Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandha Vagga:
22: Khandha Saɱyutta
4. Natumhāka Vagga

Sutta 37

Paṭhama Ānanda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[37]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Atha kho āyasmā Ānando yena Bhagavā ten'upasaɱkami, upasaɱkamitvā Bhagavantaɱ abhivādetvā eka-m-antaɱ nīsīdi.|| ||

Eka-m-antaɱ nisinnaɱ kho āyasmantaɱ Ānandaɱ Bhagavā etad avoca:|| ||

"Sace taɱ Ānanda, evaɱ puccheyyuɱ:|| ||

'Katamesaɱ āvuso Ānanda, dhammānaɱ||
uppādo paññāyati,||
vayo paññāyati,||
ṭhitassa aññathattaɱ paññāyatī' ti?|| ||

Evaɱ puṭṭho tvaɱ Ānanda,||
kinti khyākareyyāsī" ti?|| ||

[38] Sace maɱ bhante, evaɱ puccheyyuɱ:|| ||

'Katamesaɱ āvuso Ānanda, dhammānaɱ||
uppādo paññāyati,||
vayo paññāyati,||
ṭhitassa aññathattaɱ paññāyatī' ti?|| ||

Evaɱ puṭṭhohaɱ bhante, evaɱ khyākareyyaɱ:|| ||

Rūpassa kho āvuso uppādo paññāyati,||
vayo paññāyati,||
ṭhitassa aññathattaɱ paññāyati,|| ||

Vedanāya uppādo paññāyati,||
vayo paññāyati,||
ṭhitassa aññathattaɱ paññāyati.|| ||

Saññāya uppādo paññāyati,||
vayo paññāyati,||
ṭhitassa aññathattaɱ paññāyati,|| ||

Saɱkhārānaɱ uppādo paññāyati,||
vayo paññāyati,||
ṭhitassa aññathattaɱ paññāyati.|| ||

Viññāṇassa uppādo paññāyati,||
vayo paññāyati,||
ṭhitassa aññathattaɱ paññāyati,|| ||

Imesaɱ kho āvuso,||
dhammānaɱ uppādo paññāyati,||
vayo paññāyati,||
Ṭhitassa aññathattaɱ paññātī' ti.|| ||

Evaɱ puṭṭhohaɱ bhante, evaɱ khyākareyyan" ti.|| ||

"Sādhu sādhu Ānanda!|| ||

Rūpassa kho Ānanda, uppādo paññāyati,||
vayo paññāyati,||
ṭhitassa aññathattaɱ paññāyati.|| ||

Vedanāya uppādo paññāyati,||
vayo paññāyati,||
ṭhitassa aññathattaɱ paññāyati.|| ||

Saññāya uppādo paññāyati,||
vayo paññāyati,||
ṭhitassa aññathattaɱ paññāyati.|| ||

Saɱkhārānaɱ uppādo paññāyati,||
vayo paññāyati,||
ṭhitassa aññathattaɱ paññāyati.|| ||

Viññāṇassa uppādo paññāyati,||
vayo paññāyati,||
ṭhitassa aññathattaɱ paññāyati.|| ||

Imesaɱ kho ānnada, dhammānaɱ uppādo paññāyati,||
vayo paññāyati,||
ṭhitassa aññathattaɱ paññāyati.|| ||

Evaɱ puṭṭho tvaɱ Ānanda,||
evaɱ khyākareyyāsī" ti.|| ||

 


Contact:
E-mail
Copyright Statement   Webmaster's Page