Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
XXI. Bhikkhu Saɱyutta

Sutta 8

Nando Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[281]

[1][rhyc][bodh] EVAṂ ME SUTAṂ:|| ||

Ekaɱ samayaɱ Bhagavā Sāvatthiyaɱ viharati.||
Jetavane Anāthapiṇḍikassa ārāme.|| ||

[2][rhyc] Atha kho āyasmā Nando Bhagavato mātucchāputto ākoṭitāni paccākoṭitāni cīvarāni pārupitvā akkhīni añjetvā acchaɱ pattaɱ gahetvā yena Bhagavā tenupasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

[3][rhyc] Eka-m-antaɱ nisinnaɱ kho āyasmantaɱ Nandaɱ Bhagavā etad avoca:|| ||

[4][rhyc] Na kho te taɱ Nanda, patirūpaɱ kulaputtassa saddhā agārasmā anagāriyaɱ pabbajitassa||
yaɱ tvaɱ ākoṭitāni paccākoṭitāni cīvarāni pārupeyyāsi,||
akkhīni ca añjeyyāsi,||
acchañ ca pattaɱ dhāreyyāsi.|| ||

Evaɱ kho te Nanda, patirūpaɱ kulaputtassa saddhā agārasmā anagāriyaɱ pabbajitassa||
yaɱ tvaɱ āraññako ca assasi||
piṇḍapātiko ca paɱsukūliko ca||
kāmesu ca anapekkho vihareyyāsī' ti.|| ||

[5][rhyc] Idam avoca Bhagavā.|| ||

Idaɱ vatvāna Sugato athāparaɱ etad avoca satthā:|| ||

Kadāhaɱ Nandam passeyyaɱ||
Araññaɱ paɱsukūlikaɱ,||
Aññātuñchena yāpentaɱ||
Kāmesu anapekkhinanti.|| ||

[6][rhyc] Atha kho āyasmā Nando aparena samayena āraññako cā piṇḍapātiko ca paɱsukūliko ca kāmesu ca anapekho vihāsī' ti.|| ||


Contact:
E-mail
Copyright Statement   Webmaster's Page