Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


Saɱyutta Nikāya
3. Khandha Vagga
22. Khandha Saɱyutta
6. Upāya Vagga

Sutta 53

Upaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than][wrrn][olds][bodh] Sāvatthiyaɱ:|| ||

3. "Upayo bhikkhave,||
avimutto,||
anupayo vimutto.|| ||

Rūpūpayaɱ bhikkhave, viññāṇaɱ tiṭṭha-mānaɱ tiṭṭheyya,||
rūp-ā-rammaṇaɱ rūpa-p-patiṭṭhaɱ nandūpasevanaɱ vuḍḍhiɱ virūḷahiɱ vepullaɱ āpajjeyya.|| ||

Sankhār'ūpayaɱ vā bhikkhave, viññāṇaɱ tiṭṭha-mānaɱ tiṭṭheyya,||
sankhārā'rammaṇaɱ sankhāra-p-patiṭṭhaɱ nandūpasecanaɱ vuḍḍhiɱ virūḷahiɱ vepullaɱ āpajjeyya.|| ||

5. Yo bhikkhave evaɱ vadeyya:|| ||

Aham aññatra rūpā||
aññatra vedanāya||
aññatra saññāya||
aññatra sankhārehi||
viññāṇassa āgatiɱ vā||
gatiɱ vā||
cutiɱ vā||
uppattiɱ vā||
vuḍḍhiɱ vā||
virūḷhiɱ vā||
vepullaɱ vā||
paññāpessāmīti||
n'etaɱ ṭhānaɱ vijjati.|| ||

6. Rūpa dhātuyā ce bhikkhave,||
bhikkhuno rāgo pahīno hoti,||
rāgassa pahānā vocchijjat-ā-rammaṇaɱ,||
patiṭṭhā viññāṇassa na hoti.|| ||

7. Vedanāya dhātuyā ce bhikkhave,||
bhikkhuno rāgo pahīno hoti,||
rāgassa pahānā vocchijjat-ā-rammaṇaɱ,||
patiṭṭhā viññāṇassa na hoti.|| ||

8. Saññā dhātuyā ce bhikkhave,||
bhikkhuno rāgo pahīno hoti,||
rāgassa pahānā vocchijjat-ā-rammaṇaɱ,||
patiṭṭhā viññāṇassa na hoti.|| ||

9. Sankhāra dhātuyā ce bhikkhave,||
bhikkhuno rāgassa pahino hoti,||
rāgassa pahānā vocchijjat-ā-rammaṇaɱ,||
patiṭṭhā viññāṇassa na hoti.|| ||

10. Viññāṇa dhātuyā ce bhikkhave,||
bhikkhunā rāgo pahīno hoti,||
rāgassa pahānā vocchijjat-ā-rammaṇaɱ,||
patiṭṭhā viññāṇassa na hoti.|| ||

11. Tad appatiṭṭaṭhitaɱ||
viññāṇaɱ avirūḷhaɱ||
anabhisaŋ- [54] khārañ ca vimuttaɱ,||
vimutt'attā ṭhitaɱ||
ṭhitattā santusitaɱ,||
santusitattā na paritassati||
aparitassaɱ paccattaññ eva parinibbāyati.|| ||

'Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattāyā' ti pajānātī" ti.|| ||

 


Contact:
E-mail
Copyright Statement