Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
3. Khandha Vagga
22. Khandha Saɱyutta
4. Na Tumhāka Vagga

Sutta 33

Paṭhama Na Tumhāka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[33]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuɱ|| ||

Bhagavā etad avoca:|| ||

"Pabhanguñ ca vo kho bhikkhave, desissāmi||
a-p-pabhanguñ ca.|| ||

Taɱ suṇātha||
sādhukaɱ manasi-karotha||
bhāsissamī" ti.|| ||

"Evaɱ bhante" ti kho te bhikkhū Bhagavato paccassosuɱ.|| ||

Bhagavā etad avoca:|| ||

"Yaɱ bhikkhave na tumhākaɱ taɱ pajahatha,||
taɱ vo pahīnaɱ hitāya sukhāya bhavissati.|| ||

Kiñ ca bhikkhave, na tumhākaɱ?|| ||

Rūpaɱ bhikkhave, na tumhākaɱ||
taɱ pajahatha.|| ||

Taɱ vo pahīnaɱ hitāya sukhāya bhavissati.|| ||

Vedanā na tumhakaɱ,||
taɱ pajahatha.|| ||

Taɱ vo pahīnaɱ hitāya sukhāya bhavissati.|| ||

Saññā na tumhakaɱ,||
taɱ pajahatha.|| ||

Taɱ vo pahīnaɱ hitāya sukhāya bhavissati. [34] Sankhārā na tumhākaɱ,||
taɱ pajahatha.|| ||

Taɱ vo pahīnaɱ hitāya sukhāya bhavissati.|| ||

Viññāṇaɱ na tumhakaɱ,||
taɱ pajahatha.|| ||

Taɱ vo pahīnaɱ hitāya sukhāya bhavissatī ti.|| ||

Seyyathā pi, bhikkhave, yaɱ imasmiɱ Jetavane||
tiṇa-kaṭṭha-sākhāpalāsaɱ||
taɱ jano hareyya vā||
ḍaheyya vā||
yathā-paccayaɱ vā kareyya,||
api nu tumhākaɱ evam assa?|| ||

Amhe jano harati vā||
ḍahati vā||
yathā-paccayaɱ vā karoti" ti?|| ||

"No h'etaɱ bhante.|| ||

Taɱ kissa hetu?|| ||

Na hi no etaɱ bhante,||
attā vā||
attaniyaɱ vā" ti.|| ||

"Evam eva kho bhikkhave, rūpaɱ na tumbhākaɱ,||
taɱ pajahatha.|| ||

Taɱ vo pahīnaɱ hitāya sukhāya bhavissati.|| ||

Vedanā na tumhākaɱ||
taɱ pajahatha.|| ||

Taɱ vo pahīnaɱ hitāya sukhāya bhavissati.|| ||

Saññā na tumhākaɱ||
taɱ pajahatha.|| ||

Taɱ vo pahīnaɱ hitāya sukhāya bhavissati.|| ||

Sankhārā na tumhākaɱ||
taɱ pajahatha.|| ||

Taɱ vo pahīnaɱ hitāya sukhāya bhavissati.|| ||

Viññāṇaɱ na tumhākaɱ||
taɱ pajahatha.|| ||

Taɱ vo pahīnaɱ hitāya sukhāya bhavissatī" ti.

 


Contact:
E-mail
Copyright Statement