Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
3. Khandha Vagga
22. Khandha Saɱyutta
3. Bhāra Vagga

Sutta 27

Dutiya Assāda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[29]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuɱ|| ||

Bhagavā etad avoca:|| ||

"Rūpassāhaɱ bhikkhave, assādapariyesanaɱ acariɱ,||
yo rūpassa assādo tad ajjhagamaɱ.|| ||

Yāvatā rūpassa assādo paññāya me so sudiṭṭho.|| ||

Rūpassāhaɱ bhikkhave, ādīnavapariyesanaɱ acariɱ,||
yo rūpassa ādīnavo tad ajjhagamaɱ.|| ||

Yāvatā rūpassa ādīnavo paññāya me so sudiṭṭho.|| ||

Rūpassāhaɱ bhikkhave, nissaraṇapariyesanaɱ acariɱ||
yaɱ rūpassa nissaraṇaɱ tad ajjhagamaɱ.|| ||

Yāvatā rūpassa nissaraṇaɱ paññāya me taɱ sudiṭṭhaɱ.|| ||

Vedanāyāhaɱ bhikkhave, assādapariyesanaɱ acariɱ,||
yo vedanassa assādo tad ajjhagamaɱ.|| ||

Yāvatā vedanassa assādo paññāya me so sudiṭṭho.|| ||

Vedanassāhaɱ bhikkhave, ādinavapariyesanaɱ acariɱ,||
yo vedanassa ādīnavo tad ajjhagamaɱ.|| ||

Yāvatā vedanassa ādīnavo paññāya me so sudiṭṭho.|| ||

Vedanassāhaɱ bhikkhave, nissaraṇapariyesanaɱ acariɱ||
yaɱ vedanassa nissaraṇaɱ tad ajjhagamaɱ.|| ||

Yāvatā vedanassa nissaraṇaɱ paññāya me taɱ sudiṭṭhaɱ.|| ||

Saññāyāhaɱ bhikkhave, assādapariyesanaɱ acariɱ,||
yo saññassa assādo tad ajjhagamaɱ.|| ||

Yāvatā saññassa assādo paññāya me so sudiṭṭho|| ||

Saññassāhaɱ bhikkhave ādinavapariyesanaɱ acariɱ,||
yo saññassa ādīnavo tad ajjhagamaɱ.|| ||

Yāvatā saññassa ādīnavo paññāya me so sudiṭṭho.|| ||

Saññassāhaɱ bhikkhave, nissaraṇapariyesanaɱ acariɱ||
yaɱ saññassa nissaraṇaɱ tad ajjhagamaɱ.|| ||

Yāvatā saññassa nissaraṇaɱ paññāya me taɱ sudiṭṭhaɱ.|| ||

Sankhārānāhaɱ bhikkhave, assādapariyesanaɱ acariɱ,||
yo sankhāresu assādo tad ajjhagamaɱ.|| ||

Yāvatā sankhāresu assādo paññāya me so sudiṭṭho|| ||

Sankhārānāhaɱ bhikkhave ādinavapariyesanaɱ acariɱ,||
yo sankhāresu ādīnavo tad ajjhagamaɱ.|| ||

Yāvatā sankhāresu ādīnavo paññāya me so sudiṭṭho.|| ||

Sankhārānāhaɱ bhikkhave, nissaraṇapariyesanaɱ acariɱ||
yaɱ sankhāresu nissaraṇaɱ tad ajjhagamaɱ.|| ||

Yāvatā sankhāresu nissaraṇaɱ paññāya me taɱ sudiṭṭhaɱ.|| ||

Viññāṇassāhaɱ bhikkhave, assādapariyesanaɱ acariɱ,||
yo viññāṇassa assādo tad ajjhagamaɱ.|| ||

Yāvatā viññāṇassa assādo paññāya me so sudiṭṭho|| ||

Viññāṇassāhaɱ bhikkhave ādinavapariyesanaɱ acariɱ,||
yo viññāṇassa ādīnavo tad ajjhagamaɱ.|| ||

Yāvatā viññāṇassa ādīnavo paññāya me so sudiṭṭho.|| ||

Viññāṇassāhaɱ bhikkhave, nissaraṇapariyesanaɱ acariɱ||
yaɱ viññāṇassa nissaraṇaɱ tad ajjhagamaɱ.|| ||

Yāvatā viññāṇassa nissaraṇaɱ paññāya me taɱ sudiṭṭhaɱ.|| ||

 


 

Yāva kīvañcāhaɱ bhikkhave imesaɱ pañcannaɱ upādānakkhandhānaɱ evaɱ assādañ ca assādato ādīnavañ ca ādīnavato nissaraṇañ ca nissaraṇato yathābhūtaɱ na abbhaññāsiɱ,||
n'eva tāvāhaɱ bhikkhave,||
sadevake loke samārake sabrahmake sassamaṇabrāhmaṇiyā pajāya sadeva-manussāya anuttaraɱ sammāsambodhiɱ abhisambuddhoti paccaññāsiɱ.|| ||

Yato ca kho'haɱ bhikkhave imesaɱ pañcannaɱ upādānakkhandhānaɱ evaɱ assādañ ca assādato ādīnavañ ca ādinavato nissaraṇañ ca nissaraṇato yathābhūtaɱ abbhaññāsiɱ,||
athāhaɱ bhikkhave,||
sadevake loke samārake sabrahmake sassamaṇabrahmaṇiyā pajāya sadeva-manussāya anuttaraɱ sammāsambodhiɱ abhisambuddhoti paccaññāsiɱ.|| ||

Ñāṇañ ca pana me dassanaɱ udapādi:|| ||

'Akuppā me ceto-vimutti,||
ayam antimā jāti n'atthidāni punabbhavo'" ti.|| ||

 


Contact:
E-mail
Copyright Statement   Webmaster's Page