Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
3. Khandha Vagga
22. Khandha Saɱyutta
3. Bhāra Vagga

Sutta 30

Uppāda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[31]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuɱ|| ||

Bhagavā etad avoca:|| ||

"Yo bhikkhave, rūpassa uppādo ṭhīti abhinibbatti pātubhāvo,||
[32] dukkhasseso uppādo rogānaɱ ṭhīti jarāmaraṇassa pātubhāvo.|| ||

Yo vedanāya uppādo ṭhīti abhinibbatti pātubhāvo,||
dukkhasseso uppādo rogānaɱ ṭhīti jarāmaraṇassa pātubhāvo.|| ||

Yo bhikkhave, saññāya uppādo ṭhīti abhinibbatti pātubhāvo,||
dukkhasseso uppādo rogānaɱ ṭhīti jarāmaraṇassa pātubhāvo.|| ||

Yo bhikkhave, sankhārānaɱ uppādo ṭhīti abhinibbatti pātubhāvo,||
dukkhasseso uppādo rogānaɱ ṭhīti jarāmaraṇassa pātubhāvo pātubhāvo.|| ||

Yo bhikkhave, viññāṇassa uppādo ṭhīti abhinibbatti pātubhāvo,||
dukkhasseso uppādo rogānaɱ ṭhīti jarāmaraṇassa pātubhāvo.|| ||

 


 

Yo ca kho bhikkhave, rūpassa nirodho vūpasamo atthaɱgamo,||
dukkhasseso nirodho rogānaɱ vupasamo jarāmaraṇassa atthaɱgamo.|| ||

Yo vedanāya nirodho vūpasamo atthaɱgamo,||
dukkhasseso nirodho rogānaɱ vūpasamo jarāmaraṇassa atthaɱgamo.|| ||

Yo saññāya nirodho vūpasamo atthaɱgamo,||
dukkhasseso nirodho rogānaɱ vūpasamo jarāmaraṇassa atthaɱgamo.|| ||

Yo saɱkhārānaɱ nirodho vūpasamo atthaɱgamo,||
dukkhasseso nirodho rogānaɱ vūpasamo jarāmaraṇassa atthaɱgamo.|| ||

Yo viññāṇassa nirodho vūpasamo atthaɱgamo,||
dukkhasseso nirodho rogānaɱ vūpasamo jarāmaraṇassa atthaɱgamo" ti.|| ||

 


Contact:
E-mail
Copyright Statement   Webmaster's Page