Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

Saɱyutta Nikāya:
III. Khandha Vagga:
22: Khandha Saɱyutta
5. Attadīpa Vagga

Sutta 49

Paṭhama Soṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[48]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Rājagahe viharati Veḷuvane Kalandakanivāpe.|| ||

Atha kho Soṇo gahapatiputto yena Bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho Soṇaɱ gahapatiputtaɱ Bhagavā etad avoca:|| ||

Ye hi keci Soṇa, samaṇā vā brāhmaṇā vā aniccena rūpena dukkhena vipariṇāmadhammena seyyohamasmīti vā samanupassanti, sadisohamasmīti vā samanupassanti, hīnohamasmīti vā samanupassanti.|| ||

Kim aññatra yathābhutassa adassanā?|| ||

Aniccāya vedanāya dukkhāya vipariṇāma-dhammāya||
'seyyo'ham asmī' ti vā samanupassanti,||
'sadiso'ham asmī' ti vā samanupassanti,||
'hino'ham asmī' ti vā samanupassanti.|| ||

Kim aññatra yathābhūtassa adassanā?|| ||

Aniccāya saññāya dukkhāya vipariṇāma-dhammāya||
'seyyo'ham asmī' ti vā samanupassanti,||
'sadiso'ham asmī' ti vā samanupassanti,||
'hino'ham asmī' ti vā samanupassanti.|| ||

Kim aññatra yathābhutassa adassanā?|| ||

Aniccehi saɱkhārehi dukkhehi vipariṇāma-dhammehi||
'seyyo'ham asmī' ti vā samanupassanti,||
'sadiso'ham asmī' ti vā samanupassanti,||
'hino'ham asmī' ti vā samanupassanti.|| ||

Kim aññatra yathābhutassa adassanā?|| ||

Aniccena viññāṇena dukkhena vipariṇāma-dhammena||
'seyyo'ham asmī' ti vā samanupassanti,||
'sadiso'ham asmī' ti vā samanupassanti,||
'hino'ham asmī' ti vā samanupassanti.|| ||

Kim aññatra yathābhutassa adassanā?|| ||

 


 

Ye ca kho kecī Soṇa,||
samaṇā vā brāhmaṇā vā||
aniccena rūpena dukkhena vipariṇāma-dhammena||
'seyyo'ham asmī' ti pi na samanu passanti,||
'sadiso'ham asmī' ti pi na samanupassanti,||
[49]'hīno'ham asmī' ti pi na samanupassanti.|| ||

Kim aññatra yathābhutassa dassanā?|| ||

Aniccāya vedanāya dukkhāya vipariṇāma-dhammāya||
'seyyo'ham asmī' ti pi na samanupassanti||
'sadiso'ham asmī' ti pi na samanupassanti,||
'hīno'ham asmī' ti pi samanupassanti.|| ||

Kim aññatra yathābhutassa dassanā?

Aniccāya saññāya dukkhāya vipariṇāma-dhammāya||
'seyyo'ham asmī' ti pi na samanupassanti||
'sadiso'ham asmī' ti pi na samanupassanti,||
'hīno'ham asmī' ti pi samanupassanti.|| ||

Kim aññatra yathābhutassa dassanā?

Aniccehi saɱkhārehi dukkhehi vipariṇāma-dhammehi||
'seyyo'ham asmī' ti pi na samanupassanti||
'sadiso'ham asmī' ti pi na samanupassanti,||
'hīno'ham asmī' ti pi samanupassanti.|| ||

Kim aññatra yathābhutassa dassanā?

Aniccena viññāṇena dukkhena vipariṇāma-dhammena||
'seyyo'ham asmī' ti pi na samanupassanti||
'sadiso'ham asmī' ti pi na samanupassanti,||
'hīno'ham asmī' ti pi samanupassanti.|| ||

Kim aññatra yathābhutassa dassanā?

 


 

Taɱ kim maññasi Soṇa?|| ||

Rūpaɱ:||
niccaɱ vā||
aniccaɱ cā" ti?|| ||

"Aniccaɱ bhante."|| ||

"Yaɱ panāniccaɱ:||
dukkhaɱ vā||
taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ||
vipariṇāma-dhammaɱ kallaɱ nu taɱ samanupassituɱ: 'Etaɱ mama',||
'eso'hamasmi',||
'eso me attā'" ti?|| ||

"No h'etaɱ bhante."|| ||

Vedanā:||
niccaɱ vā||
aniccaɱ cā" ti?|| ||

"Aniccaɱ bhante."|| ||

"Yaɱ panāniccaɱ:||
dukkhaɱ vā||
taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ||
vipariṇāma-dhammaɱ kallaɱ nu taɱ samanupassituɱ: 'Etaɱ mama',||
'eso'hamasmi',||
'eso me attā'" ti?|| ||

"No h'etaɱ bhante."|| ||

Saññā:||
niccaɱ vā||
aniccaɱ cā" ti?|| ||

"Aniccaɱ bhante."|| ||

"Yaɱ panāniccaɱ:||
dukkhaɱ vā||
taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ||
vipariṇāma-dhammaɱ kallaɱ nu taɱ samanupassituɱ: 'Etaɱ mama',||
'eso'hamasmi',||
'eso me attā'" ti?|| ||

"No h'etaɱ bhante."|| ||

Saɱkhārā:||
niccaɱ vā||
aniccaɱ cā" ti?|| ||

"Aniccaɱ bhante."|| ||

"Yaɱ panāniccaɱ:||
dukkhaɱ vā||
taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ||
vipariṇāma-dhammaɱ kallaɱ nu taɱ samanupassituɱ: 'Etaɱ mama',||
'eso'hamasmi',||
'eso me attā'" ti?|| ||

"No h'etaɱ bhante."|| ||

Viññāṇaɱ:||
niccaɱ vā||
aniccaɱ cā" ti?|| ||

"Aniccaɱ bhante."|| ||

"Yaɱ panāniccaɱ:||
dukkhaɱ vā||
taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ||
vipariṇāma-dhammaɱ kallaɱ nu taɱ samanupassituɱ: 'Etaɱ mama',||
'eso'hamasmi',||
'eso me attā'" ti?|| ||

"No h'etaɱ bhante."|| ||

 


 

Tasmāt iha Soṇa,||
yaɱ kiñci rūpaɱ||
atītānāgata-paccuppannaɱ||
ajjhattaɱ vā bahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
sabbaɱ rūpaɱ:||
'n'etaɱ mama',||
'neso'ham asmi',||
'na me so attā' ti||
evam etaɱ yathābhūtaɱ sammappaññāya daṭṭhabbaɱ.|| ||

Yaɱ kiñci vedanā||
atītānāgata-paccuppannaɱ||
ajjhattaɱ vā bahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
sabbaɱ rūpaɱ:||
'n'etaɱ mama',||
'neso'ham asmi',||
'na me so attā' ti||
evam etaɱ yathābhūtaɱ sammappaññāya daṭṭhabbaɱ.|| ||

Yaɱ kiñci saññā||
atītānāgata-paccuppannaɱ||
ajjhattaɱ vā bahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
sabbaɱ rūpaɱ:||
'n'etaɱ mama',||
'neso'ham asmi',||
'na me so attā' ti||
evam etaɱ yathābhūtaɱ sammappaññāya daṭṭhabbaɱ.|| ||

Yaɱ kiñci saɱkhārā||
atītānāgata-paccuppannaɱ||
ajjhattaɱ vā bahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
sabbaɱ rūpaɱ:||
'n'etaɱ mama',||
'neso'ham asmi',||
'na me so attā' ti||
evam etaɱ yathābhūtaɱ sammappaññāya daṭṭhabbaɱ.|| ||

Yaɱ kiñci viññāṇaɱ||
atītānāgata-paccuppannaɱ||
ajjhattaɱ vā bahiddhā vā,||
oḷārikaɱ vā sukhumaɱ vā,||
hīnaɱ vā paṇītaɱ vā,||
yaɱ dūre santike vā,||
sabbaɱ rūpaɱ:||
'n'etaɱ mama',||
'neso'ham asmi',||
'na me so attā' ti||
evam etaɱ yathābhūtaɱ sammappaññāya daṭṭhabbaɱ.|| ||

Evaɱ passaɱ Soṇa,||
sutavā ariyasāvako||
rūpasmim pi nibbindati,||
vedanāya pi nibbindati,||
Saññāya pi nibbindati,||
saɱkhāresu pi nibbindati,||
viññāṇasmim pi nibbindati.|| ||

Nibbindaɱ virajjati,||
cirāgā vimuccati,||
vimuttasmīɱ vimuttamiti||
ñāṇaɱ hoti:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti||
pajānātī" ti.|| ||

 


Contact:
E-mail
Copyright Statement   Webmaster's Page