Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandha Vagga:
22: Khandha Saɱyutta
5. Attadīpa Vagga

Sutta 45

Paṭhama Aniccatā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[44]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Rūpaɱ bhikkhave aniccaɱ||
yad aniccaɱ taɱ dukkhaɱ||
[45] yaɱ dukkhaɱ tad anattā||
yad anattā taɱ||
'n'etaɱ mama,||
neso ham asmi,||
na me so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Evam etaɱ yathābhūtaɱ sammappaññāya passato cittaɱ virajjati,||
vimuccati anupādāya āsavehi.|| ||

"Vedanā bhikkhave aniccaɱ||
yad aniccaɱ taɱ dukkhaɱ||
yaɱ dukkhaɱ tad anattā||
yad anattā taɱ||
'n'etaɱ mama,||
neso ham asmi,||
na me so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Evam etaɱ yathābhūtaɱ sammappaññāya passato cittaɱ virajjati,||
vimuccati anupādāya āsavehi.|| ||

"Saññā bhikkhave aniccaɱ||
yad aniccaɱ taɱ dukkhaɱ||
yaɱ dukkhaɱ tad anattā||
yad anattā taɱ||
'n'etaɱ mama,||
neso ham asmi,||
na me so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Evam etaɱ yathābhūtaɱ sammappaññāya passato cittaɱ virajjati,||
vimuccati anupādāya āsavehi.|| ||

"Saɱkhārā bhikkhave aniccaɱ||
yad aniccaɱ taɱ dukkhaɱ||
yaɱ dukkhaɱ tad anattā||
yad anattā taɱ||
'n'etaɱ mama,||
neso ham asmi,||
na me so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Evam etaɱ yathābhūtaɱ sammappaññāya passato cittaɱ virajjati,||
vimuccati anupādāya āsavehi.|| ||

"Viññāṇaɱ bhikkhave aniccaɱ||
yad aniccaɱ taɱ dukkhaɱ||
yaɱ dukkhaɱ tad anattā||
yad anattā taɱ||
'n'etaɱ mama,||
neso ham asmi,||
na me so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Evam etaɱ yathābhūtaɱ sammappaññāya passato cittaɱ virajjati,||
vimuccati anupādāya āsavehi.|| ||

Rūpa-dhātuyā ce bhikkhave bhikkhuno cittaɱ cirattaɱ vimuttaɱ hoti anupādāya āsavehi,||
vedanā-dhātuyā ce bhikkhave bhikkhuno cittaɱ cairattaɱ vimuttaɱ hoti anupādāya āsavehi,||
saññā-dhātuyā ce bhikkhave bhikkhuno cittaɱ cairattaɱ vimuttaɱ hoti anupādāya āsavehi,||
saɱkhāra-dhātuyā ce bhikkhave bhikkhuno cittaɱ cairattaɱ vimuttaɱ hoti anupādāya āsavehi,||
viññāṇa-dhātuyā ce bhikkhave bhikkhuno cittaɱ cirattaɱ vimuttaɱ hoti anupādāya āsavehi,||
vimuttattā ṭhitaɱ,||
ṭhitattā santusitaɱ,||
santusitattā na paritassati,||
aparitassaɱ paccattaɱ yeva parinibkhāyati,|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā'||
ti pajānātī" ti.|| ||

 


Contact:
E-mail
Copyright Statement   Webmaster's Page