Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
XXI. Bhikkhu Saɱyutta

Sutta 11

Mahā Kappina Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[284]

[1][rhyc][bodh] EVAṂ ME SUTAṂ:|| ||

Ekaɱ samayaɱ Bhagavā Sāvatthiyaɱ viharati.||
Jetavane Anāthapiṇḍikassa ārāme.|| ||

[2][rhyc] Atha kho āyasmā Maha-Kappino yena Bhagavā tenupasaŋkami.|| ||

[3][rhyc] Addasā kho Bhagavā āyasmantaɱ Mahā-Kappinaɱ dūrato va āgacchantaɱ.|| ||

[4][rhyc] Disvāna bhikkhū āmantesi:|| ||

Passatha no tumhe bhikkhave,||
etaɱ bhikkhuɱ āgacchantaɱ odātaɱ tanukaɱ tuŋganāsikanti?|| ||

Evaɱ bhante.|| ||

[5][rhyc] Eso kho bhikkhave,||
bhikkhu mahiddhiko mahānubhāvo.|| ||

Na ca sā samāpatti sulabharūpā,||
yā tena bhikkhunā asamāpannapubbā.|| ||

Yassa catthāya kulaputtā sammad eva agārasmā anagāriyaɱ pabbajanti.|| ||

Tad anuttaraɱ brahmacariyapariyosānaɱ diṭṭhe va dhamme sayaɱ abhiññā sacchi katvā upasampajja viharatī' ti.|| ||

[6][rhyc] Idam avoca Bhagavā.|| ||

Idaɱ vatvā Sugato athāparaɱ etad avoca satthā:|| ||

Khattiyo seṭṭho jane tasmiɱ||
ye gottapaṭisārino,||
Vijjācaraṇa sampanno||
so seṭṭho devamānuse.|| ||

Divā tapati ādicco||
rattiɱ ābhāti candimā||
Sannaddho khattiyo tapati||
jhāyī tapati brāhmaṇo,||
Atha sabbamahorattiɱ||
Buddho tapati tejasā' ti.|| ||


Contact:
E-mail
Copyright Statement   Webmaster's Page