Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
3. Khandha Vagga
22. Khandha Saɱyutta
2. Anicca Vagga

Sutta 21

Ānanda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[24]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Atha kho āyasmā Ānando yena Bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Ānando Bhagavantaɱ etad avoca:|| ||

"'Nirodho nirodho' ti bhante vuccati.|| ||

Katamesānaɱ kho bhante dhammānaɱ nirodhā nirodho ti vuccatī" ti?|| ||

"Rūpaɱ Ānando aniccaɱ,||
saɱkhataɱ,||
paṭicca-samuppannaɱ,||
khayadhammaɱ,||
vayadhammaɱ,||
virāgadhammaɱ,||
nirodhadhammaɱ.|| ||

Tassa nirodhā 'nirodho' ti vuccati.|| ||

"Vedanā aniccaɱ,||
saɱkhataɱ,||
paṭicca-samuppannaɱ,||
khayadhammaɱ,||
vayadhammaɱ,||
virāgadhammaɱ,||
nirodhadhammaɱ.|| ||

Tassa nirodhā 'nirodho' ti vuccati.|| ||

"Saññā aniccaɱ,||
saɱkhataɱ,||
paṭicca-samuppannaɱ,||
khayadhammaɱ,||
vayadhammaɱ,||
virāgadhammaɱ,||
nirodhadhammaɱ.|| ||

Tassa nirodhā 'nirodho' ti vuccati.|| ||

"Sankhārā aniccaɱ,||
saɱkhataɱ,||
paṭicca-samuppannaɱ,||
khayadhammaɱ,||
vayadhammaɱ,||
virāgadhammaɱ,||
nirodhadhammaɱ.|| ||

Tassa nirodhā 'nirodho' ti vuccati.|| ||

"Viññāṇā aniccaɱ,||
saɱkhataɱ,||
paṭicca-samuppannaɱ,||
khayadhammaɱ,||
vayadhammaɱ,||
virāgadhammaɱ,||
nirodhadhammaɱ.|| ||

Tassa nirodhā 'nirodho' ti vuccati.|| ||

Imesaɱ kho Ānanda dhammānaɱ nirodhā 'nirodho' ti vuccatī" ti.|| ||

 


Contact:
E-mail
Copyright Statement   Webmaster's Page