Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
3. Khandha Vagga
22. Khandha Saɱyutta
1. Nakulapita Vagga

Sutta 7

Paṭhama Upādā-Paritassanā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Upādā paritassanañ ca vo bhikkhave,||
desissāmi anupādā aparitassanañ ca.|| ||

"Taɱ suṇātha,||
sādhukaɱ manasikarotha bhāsissāmī" ti.|| ||

[16] "Evaɱ bhante" ti kho te bhikkhū Bhagavato paccassosuɱ,||
Bhagavā etad avoca:|| ||

"Kathañ ca bhikkhave,||
upādāparitassanā hoti:|| ||

Idha, bhikkhave, assutavā puthujjano ariyānaɱ adassāvī ariya-Dhammassa akovido ariya-Dhamme avinīto,||
sappurisānaɱ adassāvī sappurisa-Dhammassa akovido sappurisa-Dhamme avinīto.|| ||

Rūpaɱ attato samanupassati,||
rūpavantaɱ vā attānaɱ,||
attani vā rūpaɱ,||
rūpasmiɱ vā attānaɱ.|| ||

Tassa taɱ rūpaɱ vipariṇamati aññathā hoti.|| ||

Tassa rūpavipariṇām-aññathā-bhāvā rūpavipariṇāmānuparivatti viññāṇaɱ hoti.|| ||

Tassa rūpavipariṇāmānuparivattijā paritassanā dhammasamuppādā cittaɱ pariyādāya tiṭṭhanti.|| ||

Cetaso pariyādānā uttāsavā ca hoti vighātavā ca apekkhavā ca.|| ||

Upādāya ca paritassati.|| ||

Vedanaɱ attato samanupassati.|| ||

Vedanāvantaɱ vā attānaɱ,||
attani vā vedanaɱ,||
vedanāya vā attānaɱ.|| ||

Tassa sā vedanā vipariṇamati,||
aññathā hoti,||
tassa vedanāvipariṇām-aññathā-bhāvā vedanāvipariṇāmānuparivatti viññāṇaɱ hoti.|| ||

Tassa vedanāvipariṇāmānuparivattijā paritassanā dhammasamuppādā cittaɱ pariyādāya tiṭṭhanti.|| ||

Cetaso pariyādānā uttāsavā ca hoti vighātavā ca apekkhavā ca.|| ||

Upādāya ca paritassati.|| ||

Saññaɱ attato samanupassati.|| ||

Saññaɱ vā attānaɱ,||
attani vā saññaɱ,||
saññāya vā attānaɱ,||
tassa sā saññāya vipariṇamati,||
aññathā hoti,||
tassa saññāvipariṇām-aññathā-bhāvā saññāvipariṇāmānuparivatti viññāṇaɱ hoti.|| ||

Tassa saññāvipariṇāmānuparivattijā paritassanā dhammasamuppādā cittaɱ pariyādāya tiṭṭhanti.|| ||

Cetaso pariyādānā uttāsavā ca hoti vighātavā ca apekkhavā ca.|| ||

Upādāya ca paritassati.|| ||

Saɱkhāre attato samanupassati,||
saɱkhāravantaɱ vā attānaɱ,||
attani vā saɱkhāre,||
sankhāresu vā attānaɱ.|| ||

Tassa te saɱkharā vipariṇamanti,||
aññathā honti.|| ||

Tassa saɱkhārānaɱ vipariṇām-aññathā-bhāvā saɱkhāravipariṇāmānuparivatti viññāṇaɱ hoti.|| ||

Tassa Saɱkhāravipariṇāmānuparivattijā paritassanā dhammasamuppādā cittaɱ pariyādāya tiṭṭhanti.|| ||

Cetaso pariyādānā uttāsavā ca hoti vighātavā ca apekkhavā ca.|| ||

Upādāya ca paritassati.|| ||

Viññāṇaɱ attato samanupassati.|| ||

Viññāṇavantaɱ vā attānaɱ,||
attani vā viññāṇaɱ,||
viññāṇasmiɱ vā attānaɱ.|| ||

Tassa taɱ viññāṇaɱ vipariṇamati,||
aññathā hoti.|| ||

Tassa [17] viññāṇavipariṇām-aññathā-bhāvā viññāṇavipariṇāmānuparivatti viññāṇaɱ hoti.|| ||

Tassa Viññāṇa-vipariṇāmānuparivattijā paritassanā dhammasamuppādā cittaɱ pariyādāya tiṭṭhanti.|| ||

Cetaso pariyādānā uttāsavā ca hoti,||
vighātavā ca,||
apekkhavā ca.|| ||

Upādāya ca paritassati.|| ||

Evaɱ kho bhikkhave,||
upādāparitassanā hoti.|| ||

Kathañ ca bhikkhave,||
anupādā aparitassanā hoti.|| ||

Idha, bhikkhave,||
Sutavā ariyasāvako ariyānaɱ dassāvī ariya-Dhammassa kovido ariya-Dhamme suvinīto,||
sappurisānaɱ dassāvī sappurisa-Dhammassa kovido sappurisa-Dhamme suvinīto.|| ||

Na rūpaɱ attato samanupassati,||
na rūpavantaɱ vā attānaɱ,||
na attani vā rūpaɱ,||
na rūpasmiɱ vā attānaɱ.|| ||

Tassa taɱ rūpaɱ vipariṇamati,||
aññathā hoti.|| ||

Tassa rūpavipariṇām-aññathā-bhāvā na rūpavipariṇāmānuparivatti viññāṇaɱ hoti.|| ||

Tassa rūpavipariṇāmānuparivattijā paritassanā dhammasamuppādā cittaɱ na pariyādāya tiṭṭhanti.|| ||

Cetaso apariyādānā na c'eva uttāsavā2 hoti na vighātavā na apekkhavā.|| ||

Anupādāya ca na paritassati.|| ||

Na vedanaɱ attato samanupassati,||
na vedanāvantaɱ vā attānaɱ,||
na attani vā vedanaɱ,||
na vedanāya vā attānaɱ.|| ||

Tassa sā vedanā vipariṇamati aññathā hoti.|| ||

Tassa vedanā vipariṇām-aññathā-bhāvā na vedanāvipariṇāmānuparivatti viññāṇaɱ hoti.|| ||

Tassa vedanā vipariṇāmānuparivattijā paritassanā dhammasamuppādā cittaɱ na pariyādāya tiṭṭhanti.|| ||

Cetaso apariyādānā na c'eva uttāsavā hoti na vighātavā na apekkhavā.|| ||

Anupādāya ca na paritassati.|| ||

Cetaso apariyādānā na c'eva uttāsavā hoti.|| ||

Na vighātavā,||
na apekkhavā,||
anupādāya ca na paritasasti.|| ||

Na saññaɱ attato samanupassati.|| ||

Na saññāvantaɱ vā attānaɱ,||
na attani vā saññaɱ,||
na saññāya vā attānaɱ.|| ||

Tassa sā saññā vipariṇamati aññathā hoti.|| ||

Tassa saññāvipariṇām-aññathā-bhāvā na saññāvipariṇāmānuparivatti viññāṇaɱ hoti.|| ||

Tassa Saññā-vipariṇāmānuparivattijā paritassanā dhammasamuppādā cittaɱ na pariyādāya tiṭṭhanti.|| ||

Cetaso apariyādānā na c'eva uttāsavā hoti na vighātavā na apekkhavā.|| ||

Anupādāya ca na paritassati. Cetaso apariyādānā na c'eva uttāsavā hoti na vighātavā,||
na apekkhavā.|| ||

Anupādāya ca na paritassati.|| ||

Na sankhāre attato samanussati,||
na sankhāravantaɱ vā attānaɱ,||
na attani vā sankhāre.|| ||

Na sankhāresu vā attānaɱ.|| ||

Tassa te saɱkhārā vipariṇamanti,||
aññathā honti.|| ||

Tassa saɱkhāravipariṇām-aññathā-bhāvā na saɱkhāravipariṇāmānuparivatti viññāṇaɱ hoti.|| ||

Tassa saɱkhāra vipariṇāmānuparivattijā [18] paritassanā dhammasamuppādā cittaɱ na pariyādāya tiṭṭhanti,||
cetaso apariyādānā na c'eva uttāsavā hoti na vighātavā na apekkhavā,||
anupādāya ca na parissati.|| ||

Na viññāṇaɱ attato samanupassati.|| ||

Na viññāṇavattaɱ,||
vā attanaɱ,||
na attanti vā viññāṇaɱ,||
na viññāṇasmiɱ vā attānaɱ,||
tassa taɱ viññāṇaɱ vipariṇamati,||
aññathā hoti tassa viññāṇa vipariṇām-aññathā-bhāvā na viññāṇavipariṇāmānuparivatti viññāṇaɱ hoti,||
tassa viññāṇaviparināmānuparivattijā paritassanā dhammasamuppādā cittaɱ na pariyādāya tiṭṭhanti,||
cetaso apariyādānā na c'eva uttāsavā hoti na vighātavā na apekkhavā anupādāya ca na paritassati.|| ||

Evaɱ kho bhikkhave,||
anupādā aparitassanā hotī ti.|| ||

 


Contact:
E-mail
Copyright Statement   Webmaster's Page