Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
XXI. Bhikkhu Saɱyutta

Sutta 5

Sujāta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[278]

[1][rhyc][bodh] EVAṂ ME SUTAṂ:|| ||

Ekaɱ samayaɱ Bhagavā Sāvatthiyaɱ viharati.||
Jetavane Anāthapiṇḍikassa ārāme.|| ||

[2][rhyc] Atha kho āyasmā Sujāto yena Bhagavā tenupasaŋkami.|| ||

[3][rhyc] Addasā kho Bhagavā āyasmantaɱ Sujātaɱ dūrato va āgacchantaɱ.|| ||

Disvāna bhikkhū āmantesi:|| ||

[4][rhyc] Ubhayenevāyaɱ bhikkhave, kulaputto sobhati vata:|| ||

Yañ ca abhirūpo dassanīyo pāsādiko paramāya vaṇṇapokkharatāya samannāgato|| ||

Yassa catthāya kulaputtā samma-d-eva agārasmā anagāriyaɱ pabbajanti,||
tad anuttaraɱ brahmacariya-pariyosānaɱ diṭṭhe va dhamme sayaɱ abhiññā sacchikatvā upasampajja viharatī' ti.|| ||

[5][rhyc] Idam avoca Bhagavā.|| ||

Idaɱ vatvā Sugato athāparaɱ etad avoca satthā:|| ||

Sobhati vatāyaɱ bhikkhu||
ujubhūtena cetasā,||
Vippamyutto visaññutto||
anupādāya nibbuto,||
dhāreti antimaɱ dehaɱ||
jetvā Māraɱ savāhananti.|| ||


Contact:
E-mail
Copyright Statement   Webmaster's Page