Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
3. Khandha Vagga
22. Khandha Saɱyutta
2. Anicca Vagga

Sutta 19

Dutiya Hetu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[23]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuɱ|| ||

Bhagavā etad avoca:|| ||

"Rūpaɱ bhikkhave dukkhaɱ.|| ||

Yo pi hetu||
yo pi paccayo||
rūpassa uppādāya,||
so pi dukkho.|| ||

Dukkha-sambhūtaɱ bhikkhave,||
rūpaɱ kuto sukham bhavissati?|| ||

"Vedanā bhikkhave dukkhaɱ.|| ||

Yo pi hetu||
yo pi paccayo||
vedanāya uppādāya,||
so pi dukkho.|| ||

Dukkha-sambhūtaɱ bhikkhave,||
vedanā kuto sukham bhavissati?|| ||

"Saññā bhikkhave dukkhaɱ.|| ||

Yo pi hetu||
yo pi paccayo||
saññāāya uppādāya,||
so pi dukkho.|| ||

Dukkha-sambhūtaɱ bhikkhave,||
saññā kuto sukham bhavissati?|| ||

"Sankhārā bhikkhave dukkhaɱ.|| ||

Yo pi hetu||
yo pi paccayo||
sankhāresu uppādāya,||
so pi dukkho.|| ||

Dukkha-sambhūtaɱ bhikkhave,||
sankhārā kuto sukham bhavissati?|| ||

"Viññāṇam bhikkhave dukkhaɱ.|| ||

Yo pi hetu||
yo pi paccayo||
viññāṇassa uppādāya,||
so pi dukkho.|| ||

Dukkha-sambhūtaɱ bhikkhave,||
viññāṇaɱ kuto sukham bhavissati?|| ||

Evaɱ passaɱ bhikkhave, sutavā ariyasāvako||
rūpasmim pi nibbindati,||
vedanāya pi nibbindati,||
saññāya pi nibbindati||
saɱkhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
virāgā vimuccati,||
vimuttasmiɱ vimuttamiti||
ñāṇaɱ hoti:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 


Contact:
E-mail
Copyright Statement   Webmaster's Page