Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
3. Khandha Vagga
22. Khandha Saɱyutta
3. Bhāra Vagga

Sutta 28

Tatiya Assāda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[29]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuɱ|| ||

Bhagavā etad avoca:|| ||

3. "No cedaɱ bhikkhave, rūpassa assādo abhavissa,||
na [30] yidaɱ sattā rūpasmiɱ sārajjyyuɱ.|| ||

Yasmā ca kho bhikkhave, atthi rūpassa assādo,||
tasmā sattā rūpasmiɱ sārajjanti.|| ||

4. No cedaɱ bhikkhave, rūpassa ādīnavo abhavissa,||
na yidaɱ sattā rūpasmiɱ nibbindeyyuɱ.|| ||

Yasmā ca kho bhikkhave, atthī rūpassa ādīnavo,||
tasmā sattā rūpasmiɱ nibbindanti.|| ||

5. No cedaɱ bhikkhave rūpassa nissaraṇaɱ abhavissa||
na yidaɱ sattā rūpasmā nissareyyuɱ.|| ||

Yasmā ca kho bhikkhave atthi rūpassa nissaraṇam||
tasmā sattā rūpasmā nissaranti.|| ||

No cedaɱ bhikkhave, vedanāya assādo abhavissa,||
na yidaɱ sattā vedanassa sārajjyyuɱ.|| ||

Yasmā ca kho bhikkhave, atthī vedanassa assādo,||
tasmā sattā vedanāsmiɱ sārajjanti.|| ||

No cedaɱ bhikkhave, vedanāya ādīnavo abhavissa,||
na yidaɱ sattā vedanāsmiɱ nibbindeyyuɱ.|| ||

Yasmā ca kho bhikkhave, atthī vedanāya ādīnavo,||
tasmā sattā vedanāsmiɱ nibbindanti.|| ||

No cedaɱ bhikkhave vedanāya nissaraṇaɱ abhavissa||
na yidaɱ sattā vedanāsmiɱ nissareyyuɱ.|| ||

Yasmā ca kho bhikkhave atthi vedanāya nissaraṇam||
tasmā sattā vedanāsmiɱ nissaranti.|| ||

No cedaɱ bhikkhave, saññāya assādo abhavissa,||
na yidaɱ sattā saññāssa nibbindeyyuɱ.|| ||

Yasmā ca kho bhikkhave, atthī saññassa ādīnavo,||
tasmā sattā saññasmiɱ nibbindanti.|| ||

No cedaɱ bhikkhave, saññāya ādīnavo abhavissa,||
na yidaɱ sattā saññasmiɱ nibbindeyyuɱ.|| ||

Yasmā ca kho bhikkhave, atthī saññassa ādīnavo,||
tasmā sattā saññasmiɱ nibbindanti.|| ||

No cedaɱ bhikkhave saññāya nissaraṇaɱ abhavissa||
na yidaɱ sattā saññasmiɱ nissareyyuɱ.|| ||

Yasmā ca kho bhikkhave atthi saññassa nissaraṇam||
tasmā sattā saññasmiɱ nissaranti.|| ||

No cedaɱ bhikkhave, saɱkhārassa assādo abhavissa,||
na yidaɱ sattā saɱkhārasmiɱ sārajjyyuɱ.|| ||

Yasmā ca kho bhikkhave, atthī saɱkhārassa assādo,||
tasmā sattā sankhārasmiɱ sārajjanti.|| ||

No cedaɱ bhikkhave, saɱkhārassa ādīnavo abhavissa,||
na yidaɱ sattā sankhārasmiɱ nibbindeyyuɱ.|| ||

Yasmā ca kho bhikkhave, atthī saɱkhārassa ādīnavo,||
tasmā sattā sankhārasmiɱ nibbindanti.|| ||

No cedaɱ bhikkhave saɱkhārassa nissaraṇaɱ abhavissa||
na yidaɱ sattā sankhārasmiɱ nissareyyuɱ.|| ||

Yasmā ca kho bhikkhave atthi saɱkhārassa nissaraṇam||
tasmā sattā sankhārasmiɱ nissaranti.|| ||

No cedaɱ bhikkhave, viññāṇassa assādo abhavissa,||
na yidaɱ sattā viññāṇasmiɱ sārajjeyyuɱ.|| ||

Yasmā ca kho bhikkhave, atthī viññāṇassa assādo,||
tasmā sattā viññāṇasmiɱ sārajjanti.|| ||

No cedaɱ bhikkhave, viññāṇassa ādīnavo abhavissa,||
na yidaɱ sattā viññāṇasmiɱ nibbindeyyuɱ.|| ||

Yasmā ca kho bhikkhave atthī viññāṇassa ādīnavo,||
tasmā sattā viññāṇasmiɱ nibbindanti.|| ||

No cedaɱ bhikkhave, viññāṇassa nissaraṇaɱ abhavissa,||
na yidaɱ sattā viññāṇasmā nissareyyuɱ.|| ||

Yasmā ca kho bhikkhave, atthī viññāṇassa nissaraṇaɱ,||
tasmā sattā viññāṇasmā nissaranti.|| ||

 


 

Yāvakivañ ca bhikkhave, sattā imesaɱ pañcannaɱ upādānakkhandhānaɱ assādañ ca assādato ādīnavañ ca ādīnavato nissaraṇañ ca nissaraṇato yathābhūtaɱ nābbhaññaɱsu,||
n'eva tāva bhikkhave,||
sattā sadevakā lokā samārakā [31] sabrahmakā sassamaṇabrāhmaṇi pajā sadeva-manussā nissaṭā visaññuttā vippamuttā vimariyādikatena cetasā vihariɱsu.|| ||

Yato ca kho bhikkhave, sattā imesaɱ pañcannaɱ upādānakkhandhānaɱ assādañ ca assādato ādīnavañ ca ādīnavato nissaraṇañ ca nissaraṇato yathābhūtaɱ abbhaññaɱsu,||
atha kho bhikkhave,||
sattā sadevakā lokā samārakā sabrahmakā sassamaṇabrāhmaṇi pajā sadeva-manussā nissaṭā visaññuttā vippamuttā vimariyādikatena cetasā viharantī" ti.|| ||

 


Contact:
E-mail
Copyright Statement   Webmaster's Page