Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
II. Nidāna Vagga
21. Bhikkhu Saɱyutta

Sutta 3

Ghaṭo or Mahā-Nāga Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[275]

[1][rhyc][bodh][than] EVAṂ ME SUTAṂ:|| ||

Ekaɱ samayaɱ Bhagavā Sāvatthiyaɱ viharati.||
Jetavane Anāthapiṇḍikassa ārāme.|| ||

[2][rhyc] Tena kho pana samayen'āyasmā ca Sāriputto āyasmā ca Mahā-Moggallāno Rājagahe viharanti Veḷuvane Kalandakanivāpe eka-vihāre.|| ||

[3][rhyc] Atha kho āyasmā Sāriputto sāyaṇha-samayaɱ paṭisallāṇā vuṭṭhito yen'āyasmā Mahā-Moggallāno ten'upasankami.|| ||

Upasaŋkamitvā āyasmatā Mahā-Moggallānena saddhiɱ sammodi.|| ||

Sammodanīyaɱ kathaɱ sārāṇīyaɱ vīti-sāretvā eka-m-antaɱ nisīdi.|| ||

[4][rhyc] Eka-m-antaɱ nisinno kho āyasmā Sāriputto āyasmantaɱ Mahā-Moggallānaɱ etad avoca:|| ||

"Vi-p-pasannāni kho te āvuso Moggallāna, indriyāni.|| ||

Parisuddho mukha-vaṇṇo pariyodāto,||
santena nūnāyasmā Mahā-Moggallāno ajja vihārena vihāsī" ti.|| ||

"Oḷārikena khvāhaɱ āvuso,||
ajja vihārena vihāsiɱ.|| ||

Api ca me ahosi dhammī kathā" ti.|| ||

[5][rhyc] "Kena saddhiɱ pan'āyasmato Mahā-Moggallānassa ahosi dhammī kathā" ti?|| ||

"Bhagavatā kho me āvuso, saddhiɱ ahosi dhammī kathā" ti.|| ||

[6][rhyc] "Dūre kho āvuso, Bhagavā etarahi Sāvatthiyaɱ viharati Jetavane Anāthapiṇḍikassa ārāme.|| ||

Kiɱ nu kho āyasmā Mahā-Moggallāno Bhagavantaɱ iddhiyā upasankami,||
udāhu Bhagavā āyasmantaɱ Mahā-Moggallānaɱ iddhiyā upasankamī" ti?|| ||

[276] [7][rhyc] "Na khvāhaɱ āvuso, Bhagavantaɱ iddhiyā upasankamiɱ||
na pi maɱ Bhagavā iddhiyā upasankami.|| ||

Api ca me yāvatā Bhagavā ettāvatā dibba-cakkhu visujjhi dibbā ca sota-dhātu.|| ||

Bhagavato pi yāvatāhaɱ ettāvatā dibba-cakkhu visujjhi dibbā ca sotadhātū" ti.|| ||

[8][rhyc] "Yathā kathaɱ pan'āyasmato Mahā-Moggallānassa Bhagavatā saddhiɱ ahosi dhammīkathā" ti?|| ||

[9][rhyc] "Idh'āhaɱ āvuso, Bhagavantaɱ etad avocaɱ:|| ||

'Āraddha-viriyo, āraddha-viriyo' ti bhante, vuccati.|| ||

Kittāvatā nu kho bhante, āraddha-viriyo hotī' ti?|| ||

[10][rhyc] Evaɱ vutte āvuso maɱ, Bhagavā etad avoca:|| ||

'Idha Moggallāna bhikkhu āraddha-viriyo viharati:|| ||

"Kāmaɱ taco ca nahārū ca aṭṭhī ca avasissatu||
sarīre, upasussatu maɱsa-lohitaɱ.||
Yaɱ taɱ purisa-thāmena purisa-viriyena purisa-parakkamena pattabbaɱ,||
na taɱ apāpuṇitvā viriyassa saṇṭhānaɱ bhavissatī" ti.|| ||

Evaɱ kho Moggallāna, āraddha-viriyo hotī' ti.|| ||

[11][rhyc] Evaɱ kho me āvuso, Bhagavatā saddhiɱ ahosi dhammīkathā" ti.|| ||

[12][rhyc] "Seyyathā pi āvuso, Himavato pabba-tarājassa parittā pāsāṇa-sakkharā yāva-d-eva upanikkhepanamattāya.|| ||

Evam eva kho mayaɱ āyasmato Mahā-Moggallānassa yāva-d-eva upanikkhepanamattāya.|| ||

Āyasmā hi Mahā-Moggallāno mahiddhiko mah-ā-nubhāvo,||
ākaŋkha-māno kappaɱ tiṭṭheyyā" ti.|| ||

[13][rhyc] "Seyyathā pi āvuso,||
mahatiyā loṇaghaṭāya parittā loṇasakkharā yāva-d-eva upanikkhepanamattāya.|| ||

Evam eva mayaɱ āyasmato Sāriputtassa yāva-d-eva upanikkhepanamattāya.|| ||

[277] [14][rhyc] Āyasmā hi Sāriputto Bhagavatā aneka-pariyāyena thomito vaṇṇito pasattho:|| ||

'Sāriputto va paāāāya||
sīlena upasamena ca,||
So pi pāraŋgato bhikkhu||
eto paramo siyā'" ti.|| ||

[15][rhyc] Iti hete ubho mahānāgā aāāamaāāassa su-bhāsitaɱ sulapitaɱ samanumodiɱsūti.|| ||


Contact:
E-mail
Copyright Statement