rhyc][than][olds] Tassa mayhaɱ āvuso etad ahosi:|| ||

"Idha bhikkhu vitakka-vicārānaɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhijaɱ pīti-sukhaɱ dutiyaɱ jhānam upasampajja viharati.|| ||

Ayaɱ vuccati ariyo tuṇhībhāvo ti.|| ||

[5][rhyc][than][olds] So khvāhaɱ āvuso, vitakka-vicārānaɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhijaɱ pīti-sukhaɱ dutiyaɱ jhānam upasampajja viharāmi.|| ||

Tassa mayhaɱ āvuso iminā vihārena viharato vitakkasahagatā saññā manasikārā samadā caranti.|| ||

[6][rhyc][than][olds] Atha kho maɱ āvuso, Bhagavā iddhiyā upasaŋkamitvā etad avoca:|| ||

"Moggallāna, Moggallāna, mā brāhmaṇa, ariyaɱ tuṇhībhāvaɱ pamādo.|| ||

Ariye tuṇhībhāve cittaɱ saṇṭhāpehi.|| ||

Ariye tuṇhībhāve cittaɱ ekodiɱ karohi.|| ||

Ariye tuṇhībhāve cittaɱ samādahā" ti.|| ||

[7][rhyc][than][olds] So khvāhaɱ āvuso, aparena samayena vitakka-vicārānaɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhijaɱ pīti-sukhaɱ dutiyaɱ jhānam upasampajja vihārāmi.|| ||

Yaɱ hi taɱ āvuso,||
sammā vadamāno vadeyya.|| ||

"Satthārā anuggahito sāvako mahābhiññataɱ patto" ti,||
mamaɱ taɱ sammā vadamāno vadeyya||
"satthārā anuggahito sāvako mahābhiññataɱ patto" ti.|| ||


Contact:
E-mail
Copyright Statement   Webmaster's Page