Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandha Vagga:
22: Khandha Saɱyutta
4. Natumhāka Vagga

Sutta 39

Paṭhama Anudhamma Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than][olds][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuɱ|| ||

Bhagavā etad avoca:|| ||

"Dhammānudhamma-paṭipannassa bhikkhave, bhikkhuno ayamanudhammo hoti:|| ||

Yaɱ rūpe nibbidā-bahulo vihareyya,||
vedanāya nibbidā-bahulo vihareyya,||
saññaɱ nibbidā-bahulo vihareyya,||
sankhāre nibbidā-bahulo vihareyya,||
viññāṇaɱ nibbidā-bahulo vihareyya.|| ||

[4] So rūpe nibbidā-bahulo viharanto,||
vedanāya nibbidā-bahulo viharanto,||
saññāya nibbidā-bahulo viharanto,||
sankhāresu nibbidā-bahulo viharanto,||
viññāṇe nibbidā-bahulo viharanto;||
rūpaɱ parijānāti,||
vedanaɱ parijānāti,||
saññaɱ parijānāti,||
sankhāre parijānāti,||
viññāṇaɱ parijānāti.|| ||

[5] So rūpaɱ parijānaɱ||
vedanaɱ parijānaɱ||
saññaɱ parijānaɱ||
sankhāre parijānaɱ||
viññāṇaɱ parijānaɱ||
parimuccati rūpamhā,||
parimuccati vedanāya,||
parimuccati saññāya,||
parimuccati sankhārehi,||
parimuccati viññāṇamhā,||
parimuccati jātiyā,||
jarāya maraṇena,||
sokehi paridevehi dukkhehi domanassehi upāyāsehi,||
parimuccati dukkhasmāti vadāmī" ti.|| ||

 


Contact:
E-mail
Copyright Statement   Webmaster's Page