Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya:
III. Khandha Vagga:
22: Khandha Saɱyutta
2.4. Thera Vagga

The Book of the
Kindred Sayings
or Grouped Suttas

The Book Called the Khandhā-Vagga
Containing Kindred Sayings on the Elements
of Sensory Existence and Other Subjects

Kindred Sayings on Elements (Khandhā)

Sutta 85

Yamaka suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[109]

[1][wrrn][pts][than][bodh][olds] Evaɱ me sutaɱ ekaɱ samayaɱ āyasmā Sāriputto Sāvatthiyaɱ viharati Jetavane Anāthapiṇḍikassa ārāme.|| ||

2. Tena kho pana samayena Yamakassa nāma bhikkhuno eva-rūpaɱ pāpakaɱ diṭṭhi-gataɱ uppannaɱ hoti tath'āhaɱ Bhagavatā dhammaɱ, desitaɱ ājānāmi yathā khīṇ'āsavo bhikkhu kāyassa bhedā ucchijjati vinassati na hoti param maraṇā' ti.|| ||

3. Assosuɱ kho sambahulā bhikkhu Yamakassa kira nāma bhikkhuno eva-rūpaɱ pāpakaɱ diṭṭhi-gataɱ uppannaɱ hoti: tath'āhaɱ Bhagavatā dhammaɱ desitaɱ ājānāmi, yathā khīṇ'āsavo bhikkhū kāyassa bhedā ucchijjati vinassati na hoti param maraṇā ti.|| ||

4. Atha kho te bhikkhu yen'āyasmā Yamako ten'upasankamiɱsu. Upasaɱkamitvā āyasmatā yamakena saddhiɱ sammodiɱsu sammodaniyaɱ kathaɱ sārāṇiyaɱ vitisāretvā eka-m-antaɱ nisīdiɱsu.|| ||

5. eka-m-antaɱ nisinnā kho te bhikkhū āyasmantaɱ Yamakaɱ etad avocuɱ:|| ||

"Saccaɱ kira te āvuso Yamaka, eva-rūpaɱ pāpakaɱ diṭṭhi-gataɱ uppannaɱ|| ||

"Tath'āhaɱ [110] Bhagavatā dhammaɱ desitaɱ ājānāmi, yathā khīṇ'āsavo bhikkhu kāyassa bhedā ucchijjati vinassati na hoti param maraṇā ti.|| ||

6. Evaɱ kho haɱ āvuso Bhagavatā dhammaɱ desitaɱ ājānāmi||
yathā khīṇ'āsavo bhikkhu kāyassa bhedā ucchijjati vinassati na hoti param maraṇā ti.|| ||

7. Mā āvuso Yamaka evaɱ avaca,||
Bhagavantaɱ abbh'ācikkhi,||
na hi sādhu Bhagavato abbha-k-khānaɱ,||
na hi Bhagavā evaɱ vadeyya:||
"khīṇ'āsavo bhikkhu kāyassa bhedā ucchijjati vinassati na hoti param maraṇā ti.|| ||

8. Evam pi kho āyasmā Yamako tehi bhikkhūhi vuccamāno tath'eva taɱ pāpakaɱ diṭṭhagataɱ thāmasā parāmassa abhinivissa voharati|| ||

"Tath'āhaɱ Bhagavatā dhammaɱ desitaɱ ājānāmi yathā khīṇ'āsavo bhikkhu kāyassa bhedā ucchijjati vinassati na hoti param maraṇā ti."|| ||

9. Yato kho te bhikkhū nāsakkhiɱsu.|| ||

Āyasmantaɱ Yamakaɱ etasmā pāpakā diṭṭhi-gatā vivecetuɱ.|| ||

Atha kho te bhikkhū uṭṭhāy āsanā yen'āyasmā Sāriputto ten'upasankamiɱsu,||
upasankamitvā āyasmantaɱ Sāriputtaɱ etad avocuɱ:|| ||

Yamakassa nāma āvuso Sāriputta, bhikkhuno eva-rūpaɱ pāpakaɱ diṭṭhi-gataɱ uppannaɱ:|| ||

"tathā'haɱ Bhagavatā dhammaɱ desitaɱ ājānāmi yathā khīṇ'āsavo bhikkhu kāyassa bhedā ucchijjati vinassati na hoti param maraṇā ti.|| ||

Sādhāyasmā Sāriputto yena Yamako bhikkhu ten'upasankamatu anukampaɱ upādāyā" ti.|| ||

10. Adhivāsesi kho āyasmā Sāriputto tuṇbhībhāvena.|| ||

11. Atha kho āyasmā Sāriputto sāyaṇha-samayaɱ paṭisallānā vuṭṭhito yen'āyasmā Yamako ten'upasankami,||
upasankamitvā āyasmatā yamakena saddhiɱ sammodi||
sammodanīyaɱ kathaɱ sārāṇiyaɱ vīti-sāretvā eka-m-antaɱ nisīdi,|| ||

12. Eka-m-antaɱ nisinno kho āyasmā Sāriputto āyasmantaɱ Yamakaɱ etad avoca:|| ||

Saccaɱ kira te āvuso Yamaka, eva-rūpaɱ pāpakaɱ diṭṭhi-gataɱ uppannaɱ?|| ||

Tath'āhaɱ Bhagavatā dhammaɱ desitaɱ ājānāmi,||
yathā [111] khīṇ'āsavo bhikkhu kāyassa bhedā ucchijjati vinassati na hoti param maraṇā ti.|| ||

13. Evaɱ khvāhaɱ āvuso, Bhagavatā dhammaɱ desitaɱ ājānāmi:||
"yathā khīṇ'āsavo bhikkhu kāyassa bhedā ucchijjati vinassati na hoti param maraṇā ti.|| ||

14. "Taɱ kiɱ maññasi Āvuso, Yamaka rūpa niccaɱ vā aniccaɱ vā|| ||

Aniccaɱ āvuso.|| ||

"Yaɱ panāniccaɱ dukkhaɱ vā taɱ sukhaɱ vā" ti.|| ||

Dukkhaɱ āvuso.|| ||

Yaɱ panāniccaɱ dukkhaɱ vipari-ṇāma-dhammaɱ kallannu taɱ samanupassituɱ||
"etaɱ mama esohamasmi, eso me attā ti?|| ||

No h'etaɱ āvuso,|| ||

15. "Taɱ kiɱ maññasi Āvuso, Yamaka vedanā niccaɱ vā aniccaɱ vā|| ||

Aniccaɱ āvuso.|| ||

"Yaɱ panāniccaɱ dukkhaɱ vā taɱ sukhaɱ vā" ti.|| ||

Dukkhaɱ āvuso.|| ||

Yaɱ panāniccaɱ dukkhaɱ vipari-ṇāma-dhammaɱ kallannu taɱ samanupassituɱ||
"etaɱ mama esohamasmi, eso me attā ti?|| ||

No h'etaɱ āvuso,|| ||

16. "Taɱ kiɱ maññasi Āvuso, Yamaka saññā niccaɱ vā aniccaɱ vā|| ||

Aniccaɱ āvuso.|| ||

"Yaɱ panāniccaɱ dukkhaɱ vā taɱ sukhaɱ vā" ti.|| ||

Dukkhaɱ āvuso.|| ||

Yaɱ panāniccaɱ dukkhaɱ vipari-ṇāma-dhammaɱ kallannu taɱ samanupassituɱ||
"etaɱ mama esohamasmi, eso me attā ti?|| ||

No h'etaɱ āvuso.|| ||

17. "Taɱ kiɱ maññasi Āvuso, Yamaka sankhārā niccaɱ vā aniccaɱ vā|| ||

Aniccaɱ āvuso.|| ||

"Yaɱ panāniccaɱ dukkhaɱ vā taɱ sukhaɱ vā" ti.|| ||

Dukkhaɱ āvuso.|| ||

Yaɱ panāniccaɱ dukkhaɱ vipari-ṇāma-dhammaɱ kallannu taɱ samanupassituɱ||
"etaɱ mama esohamasmi, eso me attā ti?|| ||

No h'etaɱ āvuso.|| ||

18. "Taɱ kiɱ maññasi Āvuso, Yamaka viññāṇaɱ niccaɱ vā aniccaɱ vā|| ||

Aniccaɱ āvuso.|| ||

"Yaɱ panāniccaɱ dukkhaɱ vā taɱ sukhaɱ vā" ti.|| ||

Dukkhaɱ āvuso.|| ||

Yaɱ panāniccaɱ dukkhaɱ vipari-ṇāma-dhammaɱ kallannu taɱ samanupassituɱ||
"etaɱ mama esohamasmi, eso me attā ti?|| ||

No h'etaɱ āvuso.|| ||

19. Tasmā ti ha āvuso Yamaka, yaɱ kiñci rūpaɱ atīt-ā-nāgata-paccuppannaɱ ajjhattaɱ vā bahiddhā vā oḷārikaɱ vā sukhumaɱ vā hīnaɱ vā paṇītaɱ vā yaɱ dūre santike vā sabbaɱ rūpaɱ "n'etaɱ mama neso'hamasmi na me'so attā" ti. evam etaɱ yathā-bhūtaɱ samma-p-paññāya daṭṭhabbaɱ.|| ||

Yā kāci vedanā atīt-ā-nāgata-paccuppannaɱ ajjhattaɱ vā bahiddhā vā oḷārikaɱ vā sukhumaɱ vā hīnaɱ vā paṇītaɱ vā yaɱ dūre santike vā sabbaɱ vedanaɱ: 'n'etaɱ mama neso'hamasmi na me so attā" ti. evam etaɱ yathā-bhūtaɱ samma-p-paññāya daṭṭhabbaɱ.|| ||

Yā kāci saññā atīt-ā-nāgata-paccuppannaɱ ajjhattaɱ vā bahiddhā vā oḷārikaɱ vā sukhumaɱ hīnaɱ vā paṇītaɱ vā yaɱ dūre santike vā sabbaɱ saññaɱ: 'n'etaɱ mama neso'hamasmi na me so attā" ti. evam etaɱ yathā-bhūtaɱ samma-p-paññāya daṭṭhabbaɱ.|| ||

Ye keci sankhārā atīt-ā-nāgata-paccuppannaɱ ajjhattaɱ vā bahiddhā vā oḷārikaɱ vā sukhumaɱ vā hīnaɱ vā paṇītaɱ vā yaɱ dūre santike vā sabbaɱ sankhāraɱ: 'n'etaɱ mama neso'hamasmi na me so attā" ti. evam etaɱ yathā-bhūtaɱ samma-p-paññāya daṭṭhabbaɱ.|| ||

Yaɱ kiñci viññāṇaɱ atīt-ā-nāgata-paccuppannaɱ ajjhattaɱ vā bahiddhā vā oḷārikaɱ vā sukhumaɱ vā hīnaɱ vā paṇītaɱ vā yaɱ dūre santike vā sabbaɱ viññāṇaɱ: 'n'etaɱ mama neso'hamasmi na me so attā" ti. evam etaɱyathā-bhūtaɱ samma-p-paññāya daṭṭhabbaɱ.|| ||

20. Evaɱ passaɱ āvuso, Yamaka Sutavā ariya-sāvako rūpasmimpi nibbindati||
vedanāyapi nibbindati||
saññāyapi nibbindati||
saɱkhāresupi nibbindati.|| ||

Viññāṇasmimpi nibbindati.||
Nibbindaɱ virajjati.||
Virāgā vimuccati.||
Vimuttasmiɱ vimuttami' ti.|
ñāṇaɱ hoti.||
Khīṇā jāti.||
Vusitaɱ Brahma-cariyaɱ.||
Kataɱ karaṇīyaɱ nāparaɱ||
itthattāyāti pajānātī ti.|| ||

Taɱ kiɱ maññasi āvuso Yamaka,||
'rūpaɱ Tathāgato ti samanu passasīti?|| ||

No h'etaɱ āvuso.|| ||

Vedanā Tathāgato ti samanupsasīti?|| ||

No h'etaɱ āvuso.|| ||

Saññā Tathāgato ti samanupsasīti?|| ||

No h'etaɱ āvuso.|| ||

Saɱkhāre Tathāgato ti samanupsasīti?|| ||

No h'etaɱ āvuso.|| ||

Viññāṇaɱ Tathāgato ti samanupsasīti?|| ||

No h'etaɱ āvuso.|| ||

Taɱ kiɱ maññasi āvuso Yamaka, rūpasmiɱ "Tathāgato ti samanupassasīti?|| ||

No h'etaɱ āvuso|| ||

Aññatra rūpā Tathāgatoti samanupassasī' ti?|| ||

No h'etaɱ āvuso.|| ||

Aññatra vedanāya Tathāgato ti samanupassasīti?|| ||

No h'etaɱ āvuso.|| ||

Aññatra saññāya Tathāgato ti samanupassasīti?|| ||

No h'etaɱ āvuso.|| ||

Aññatra saɱkhāresu Tathāgato ti samanupassasīti?|| ||

No h'etaɱ āvuso.|| ||

Aññatra viññāṇasmiɱ Tathāgato ti samanupassasīti?|| ||

No h'etaɱ āvuso.|| ||

Aññatra viññāṇā Tathāga' ti pi samanupassasīti?|| ||

No h'etaɱ āvuso.|| ||

Taɱ kiɱ maññasi āvuso Yamaka, ayaɱ so arūpī avedano asaññī asaɱkhāro aviññāṇo Tathāgatoti samanupassīti.|| ||

No h'etaɱ āvuso.|| ||

[112] taɱ kiɱ maññasi āvuso Yamaka, rūpaɱ vedanaɱ Tathāgato ti samanupassasīti?|| ||

No h'etaɱ āvuso.|| ||

Taɱ kiɱ maññasi āvuso Yamaka, rūpaɱ saññaɱ Tathāgato ti samanupassasīti?|| ||

No h'etaɱ āvuso.|| ||

Taɱ kiɱ maññasi āvuso Yamaka, rūpaɱ saɱkhāre 1Tathāgato ti samanupassasīti?|| ||

No h'etaɱ āvuso.|| ||

Taɱ kiɱ maññasi āvuso Yamaka, rūpaɱ viññāṇaɱ Tathāgato ti samanupassasīti?|| ||

No h'etaɱ āvuso.|| ||

Ettha ca te āvuso Yamaka diṭṭhe'va dhamme saccato thetato2 Tathāgate anupalabbhiyamāne3- kallaɱ nu te taɱ veyyā-karaṇaɱ "tath'āhaɱ Bhagavatā dhammaɱ desitaɱ ājānāmi yathā khīṇ'āsavo bhikkhu kāyassa bhedā ucchijjati vinassati na hoti param maraṇāti? Ahu kho me taɱ āvuso sariputta, pubbe aviddasuno pāpakaɱ diṭṭhīgataɱ idañaca pana me āyasamato Sāriputtassa Dhamma-desanaɱ sutvā tañeca ca pāpakaɱ diṭṭhi-gataɱ pahīnaɱ, dhammo ca me abhisametoti.|| ||

Sace taɱ āvuso Yamaka, evaɱ puccheyyuɱ- "yo so Āvuso Yamaka, bhikkhu arahaɱ khīṇ'āsavo so kāyassa bhedā param maraṇā kiɱ hotiti evaɱ puṭṭho tva ɱ āvuso Yamaka, kinti khyākareyyasī" ti.|| ||

Sace maɱ āvuvesā evaɱ puccheyyuɱ: "yo so Yamaka, bhikkhu arahaɱ khīṇ'āsavo so kāyassa bhedā param maraṇā kiɱ hoti" ti. Evaɱ puṭṭho'haɱ āvuso, evaɱ khyākareyyaɱ: rūpaɱ kho āvuso aniccaɱ, yad aniccaɱ taɱ dukkhaɱ, yaɱ dukkhaɱ taɱ nirusdhaɱ, tadatthagataɱ, vedanā aniccaɱ yad aniccaɱ taɱ dukkhaɱ yaɱ dukkhaɱ taɱ niruddhaɱ tadatthagatanti". Evaɱ puṭṭho'haɱ āvuso, evaɱ khyākareyyanti.|| ||

Sace maɱ āvuvesā evaɱ puccheyyuɱ: "yo so Yamaka, bhikkhu arahaɱ khīṇ'āsavo so kāyassa bhedā param maraṇā kiɱ hoti" ti. Evaɱ puṭṭho'haɱ āvuso, evaɱ khyākareyyaɱ: rūpaɱ kho āvuso aniccaɱ, yad aniccaɱ taɱ dukkhaɱ, yaɱ dukkhaɱ taɱ nirusdhaɱ, tadatthagataɱ, saññā aniccaɱ yad aniccaɱ taɱ dukkhaɱ yaɱ dukkhaɱ taɱ niruddhaɱ tadatthagatanti". Evaɱ puṭṭho'haɱ āvuso, evaɱ khyākareyyanti.|| ||

Sace maɱ āvuvesā evaɱ puccheyyuɱ: "yo so Yamaka, bhikkhu arahaɱ khīṇ'āsavo so kāyassa bhedā param maraṇā kiɱ hoti" ti. Evaɱ puṭṭho'haɱ āvuso, evaɱ khyākareyyaɱ: rūpaɱ kho āvuso aniccaɱ, yad aniccaɱ taɱ dukkhaɱ, yaɱ dukkhaɱ taɱ nirusdhaɱ, tadatthagataɱ, saɱkhārā aniccaɱ yad aniccaɱ taɱ dukkhaɱ yaɱ dukkhaɱ taɱ niruddhaɱ tadatthagatanti". Evaɱ puṭṭho'haɱ āvuso, evaɱ khyākareyyanti.|| ||

Sace maɱ āvuvesā evaɱ puccheyyuɱ: "yo so Yamaka, bhikkhu arahaɱ khīṇ'āsavo so kāyassa bhedā param maraṇā kiɱ hoti" ti. Evaɱ puṭṭho'haɱ āvuso, evaɱ khyākareyyaɱ: rūpaɱ kho āvuso aniccaɱ, yad aniccaɱ taɱ dukkhaɱ, yaɱ dukkhaɱ taɱ nirusdhaɱ, tadatthagataɱ, viññāṇaɱ aniccaɱ yad aniccaɱ taɱ dukkhaɱ yaɱ dukkhaɱ taɱ niruddhaɱ tadatthagatanti". Evaɱ puṭṭho'haɱ āvuso, evaɱ khyākareyyanti.|| ||

Sādhu sādhu āvuso Yamaka, tenahāvuso Yamaka, upamante karissāmi etass'eva atthassa bhīyosomattāya ñāṇāya.|| ||

Seyyathā pi āvuso Yamaka, gahapati vā gahapati-putto vā aḍḍho maha-d-dhano mahā-bhogo, so ca ārakkhasampanno tassa kocid eva puriso uppajjeyya anatthakāmo ahitakāmo ayoga-k-khemakāmo jīvitā voropetukāmo, tassa [113] evam assa: "ayaɱ kho gahapati vā gahapati-putto vā aḍḍho maha-d-dhano mahā-bhogo, so ca ārakkhasampanno na vyāsukaro 5pasayiha jīvitā voropetuɱ, yannunāhaɱ anupakhajja jīvitā voropeyya'nti. So taɱ gahapatiɱ vā gahapati-puttaɱ vā upasankamitvā evaɱ vadeyya: "upaṭṭhaheyyaɱ taɱ bhante" ti. Tam enaɱ so gahapati vā gahapati putto vā upaṭṭhāpeyya, so upaṭṭhaheyya, pubb'uṭṭhāyi pacchātipāti kiɱkārapaṭissāvi manāpacāri piyavādi. Tassa so gahapati vā|| ||

Gahapatiputto vā mittato pi naɱ saddaheyya. Suhajjato 'pi naɱ saddaheyya tasmiɱ vissāsaɱ āpajjeyya, yadā kho āvuso tassa purisassa evam assa: "saɱvissaṭṭho kho myāyaɱ gahapati vā gahapati-putto vāti. " Atha naɱ raho-gataɱ viditvā tiṇhena satthena jīvitā voropeyya.|| ||

Taɱ kiɱ maññasi āvuso Yamaka, yadā'pi so puriso amuɱ gahapatiɱ vā gahapati-puttaɱ vā upasankamitvā evam āha: "upaṭṭhaheyyaɱ taɱ bhante, ti, tadāpi so vadhakova, vadhakañaca pana santaɱ na aññāsi. "Vadhako me" ti.yadā'pi so upaṭṭhāti pubb'uṭṭhāyi pacchā-nipāti kiɱkārapaṭissāvī manānapacāri piyavādi. Tadā'pi so vadhakova, vadhakañaca pana santaɱ na aññāsi. "Vadhako me" ti. Yadā'pi naɱ raho-gataɱ viditvā tiṇhena satthena jīvitāvoropeti. Tadā'pi so vadhakova, vadhakañaca pana santaɱ na aññāsi "vadhako me'ti. Evam āvuso ti.|| ||

Evam eva kho āvuso a-s-sutavā puthujjano ariyānaɱ adassāvī ariya-Dhammassa akovido ariya-Dhamme avinīto, sappurisānaɱ adassāvī sappurisa-Dhammassa akovido sappurisa-Dhamme avinīto, rūpaɱ attato samanupsati, rūpavanta ɱvā attānaɱ. Attani vā rūpaɱ, rūpasmiɱ vā attānaɱ, vedanaɱ|| ||

Evam eva kho āvuso a-s-sutavā puthujjano ariyānaɱ adassāvī ariya-Dhammassa akovido ariya-Dhamme avinīto, sappurisānaɱ adassāvī sappurisa-Dhammassa akovido sappurisa-Dhamme avinīto, rūpaɱ attato samanupsati, rūpavanta ɱvā attānaɱ. Attani vā rūpaɱ, rūpasmiɱ vā attānaɱ, saññaɱ|| ||

Evam eva kho āvuso a-s-sutavā puthujjano ariyānaɱ adassāvī ariya-Dhammassa akovido ariya-Dhamme avinīto, sappurisānaɱ adassāvī sappurisa-Dhammassa akovido sappurisa-Dhamme avinīto, rūpaɱ attato samanupsati, rūpavanta ɱvā attānaɱ. Attani vā rūpaɱ, rūpasmiɱ vā attānaɱ, saɱkhāre|| ||

Evam eva kho āvuso a-s-sutavā puthujjano ariyānaɱ adassāvī ariya-Dhammassa akovido ariya-Dhamme avinīto, sappurisānaɱ adassāvī sappurisa-Dhammassa akovido sappurisa-Dhamme avinīto, rūpaɱ attato samanupsati, rūpavanta ɱvā attānaɱ. Attani vā rūpaɱ, rūpasmiɱ vā attānaɱ,|| ||

Viññāṇaɱ [114] attato samanupassati viññāṇa-vantaɱ vā attānaɱ, attani vā viññāṇaɱ viññāṇasmiɱ vā attānaɱ. So aniccaɱ rūpaɱ'aniccaɱ rūpanti yathā-bhūtaɱ na-p-pajānāti, aniccaɱ vedanaɱ'aniccā vedanāti yathā-bhūtaɱ na-p-pajānāti, aniccaɱ saññaɱ "aniccā saññāti yathā-bhūtaɱ na-p-pajānāti, anicce saɱkhāre 'aniccā saɱkhārāti yathā-bhūtaɱ na-p-pajānāti, aniccaɱ viññāṇaɱ 'aniccaɱ viññaṇanti yathā-bhūtaɱ na-p-pajānāti.|| ||

Dukkhaɱ rūpaɱ 'dukkhaɱ rūpanti yathā-bhūtaɱ na-p-pajānāti, dukkhaɱ vedanaɱ'dukkhaɱ vedanātti yathā-bhūtaɱ na-p-pajānāti.|| ||

Dukkhaɱ rūpaɱ 'dukkhaɱ rūpanti yathā-bhūtaɱ na-p-pajānāti, dukkhaɱ saɱññā'dukkhaɱ saññātti yathā-bhūtaɱ na-p-pajānāti.|| ||

Dukkhaɱ rūpaɱ 'dukkhaɱ rūpanti yathā-bhūtaɱ na-p-pajānāti, dukkhaɱ saɱkhāre'dukkhaɱ saɱkhāretti yathā-bhūtaɱ na-p-pajānāti.|| ||

Dukkhaɱ rūpaɱ 'dukkhaɱ rūpanti yathā-bhūtaɱ na-p-pajānāti, dukkhaɱ viññāṇaɱ'dukkhaɱ viññāṇatti yathā-bhūtaɱ na-p-pajānāti.|| ||

Anattaɱ rūpaɱ 'anattā1- rūpanti yathā-bhūtaɱ na-p-pajānāti, anattaɱ vedanaɱ anattā vedanāti yathā-bhūtaɱ na-p-pajānāti, anattaɱ saññaɱ anattā saññāyati yathā-bhūtaɱ na-p-pajānāti. Anatte saɱkhāre anattā saɱkhārāti yathā-bhūtaɱ na-p-pajānāti, anattaɱ viññāṇaɱ anattaɱ viññāṇan" ti.yathā-bhūtaɱ na-p-pajānāti.|| ||

Saɱkhataɱ rūpaɱ saɱkhataɱ rūpanti yathā-bhūtaɱ na-p-pajānāti, saɱkhataɱ vedanaɱ saɱkhatā vedanāti yathā-bhūtaɱ na-p-pajānāti, saɱkhataɱ saññaɱ saɱkhatā saññāyati yathā-bhūtaɱ na-p-pajānāti. Saɱkhate saɱkhāre saɱkhatā saɱkhārāti yathā-bhūtaɱ na-p-pajānāti, saɱkhataɱ viññāṇaɱ saɱkhataɱ viññāṇan" ti.yathā-bhūtaɱ na-p-pajānāti.|| ||

Vadhakaɱ rūpaɱ vadhakaɱ rūpanti yathā-bhūtaɱ na-p-pajānāti, vadhakaɱ vedanaɱ vadhakā vedanāti yathā-bhūtaɱ na-p-pajānāti, vadhakaɱ saññaɱ vadhakā saññāyati yathā-bhūtaɱ na-p-pajānāti. Vadhake saɱkhāre saɱkhatā saɱkhārāti yathā-bhūtaɱ na-p-pajānāti, vadhakaɱ viññāṇaɱ vadhakaɱ viññāṇan" ti.yathā-bhūtaɱ na-p-pajānāti.|| ||

So rūpaɱ upeti upādiyati adhiṭṭhāti 'attā me'ti, vedanaɱ upeti upādiyati adhiṭṭhāti 'attāme' ti.saññaɱ upeti upādiyati adhiṭṭhāti 'attāme' ti.saɱkhāre upeti upādiyati adhiṭṭhāti 'attāme' ti.viññāṇaɱ upeti upādiyati adhiṭṭhāti 'attā me'ti, tassime pañavupādāka-k-khandhā upetā upādinnā dīgha-rattaɱ ahitāya dukkhāya paɱvattanti.|| ||

Sutavā ca kho āvuso ariya-sāvako ariyānaɱ dassāvī ariya-Dhammassa kovido ariya-Dhamme suvinīto, sappurisānaɱ dassāvī sappurisa-Dhammassa kovido sappurisa-Dhamme suvinīto na rūpaɱ attato samanupassati, na rūpavantaɱ vā attānaɱ. Na attani vā rūpaɱ, na rūpasmiɱ vā attānaɱ, na vedanā attato samanupassati, na vedanā-vantaɱ vā attānaɱ, na attani vā vedanaɱ, na vedanāsmiɱ vā attānaɱ.|| ||

Sutavā ca kho āvuso ariya-sāvako ariyānaɱ dassāvī ariya-Dhammassa kovido ariya-Dhamme suvinīto, sappurisānaɱ dassāvī sappurisa-Dhammassa kovido sappurisa-Dhamme suvinīto na rūpaɱ attato samanupassati, na rūpavantaɱ vā attānaɱ. Na attani vā rūpaɱ, na rūpasmiɱ vā attānaɱ, na saññā attato samanupassati, na saññāṇavantaɱ vā attānaɱ, na attani vā saññaɱ, na saññāsmiɱ vā attānaɱ.|| ||

Sutavā ca kho āvuso ariya-sāvako ariyānaɱ dassāvī ariya-Dhammassa kovido ariya-Dhamme suvinīto, sappurisānaɱ dassāvī sappurisa-Dhammassa kovido sappurisa-Dhamme suvinīto na rūpaɱ attato samanupassati, na rūpavantaɱ vā attānaɱ. Na attani vā rūpaɱ, na rūpasmiɱ vā attānaɱ, na saɱkhare attato samanupassati, na saɱkhārāvantaɱ vā attānaɱ, na attani vā saɱkhārāṇaɱ, na saɱkhārāṇasmiɱ vā attānaɱ.|| ||

Sutavā ca kho āvuso ariya-sāvako ariyānaɱ dassāvī ariya-Dhammassa kovido ariya-Dhamme suvinīto, sappurisānaɱ dassāvī sappurisa-Dhammassa kovido sappurisa-Dhamme suvinīto na rūpaɱ attato samanupassati, na rūpavantaɱ vā attānaɱ. Na attani vā rūpaɱ, na rūpasmiɱ vā attānaɱ, na viññāṇaɱ attato samanupassati, na viññāṇa-vantaɱ vā attānaɱ, na attani vā viññāṇaɱ, na viññāṇasmiɱ vā attānaɱ.|| ||

[115] so aniccaɱ rūpaɱ aniccaɱ rūpanti yathā-bhūtaɱ pajānāti aniccaɱ vedanaɱ so aniccaɱ rūpaɱ aniccaɱ rūpanti yathā-bhūtaɱ pajānāti aniccaɱ saɱññā so aniccaɱ rūpaɱ aniccaɱ rūpanti yathā-bhūtaɱ pajānāti aniccaɱ saɱkhāre so aniccaɱ rūpaɱ aniccaɱ rūpanti yathā-bhūtaɱ pajānāti aniccaɱ viññāṇaɱ aniccaɱ viññāṇanti yathā-bhūtaɱ pajānāti.|| ||

Dukkhaɱ rūpaɱ dukkhaɱ rūpanti yathā-bhūtaɱ pajānāti dukkhaɱ vedanaɱ so dukkhaɱ rūpaɱ dukkhaɱ rūpanti yathā-bhūtaɱ pajānāti dukkhaɱ saɱññā so dukkhaɱ rūpaɱ dukkhaɱ rūpanti yathā-bhūtaɱ pajānāti dukkhaɱ saɱkhāre so dukkhaɱ rūpaɱ dukkhaɱ rūpanti yathā-bhūtaɱ pajānāti dukkhaɱ viññāṇaɱ dukkhaɱ viññāṇanti yathā-bhūtaɱ pajānāti.|| ||

Anattaɱ rūpaɱ anattā rūpanti yathā-bhūtaɱ pajānāti anattaɱ vedanaɱ so anattā rūpaɱ anattā rūpanti yathā-bhūtaɱ pajānāti anattā saɱññā so anattā rūpaɱ anattā rūpanti yathā-bhūtaɱ pajānāti anattaɱ saɱkhāre so anattā rūpaɱ anattā rūpanti yathā-bhūtaɱ pajānāti anattā viññāṇaɱ anattaɱ viññāṇanti yathā-bhūtaɱ pajānāti.|| ||

Saɱkhataɱ rūpaɱ saɱkhataɱ rūpanti yathā-bhūtaɱ pajānāti saɱkhataɱ vedanaɱ so saɱkhataɱ rūpaɱ saɱkhataɱ rūpanti yathā-bhūtaɱ pajānāti saɱkhataɱ saññā so saɱkhataɱ rūpaɱ rūpanti yathā-bhūtaɱ pajānāti saɱkhate saɱkhāre so anattā rūpaɱ saɱkhataɱ rūpanti yathā-bhūtaɱ pajānāti saɱkhataɱ viññāṇaɱ saɱkhataɱ viññāṇanti yathā-bhūtaɱ pajānāti.|| ||

Vadhakaɱ rūpaɱ vadhakaɱ rūpanti yathā-bhūtaɱ pajānāti vadhakaɱ vedanaɱ so vadhakaɱ rūpaɱ vadhakaɱ rūpanti yathā-bhūtaɱ pajānāti vadhakaɱ saññā so vadhakaɱ rūpaɱ rūpanti yathā-bhūtaɱ pajānāti vadhake saɱkhāre so vadhakaɱ rūpaɱ vadhakaɱ rūpanti yathā-bhūtaɱ pajānāti vadhakaɱ viññāṇaɱ vadhakaɱ viññāṇanti yathā-bhūtaɱ pajānāti.|| ||

So rūpaɱ na upeti, na upādiyati, na adhiṭṭhāti attā meti. Vedanaɱ na upeti na upādiyati, na adhiṭṭhāti attā me'ti tassime pañc'upādāna-k-khandhā anupetā anupādinnā dīgha-rattaɱ hitāya sukhāya saŋvattantī ti.|| ||

So rūpaɱ na upeti, na upādiyati, na adhiṭṭhāti attā meti. Saññaɱ na upeti na upādiyati, na adhiṭṭhāti attā me'ti tassime pañc'upādāna-k-khandhā anupetā anupādinnā dīgha-rattaɱ hitāya sukhāya saŋvattantī ti.|| ||

So rūpaɱ na upeti, na upādiyati, na adhiṭṭhāti attā meti. Saɱkhāre na upeti na upādiyati, na adhiṭṭhāti attā me'ti tassime pañc'upādāna-k-khandhā anupetā anupādinnā dīgha-rattaɱ hitāya sukhāya saŋvattantī ti.|| ||

So rūpaɱ na upeti, na upādiyati, na adhiṭṭhāti attā meti. Viññāṇaɱ na upeti na upādiyati, na adhiṭṭhāti attā me'ti tassime pañc'upādāna-k-khandhā anupetā anupādinnā dīgha-rattaɱ hitāya sukhāya saŋvattantī ti.|| ||

Evam etaɱ - āvuso Sāriputta hoti. Yesaɱ āyasmantādisā2sabrahma-cārino anukampakā attha-kāmā ovādakā anusāsakā. Idañca pana me āyasmato Sāriputtassa Dhamma-desanaɱ sutvā anupādāya āsavehi cittaɱ vimuttanti.|| ||

Idam avoca āyasmā Sāriputto. Attamano āyasmā Yamako āyasmato Sāriputtassa bhāsitaɱ abhinandīti.|| ||

 


Contact:
E-mail
Copyright Statement