Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
XXI. Bhikkhu Saɱyutta

Sutta 6

Bhaddi or Lakuṇṭaka Bhaddiya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[279]

[1][rhyc][niza][bodh] EVAṂ ME SUTAṂ:|| ||

Ekaɱ samayaɱ Bhagavā Sāvatthiyaɱ viharati.||
Jetavane Anāthapiṇḍikassa ārāme.|| ||

[2][rhyc][niza] Atha kho āyasmā Lakuṇṭaka Bhaddiyo yena Bhagavā tenupasaŋkami.|| ||

[3][rhyc][niza] Addasā kho Bhagavā āyasmantaɱ Lakuṇṭaka Bhaddiyaɱ dūrato va āgacchantaɱ.|| ||

Disvāna bhikkhū āmantesi:|| ||

[4][rhyc][niza] Passatha no tumhe bhikkhave, etaɱ bhikkhuɱ āgacchantaɱ dubbaṇṇaɱ duddasikaɱ okoṭimakaɱ bhikkhūnaɱ paribhūtarūpanti?|| ||

Evaɱ bhante.|| ||

[5][rhyc][niza] Eso kho bhikkhave, bhikkhu mahiddhiko mahānubhāvo,||
na ca sā samāpatti sulabharūpā yā tena bhikkhunā asamāpannapubbā.|| ||

Yassa catthāya kulaputtā sammad eva agārasmā anagāriyaɱ pabbajanti,||
tad anuttaraɱ brahmacariya-pariyosānaɱ diṭṭhe va dhamme sayaɱ abhiññā sacchikatvā upasampajja viharatī' ti.|| ||

[6][rhyc][niza] Idam avoca Bhagavā.|| ||

Idaɱ vatvā Sugato athāparaɱ etad avoca satthā:|| ||

Haɱsā koñcā mayūrā ca||
hatthiyo pasadā migā,||
Sabbe sīhassa bhāyanti||
natthi kāyasmiɱ tulyatā.|| ||

Evam eva manussesu||
daharo ce pi paññavā,||
So hi tattha mahā hoti||
n'eva bālo sarīravā' ti.|| ||


Contact:
E-mail
Copyright Statement   Webmaster's Page