Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

Saɱyutta Nikāya:
III. Khandha Vagga:
22: Khandha Saɱyutta
5. Attadīpa Vagga

Sutta 50

Dutiya Soṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[50]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Rājagahe viharati Veḷuvane Kalandakanivāpe.|| ||

Atha kho Soṇo gahapatiputto yena Bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho Soṇaɱ gahapatiputtaɱ Bhagavā etad avoca:|| ||

"Ye keci Soṇa,||
samaṇā vā brāhmaṇā vā||
rūpaɱ nappajānanti||
rūpasamudayaɱ nappajānanti||
rūpanirodhaɱ nappajānanti||
rūpanirodhagāminiɱ paṭipadaɱ nappajānanti,||
na me te Soṇa,||
samaṇā vā brāhmaṇā vā||
samaṇesu vāsamaṇasammatā||
brāhmaṇesu vā brāhmaṇasammatā,||
na ca pana te āyasmanto||
sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā||
sacchikatvā upasampajja viharanti.|| ||

Ye keci Soṇa,||
samaṇā vā brāhmaṇā vā||
vedanaɱ nappajānanti||
vedanāsamudayaɱ nappajānanti||
vedanānirodhaɱ nappajānanti||
vedanānirodhagāminiɱ paṭipadaɱ nappajānanti,||
na me te Soṇa,||
samaṇā vā brāhmaṇā vā||
samaṇesu vāsamaṇasammatā||
brāhmaṇesu vā brāhmaṇasammatā,||
na ca pana te āyasmanto||
sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā||
sacchikatvā upasampajja viharanti.|| ||

Ye keci Soṇa,||
samaṇā vā brāhmaṇā vā||
saññaɱ nappajānanti||
saññāsamudayaɱ nappajānanti||
saññānirodhaɱ nappajānanti||
saññānirodhagāminiɱ paṭipadaɱ nappajānanti,||
na me te Soṇa,||
samaṇā vā brāhmaṇā vā||
samaṇesu vāsamaṇasammatā||
brāhmaṇesu vā brāhmaṇasammatā,||
na ca pana te āyasmanto||
sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā||
sacchikatvā upasampajja viharanti.|| ||

Ye keci Soṇa,||
samaṇā vā brāhmaṇā vā||
sankhāre nappajānanti||
sankhāra samudayaɱ nappajānanti||
sankhāranirodhaɱ nappajānanti||
sankhāranirodhagāminiɱ paṭipadaɱ nappajānanti,||
na me te Soṇa,||
samaṇā vā brāhmaṇā vā||
samaṇesu vāsamaṇasammatā||
brāhmaṇesu vā brāhmaṇasammatā,||
na ca pana te āyasmanto||
sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā||
sacchikatvā upasampajja viharanti.|| ||

Ye keci Soṇa,||
samaṇā vā brāhmaṇā vā||
viññāṇaɱ nappajānanti,||
viññāṇasamudayaɱ nappajānanti,||
viññāṇanirodhaɱ nappajānanti,||
viññāṇanirodhagāminiɱ paṭipadaɱ nappajānanti,||
na me te Soṇa,||
samaṇā vā brāhmaṇā vā||
samaṇesu vāsamaṇasammatā||
brāhmaṇesu vā brāhmaṇasammatā,||
na ca pana te āyasmanto||
sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā||
sacchikatvā upasampajja viharanti.|| ||

 


 

Ye ca kho keci Soṇa,||
samaṇā vā brahmaṇā vā||
rūpaɱ pajānanti||
rūpasamudayaɱ pajānanti||
rūpanirodhaɱ pajānanti||
rūpanirodhāgāminiɱ paṭipadaɱ pajānanti,||
te kho Soṇa, samaṇā vā brāhmaṇā vā||
samaṇesu c'eva samaṇasammatā||
brāhmaṇesu c'eva brāhmaṇasammatā||
te ca panāyasmanto||
sāmaññatthañe ca va brahmaññatthaɱ ca||
diṭṭhe va dhamme sayaɱ abhiññā||
sacchikatvā upasampajja viharanti.|| ||

Ye ca kho keci Soṇa,||
samaṇā vā brāhmaṇā vā||
vedanaɱ pajānanti||
vedanāsamudayaɱ pajānanti||
vedanānirodhaɱ pajānanti||
vedanānirodhagāminiɱ paṭipadaɱ pajānanti,||
te kho Soṇa, samaṇā vā brāhmaṇā vā||
samaṇesu c'eva samaṇasammatā||
brāhmaṇesu c'eva brāhmaṇasammatā||
te ca panāyasmanto||
sāmaññatthañe ca va brahmaññatthaɱ ca||
diṭṭhe va dhamme sayaɱ abhiññā||
sacchikatvā upasampajja viharanti.|| ||

Ye ca kho keci Soṇa,||
samaṇā vā brāhmaṇā vā||
saññaɱ pajānanti||
saññāsamudayaɱ pajānanti||
saññānirodhaɱ pajānanti||
saññānirodhagāminiɱ paṭipadaɱ pajānanti,||
te kho Soṇa, samaṇā vā brāhmaṇā vā||
samaṇesu c'eva samaṇasammatā||
brāhmaṇesu c'eva brāhmaṇasammatā||
te ca panāyasmanto||
sāmaññatthañe ca va brahmaññatthaɱ ca||
diṭṭhe va dhamme sayaɱ abhiññā||
sacchikatvā upasampajja viharanti.|| ||

Ye ca kho keci Soṇa,||
samaṇā vā brāhmaṇā vā||
sankhāre [51] pajānanti||
sankhārasamudayaɱ pajānanti||
sankhāranirodhaɱ pajānanti||
sankhāranirodhagāminiɱ paṭipadaɱ pajānanti,||
te kho Soṇa, samaṇā vā brāhmaṇā vā||
samaṇesu c'eva samaṇasammatā||
brāhmaṇesu c'eva brāhmaṇasammatā||
te ca panāyasmanto||
sāmaññatthañe ca va brahmaññatthaɱ ca||
diṭṭhe va dhamme sayaɱ abhiññā||
sacchikatvā upasampajja viharanti.|| ||

Ye ca kho keci Soṇa,||
samaṇā vā brāhmaṇā vā||
viññāṇaɱ pajānanti||
viññāṇasamudayaɱ pajānanti||
viññāṇanirodhaɱ pajānanti||
viññāṇanirodhagāminiɱ paṭipadaɱ pajānanti,||
te kho Soṇa, samaṇā vā brāhmaṇā vā||
samaṇesu c'eva samaṇasammatā||
brāhmaṇesu c'eva brāhmaṇasammatā||
te ca panāyasmanto||
sāmaññatthañe ca va brahmaññatthaɱ ca||
diṭṭhe va dhamme sayaɱ abhiññā||
sacchikatvā upasampajja viharan" ti.|| ||

 


Contact:
E-mail
Copyright Statement   Webmaster's Page