Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
3. Khandha Vagga
22. Khandha Saɱyutta
1. Pathama Nakula-Pita Vagga

Sutta 2

Devadaha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[5]

[1][pts][than][bodh] Evaɱ me sutaɱ:|| ||

Ekaɱ samayaɱ Bhagavā Sakkesu viharati devadahaɱ nāma Sakkānaɱ nigamo.|| ||

Atha kho sambahulā pacchābhumagamikā bhikkhū yena Bhagavā ten'upasankamiɱsu.|| ||

Upasaŋkamitvā Bhagavantaɱ abhivādetvā eka-m-antaɱ nisīdiɱsu.|| ||

Eka-m-antaɱ nisinnā kho te bhikkhū Bhagavantaɱ etad avocuɱ:|| ||

"Icchāma mayaɱ bhante,||
pacchābhumaɱ jana-padaɱ gantuɱ.|| ||

Pacchābhume jana-pade nivāsaɱ kappetun" ti.|| ||

"Apalokito pana vo bhikkhave,||
Sāriputto" ti?|| ||

"Na kho no bhante,||
apalokito āyasmā Sāriputto" ti.|| ||

"Apaloketha bhikkhave, Sāriputtaɱ".|| ||

Paṇḍito bhikkhū anuggāhako sabrahma-cārīnan" ti.|| ||

[6] "Evaɱ bhante" ti kho te bhikkhū Bhagavato paccassosuɱ.|| ||

Tena kho pana samayen'āyasmā Sāriputto Bhagavato avidūre aññatarasmiɱ e'agalagumbe* nisinno hoti.|| ||

Atha kho te bhikkhū Bhagavato bhāsitaɱ abhinan'ditvā anumo-ditvā uṭṭhāy āsanā Bhagavantaɱ abhivādetvā padakkhiṇaɱ katvā yen'āyasmā Sāriputto ten'upasankamiɱsu.|| ||

Upasaŋkamitvā āyasmatā Sāriputtena saddhiɱ sammodiɱsu.|| ||

Sammodanīyaɱ kathaɱ sārāṇīyaɱ vīti-sāretvā eka-m-antaɱ nisīdiɱsu.|| ||

Eka-m-antaɱ nisinnā kho te bhikkhū āyasmantaɱ Sāriputtaɱ etad avocuɱ:|| ||

"Icchāma mayaɱ āvuso Sāriputta,||
pacchābhumaɱ jana-padaɱ gantuɱ,||
pacchābhume jana-pade nivāsaɱ kappetun.|| ||

Apalokito no Satthā" ti.|| ||

"Santi h'āvuso, nānā-verajjagataɱ bhikkhuɱ pañhaɱ pucchitāro||
khattiya-paṇḍitā pi||
brāhmaṇa-paṇḍitā pi,||
gahapati-paṇḍitā pi,||
samaṇa-paṇḍitā pi.|| ||

Paṇḍitā hāvuso, manussā vīmaɱsakā:|| ||

'Kiɱvādī panāyasmantānaɱ Satthā kimakkhāyī' ti?|| ||

Kacci vo āyasmantānaɱ dhammā sussutā suggahitā sumana-sikatā sūpadhāritā suppaṭi-viddhā paññāya,||
yathā vyākaramān āyasmanto vutta-vādino c'eva Bhagavato assatha||
na ca Bhagavantaɱ abhūtena abbh'ācikkheyyātha,||
Dhammassa vānudhammaɱ vyākareyyātha.|| ||

Na ca koci saha-dhammiko vādānuvādo2 gārayhaɱ ṭhānaɱ āgaccheyyā" ti?.|| ||

"Dūrato pi kho mayaɱ, āvuso,||
āgaccheyyāma āyasmato Sāriputtassa santike etassa bhāsitassa attha-maññātuɱ,||
sādhu vatāya-smantaɱ ye va Sāriputtaɱ paṭibhātu etassa bhāsitassa attho" ti.|| ||

"Tena hāvuso,||
suṇātha,||
sādhukaɱ manasi karotha,||
bhāsissāmī" ti.|| ||

"Evam āvuso" ti kho te bhikkhū āyasmato Sāriputtassa paccassosuɱ.|| ||

Sāriputto etad avoca:|| ||

[7] "Santi hāvuso, nānā-verajjagataɱ bhikkhuɱ pañhaɱ pucchitāro||
khattiya-paṇḍitā pi||
buhmaṇapaṇḍitā pi||
gahapati-paṇḍitā pi||
samaṇa-paṇḍitā pi||
paṇḍitā hāvuso,||
manussā vīmaɱsakā:|| ||

'Kiɱvādī panāyasmantānaɱ Satthā kimakkhāyī' ti.|| ||

Evaɱ puṭṭhā tumhe āvuso evaɱ vyākareyyātha:|| ||

'Chanda-rāga-vinayakkhāyī kho no āvuso, Satthā' ti.|| ||

Evaɱ vyākate pi kho āvuso,||
assuyeva uttariɱ pañhaɱ pucchitāro||
khattiya-paṇḍitā pi||
brāhmaṇa-paṇḍitā pi||
gahapati-paṇḍitā pi||
samaṇa-paṇḍitā pi||
paṇḍitā hāvuso,||
manussā vīmaɱsakā:|| ||

'Kismiɱ panāyasmantānaɱ chanda-rāga-vinayakkhāyī Satthā' ti.|| ||

Evaɱ puṭṭhā tumhe āvuso,||
evaɱ vyākareyyātha:|| ||

'Rūpe kho āvuso,||
chanda-rāga-vinayakkhāyī Satthā,||
vedanāya chanda-rāga-vinayakkhāyī Satthā,||
saññāya chanda-rāga-vinayakkhāyī Satthā,||
sankhāresu chanda-rāga-vinayakkhāyī Satthā,||
viññāṇe chanda-rāga-vinayakkhāyī Satthā' ti.|| ||

Evaɱ vyākate pi kho āvuso,||
assuyeva1 uttariɱ pañhaɱ pucchitāro||
khattiya-paṇḍitā pi||
brāhmaṇa-paṇaḍitā pi||
gahapati-paṇḍitā pi||
samaṇa-paṇḍitā pi||
Paṇḍitā hāvuso,||
manussā vīmaɱsakā:|| ||

'Kiɱ panāyasmantānaɱ ādīnavaɱ disvā||
rūpe chanda-rāga-vinayakkhāyī Satthā,||
vedanāya chanda-rāga-vinayakkhāyī Satthā,||
saññāya chanda-rāga-vinayakkhāyī Satthā,||
sankhāresu chanda-rāga-vinayakkhāyī Satthā,||
viññāṇe chanda-rāga vinayakkhāyī Satthā' ti.|| ||

Evaɱ puṭṭhā tumhe āvuso,||
evaɱ vyākareyyātha:|| ||

'Rūpe kho āvuso,||
avigata-rāgassa avigata-chandassa avigata-pemassa avigata-pipāsassa avigata-taṇhassa tassa rūpassa vipariṇām-aññathā-bhāvā uppajjanti soka-parideva-dukkha-domanass'upāyāsā.|| ||

Vedanāya kho āvuso,||
avigata-rāgassa avigata-chandassa avigata-pemassa avigata-pipāsassa avigata-taṇhassa tassa vedanāya vipariṇām-aññathā-bhāvā uppajjanti soka-parideva-dukkha-domanass'upāyāsā.|| ||

Saññāya kho āvuso,||
avigata-rāgassa avigata-chandassa avigata-pemassa avigata-pipāsassa avigata-taṇhassa tassa saññāya vipariṇām-aññathā-bhāvā uppajjanti soka-parideva-dukkha-domanass'upāyāsā.|| ||

Sankhāresu avigata-rāgassa avigata-chandassa avigata-pemassa avigata-pipāsassa avigata-pariḷāhassa tesaɱ sankhārānaɱ vipariṇām-aññathā-bhāvā uppajjanti soka-parideva-dukkha-domanass'upāyāsā.|| ||

Viññāṇe avigata-rāgassa avigata-chandassa avigata-pemassa avigata-pipāsassa avigata-pariḷāhassa avigata-taṇhassa tassa viññāṇassa vipariṇām-aññathā-bhāvā uppajjanti soka-parideva-dukkha-domanass'upāyāsā.|| ||

Idaɱ kho no āvuso,||
ādīnavaɱ disvā rūpe chanda-rāga-vinayakkhāyī Satthā.|| ||

Vedanāya chanda-rāga-vinayakkhāyī Satthā,||
saññāya chanda-rāga-vinayakkhāyī Satthā,||
sankhāresu chanda-rāga-vinayakkhāyī Satthā,||
viññāṇe chanda-rāga-vinayakkhāyī Satthā' ti.|| ||

[8] Evaɱ khyākate pi kho āvuso,||
assuyeva uttariɱ pañhaɱ pucchitāro khattiya-paṇḍitā pi brāhmaṇapaṇaḍitā pi gahapati-paṇḍitā pi samaṇa-paṇḍitā pi.|| ||

Paṇḍitā hāvuso, manussā vīmaɱsakā:|| ||

Kim panāyasmantānaɱ ānisaɱsaɱ disvā rūpe chandarāvinayakkhāyī Satthā,||
vedanāya chanda-rāga-vinayakkhāyī Satthā,||
saññāya chanda-rāga-vinayakkhāyī Satthā,||
sankhāresu chanda-rāga-vinayakkhāyī Satthā,||
viññāṇe chanda-rāga-vinayakkhāyī Satthā' ti.|| ||

Evaɱ puṭṭhā tumhe āvuso,||
evaɱ vyākareyyātha:|| ||

"Rūpe kho āvuso,||
vigata-rāgassa||
vigata-chandassa||
vigata-pemassa||
vigata-pipāsassa||
vigata-pariḷāhassa||
vigata-taṇhassa||
tassa rūpassa vipariṇām-aññathā-bhāvā nūppajjanti||
soka-parideva-dukkha-domanass'upāyāsā.|| ||

Vedanāya vigata-rāgassa||
vigata-chandassa||
vigata-pipāsassa||
vigata-pariḷāhassa||
vigata-taṇhassa||
tassā vedanāya vipariṇām-aññathā-bhāvā nūpajjanti||
soka-parideva-dukkha-domanass'upāyāsā.|| ||

Saññāya vigata-rāgassa||
vigata-chandassa||
vigata-pipāsassa||
vigata-pariḷāhassa||
vigata-taṇhassa||
tassā saññāya vipariṇām-aññathā-bhāvā nūppajjanti||
soka-parideva-dukkha-domanass'upāyāsā.|| ||

Sankhāresu vigata-rāgassa||
vigata-chandassa||
vigata-pemassa||
vigata-pipāsassa||
vigata-pariḷāhassa||
vigata-taṇhassa||
tesaɱ sankhārānaɱ vipariṇām-aññathā-bhāvā nūppajjanti||
soka-parideva-dukkha-domanass'upāyāsā.|| ||

Viññāṇe vigata-rāgassa||
vigata-chandassa||
vigata-pemassa||
vigata-pipāsassa||
vigata-pariḷāhassa||
vigata-taṇhassa||
tassa viññāṇassa vipariṇāmaññāthābhāvā nūppajjanti||
soka-parideva-dukkha-domanass'upāyāsā.|| ||

Idaɱ kho no āvuso ānisaɱsaɱ disvā rūpe chanda-rāga-vinayakkhāyī Satthā||
vedanāya chanda-rāga-vinayakkhāyī Satthā,||
vedanāya chanda-rāga-vinayakkhāyī Satthā,||
saññāya chanda-rāga-vinayakkhāyī Satthā,||
sankhāresu chanda-rāga-vinayakkhāyī Satthā,||
viññāṇe chanda-rāga-vinayakkhāyī Satthā' ti.|| ||

Akusale cāvuso,||
dhamme upasampajja viharato diṭṭhe c'eva dhamme sukho vihāro||
abhavissa avighāto anupāyāso apariḷāho kāyassa ca bhedā param maraṇā sugati pāṭikaŋkhā,||
na-y-idaɱ Bhagavā akusalānaɱ dhammānaɱ pahānaɱ vaṇṇeyya.|| ||

Yasmā ca kho āvuso.|| ||

Akusale dhamme upasampajja viharato diṭṭhe'va dhamme dukkho vihāro savighāto saupāyāso sapariḷāho,||
kāyassa ca bhedā param maraṇā duggati pāṭikaŋkhā,||
tasmā Bhagavā akusalānaɱ dhammānaɱ pahānaɱ vaṇṇeti.|| ||

Kusale c'āvuso, dhamme upasampajja viharato diṭṭhe c'eva dhamme dukkho vihāro abhavissa savighāto saupayāso [9] sapariḷāho kāyassa ca bhedā param maraṇā duggati pāṭikaŋkhā,||
na-y-idaɱ Bhagavā kusalānaɱ dhammānaɱ upasampadaɱ vaṇṇeyya,||
yasmā ca kho āvuso,||
kusale dhamme upasampajja viharato diṭṭhe c'eva dhamme sukho vihāro avighāto anupāyāso apariḷāho,||
kāyassa ca bhedā param maraṇā sugati pāṭikaŋkhā,||
tasmā Bhagavā kusalānaɱ dhammānaɱ upasampadaɱ vaṇṇetī" ti.|| ||

Idam avocāyasmā Sāriputto.|| ||

Attamanā te bhikkhū āyasmato Sāriputtassa bhāsitaɱ abhinandunti.|| ||

 


Contact:
E-mail
Copyright Statement