Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

Saɱyutta Nikāya:
III. Khandha Vagga:
22: Khandha Saɱyutta
5. Attadīpa Vagga

Sutta 43

Attadīpa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[42]

[1-2][pts][wlsh][bodh][olds] Sāvatthiyaɱ:||
Tatra||
voca|| ||

[3][pts][bodh][olds] Attadīpā bhikkhave, viharatha attasaraṇā anaññasaraṇā.||
Dhammadīpā dhammasaraṇā anaññasaraṇā.|| ||

[4][pts][bodh][olds] Attadīpānaɱ bhikkhave,||
viharataɱ attasaraṇānaɱ anaññasaraṇānaɱ||
dhammadīpānaɱ||
dhammasaraṇānaɱ||
anaññasaraṇānaɱ,||
yoni yeva upaparikkhitabbo.|| ||

"Kiñjātikā soka-parideva-dukkha-domanass'-upāyāsā.||
Kiɱpahotikā" ti.|| ||

[5][pts][bodh][olds] Kiñjātikā ca bhikkhave, soka-parideva-dukkha-domanass'-upāyāsā: kiɱ pahotikā:|| ||

[6][pts][bodh][olds] Idha, bhikkhave,, assutavā puthujjano ariyānaɱ adassāvī ariya-Dhammassa akovido||
ariya-Dhamme avinīto,||
sappurisānaɱ adassāvī||
sappurisa-Dhammassa akovido||
sappurisa-Dhamme avinīto,||
rūpaɱ attato samanupassati,||
rūpavantaɱ vā attānaɱ,||
attani vā rūpaɱ,||
rūpsamiɱ vā attānaɱ.|| ||

Tassa taɱ rūpaɱ vipariṇamati,||
aññathā hoti||
tassa rūpavipariṇām-aññathā-bhāvā||
uppajjanti soka-parideva-dukkha-domanass'-upāyāsā.|| ||

[7][pts][bodh][olds] Vedanaɱ attato samanupassati,||
vedanāvantaɱ vā attānaɱ.||
Attani vā vedanaɱ,||
vedanāya vā attānaɱ.|| ||

Tassa sā vedanā vipariṇamati,||
aññathā hoti.||
Tassa vedanāvipariṇām-aññathā-bhāvā||
uppajjanti soka-parideva-dukkha-domanass'-upāyāsā.|| ||

[8][pts][bodh][olds] Saññaɱ attato samanupassati,||
saññāvantaɱ vā attānaɱ.||
Attani vā saññaɱ,||
saññāya vā attānaɱ.|| ||

Tassa sā saññā vipariṇamati,||
aññathā hoti.||
Tassa saññāvipariṇām-aññathā-bhāvā||
uppajjanti soka-parideva-dukkha-domanass'-upāyāsā.|| ||

[9][pts][bodh][olds] Saɱkhāre attato samanupassati,||
saɱkhāravantaɱ vā attānaɱ.||
Attani vā saɱkhāre,||
saɱkhāresu vā attānaɱ.|| ||

Tassa te saɱkhārā vipariṇamanti,||
aññathā honti.||
Tassa saɱkhāravipariṇām-aññathā-bhāvā||
uppajjanti soka-parideva-dukkha-domanass'-upāyāsā.|| ||

[10][pts][bodh][olds] Viññāṇaɱ attato samanupassati,||
viññāṇavantaɱ vā attānaɱ,||
attani vā viññāṇaɱ,||
viññāṇasmiɱ vā attānaɱ.|| ||

[43] Tassa taɱ viññāṇaɱ vipariṇamati,||
aññathā hoti.||
Tassa viññāṇavipariṇām-aññathā-bhāvā||
uppajjanti soka-parideva-dukkha-domanass'-upāyāsā.|| ||

[11][pts][bodh][olds] Rūpassa tv eva bhikkhave,||
aniccataɱ viditvā vipariṇāmavirāganirodhaɱ pubbe c'eva rūpaɱ etarahi ca sabbaɱ rūpaɱ aniccaɱ dukkhaɱ vipariṇāmadhammanti evam etaɱ yathābhūtaɱ sammappaññāya passato ye soka-parideva-dukkha-domanass'-upāyāsā te pahīyanti,||
tesaɱ pahānā na paritassati,||
aparitassaɱ sukhaɱ viharati.|| ||

Sukhaɱ viharaɱ bhikkhu 'tadaŋganibbuto" ti.vuccati.|| ||

[12][pts][bodh][olds] Vedanāya tv eva bhikkhave,||
aniccataɱ viditvā vipariṇāmavirāganirodhaɱ pubbe c'eva vedanā etarahi ca sabbā vedanā aniccā dukkhā vipariṇāma-dhammāti evam etaɱ yathābhūtaɱ sammappaññāya passato ye soka-parideva-dukkha-domanass'-upāyāsā te pahīyanti,||
tesaɱ pahānā na paritassati,||
aparitassaɱ sukhaɱ viharati.|| ||

Sukhaɱ viharaɱ bhikkhu 'tadaŋganibbuto" ti.vuccati.|| ||

[13][pts][bodh][olds] Saññāya tv eva bhikkhave,||
aniccataɱ viditvā vipariṇāmavirāganirodhaɱ pubbe c'eva saññāya etarahi ca sabbā saññāya aniccā dukkhā vipariṇāma-dhammāti evam etaɱ yathābhūtaɱ sammappaññāya passato ye soka-parideva-dukkha-domanass'-upāyāsā te pahīyanti,||
tesaɱ pahānā na paritassati,||
aparitassaɱ sukhaɱ viharati.|| ||

Sukhaɱ viharaɱ bhikkhu 'tadaŋganibbuto" ti.vuccati.|| ||

[14][pts][bodh][olds] Saɱkhārānaɱ tv eva bhikkhave,||
aniccataɱ viditvā vipariṇāmavirāganirodhaɱ pubbe ce saɱkhārā etarahi ca sabbe saɱkhārā aniccā dukkhā vipariṇāma-dhammāti evam etaɱ yathābhūtaɱ sammappaññāya passato ye soka-parideva-dukkha-domanass'-upāyāsā te pahīyanti,||
tesaɱ pahānā na paritassati,||
aparitassaɱ sukhaɱ viharati.|| ||

Sukhaɱ viharaɱ bhikkhu 'tadaŋganibbuto" ti.vuccati.|| ||

[15][pts][bodh][olds] Viññāṇassa tv eva bhikkhave,||
aniccataɱ viditvā vipariṇāmavirāganirodhaɱ pubbe ce viññāṇaɱ etarahi ca sabbaɱ viññāṇaɱ aniccaɱ dukkhaɱ vipariṇāmadhammanti evam etaɱ yathābhūtaɱ sammappaññāya passato ye soka-parideva-dukkha-domanass'-upāyāsā te pahīyanti,||
tesaɱ pahānā na paritassati,||
aparitassaɱ sukhaɱ viharati.|| ||

Sukhaɱ viharaɱ bhikkhu 'tadaŋganibbuto" ti.vuccati.

 


Contact:
E-mail
Copyright Statement   Webmaster's Page