Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandha Vagga:
22: Khandha Saɱyutta
4. Natumhāka Vagga

Sutta 40

Dutiya Anudhamma Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than][olds] Sāvatthiyaɱ:|| ||

[3] Dhammānudhammapaṭipannassa bhikkhave, bhikkhuno ayamanudhammo hoti:|| ||

Yaɱ rūpe aniccānupassī vihareyya,||
vedanāya aniccānupassī vihareyya,||
saññaɱ aniccānupassī vihareyya,||
sankhāre aniccānupassī vihareyya,||
viññāṇaɱ aniccānupassī vihareyya.|| ||

[4] So rūpe aniccānupassī viharanto||
vedanāya aniccānupassī viharanto||
saññāya aniccānupassī viharanto||
sankhāresu aniccānupassī viharanto||
viññāṇe aniccānupassī viharanto,||
rūpaɱ parijānāti||
vedanaɱ parijānāti||
saññaɱ parijānāti||
sankhāre parijānāti||
viññāṇaɱ parijānāti.|| ||

[5] So rūpaɱ parijānaɱ||
vedanaɱ parijānaɱ||
saññaɱ parijānaɱ||
sankhāre parijānaɱ||
viññāṇaɱ parijānaɱ||
parimuccati rūpamhā,||
parimuccati vedanāya,||
parimuccati saññāya,||
parimuccati sankhārehi,||
parimuccati viññāṇamhā,||
parimuccati jātiyā jarāya maraṇena sokehi paridevehi dukkhehi domanassehi upāyāsehi,||
parimuccati dukkhasmāti vadāmīti.|| ||

 


Contact:
E-mail
Copyright Statement   Webmaster's Page