Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
XXI. Bhikkhu Saɱyutta

Sutta 12

Sahāya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[285]

[1][rhyc][bodh] EVAṂ ME SUTAṂ:|| ||

Ekaɱ samayaɱ Bhagavā Sāvatthiyaɱ viharati.||
Jetavane Anāthapiṇḍikassa ārāme.|| ||

[2][rhyc] Atha kho dve bhikkhu sahāyakā āyasmato Mahā-Kappinassa saddhivihārino yena Bhagavā tenupasaŋkamiɱsu.|| ||

[3][rhyc] Addasā kho Bhagavā te bhikkhū dūrato va āgacchante.|| ||

[4][rhyc] Disvāna bhikkhū āmantesi:|| ||

Passatha no tumhe bhikkhave,||
ete dve bhikkhū sahāyake āgacchante Mahā-Kappinassa saddhivihārino' ti?|| ||

Evaɱ bhante.|| ||

[5][rhyc] Ete kho bhikkhave, bhikkhū mahiddhikā mahānubhāvā.|| ||

Na ca sā samāpatti sulabharūpā yā tehi bhikkhūhi asamāpannapubbā.|| ||

Yassa catthāya kulaputtā samma-d-eva agārasmā anagāriyaɱ pabbajanti,||
tad anuttaraɱ brahmacariya pariyosānaɱ diṭṭhe va dhamme sayaɱ abhiññā sacchi katvā upasampajja viharantī' ti.|| ||

[6][rhyc] Idam avoca Bhagavā.|| ||

Idaɱ vatvāna Sugato athāparaɱ etad avoca satthā:|| ||

Sahāyā vatime bhikkhū||
cirarattaɱ sametikā,
Sameti n'esaɱ saddhammo||
dhamme buddhappavedite.|| ||

Suvinītā Kappinena||
dhamme ariyappavedite,
Dhārenti antimaɱ dehaɱ||
jetvā Māraɱ savāhininti.|| ||


Contact:
E-mail
Copyright Statement   Webmaster's Page