Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
3. Khandha Vagga
22. Khandha Saɱyutta
3. Bhāra Vagga

Sutta 32

Pabhaŋgu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[32]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuɱ|| ||

Bhagavā etad avoca:|| ||

"Pabhaɱguñ ca vo kho bhikkhave, desissāmi appabhaŋguñ ca.|| ||

Taɱ suṇātha.|| ||

Sādhukaɱ manasikarotha bhāsissamī" ti.|| ||

"Evaɱ bhante' ti kho te bhikkhū Bhagavato paccassosuɱ.|| ||

Bhagavā etad avoca:|| ||

Kiñ ca bhikkhave, pabhaŋgu,||
kiɱ appabhaŋgu?|| ||

[33] Rūpaɱ bhikkhave, pabhaŋgu,||
yo tassa nirodho vūpasamo atthagamo||
idaɱ appabhaŋgu.|| ||

Vedanā pabhaŋgu,||
yo tassā nirodho vūpasamo atthagamo||
idaɱ appabhaŋgu.|| ||

Saññā pabhaŋgu,||
yo tassā nirodho vūpasamo atthagamo,||
idaɱ appabhaŋgu.|| ||

Saɱkhārā pabhaŋgu,||
yo tesaɱ nirodho vūpasamo atthagamo||
idaɱ appabhaŋgu.|| ||

Viññāṇaɱ pabhaŋgu,||
yo tassa nirodho vūpasamo atthagamo||
idaɱ appabhaŋgu" ti.|| ||

Bhāravaggo tatiyo.

 


Contact:
E-mail
Copyright Statement   Webmaster's Page