Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandha Vagga:
22: Khandha Saɱyutta
2.5. Puppha Vagga

Sutta 93

Nadi Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[137]

[1][pts][than][olds][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Seyyathā pi, bhikkhave, nadī pabbateyyā ohāriṇī duraŋgamā sīghasotā|| ||

Tassā ubhosu tīresu kāsā ce pi jātā assu||
te naɱ ajjholambeyyuɱ|| ||

Kusā ce pi jātā assu||
te naɱ ajjholambeyyuɱ|| ||

Babbajā ce pi jātā assu||
te naɱ ajjholambeyyuɱ|| ||

Bīraṇā ce pi jātā assu||
te naɱ ajjholambeyyuɱ|| ||

Rukkhā ce pi jātā assu||
te naɱ ajjholambeyyuɱ|| ||

Tassā puriso sotena vuyhamāno kase ce pi gaṇheyya te palujjeyyuɱ||
so tato nidānaɱ anayavyasanam āpajjeyya|| ||

Kuse ce pi gaṇheyya|| ||

Babbaje ce pi gaṇheyya|| ||

Bīraṇe ce pi gaṇheyya|| ||

Rukkhe ce pi gaṇheyya||
te palujjeyyuɱ||
so tato nidānaɱ anayavyasanam āpajjeyya|| ||

Evam eva kho bhikkhave assutavā puthujjano ariyānam adassāvī ariya-Dhammassa akovido ariya-Dhamme avinīto sapurisānam adassāvī sappurisa-Dhammassa akovido sappurisa-Dhamme akovido sappurisa-Dhamme avinīto rūpam attato samanupassati||
rūpavantaɱ vā attānam attani vā rūpam rūpasmiɱ vā attānaɱ// //

Tassa taɱ rūpam palujjati||
so tato nidānam anayavyasanam āpajjati|| ||

Vedanaɱ// //

Saññaɱ|| ||

Sankhāre// //

Viññāṇam attato samanupassati||
viññāṇavantaɱ vā attānam attani vā viññāṇaɱ viññāṇasmiɱ vā attānaɱ|| ||

Tassa taɱ viññāṇam palujjati||
so tato nidānam anayavyasanam āpajjati|| ||

 


 

Taɱ kiɱ maññasi bhikkhave?|| ||

Rūpaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Vedanā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Saññā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Saɱkhārā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Viññāṇaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Tasmāt iha bhikkhave,||
yaɱ kiñci rūpaɱ atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ rūpaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Yā kāci vedanā atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ vedanaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Yā kāci saññā atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ saññaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Ye keci saɱkhārā atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ saɱkhāraɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Yaɱ kiñci viññāṇaɱ atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ viññāṇaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

 


 

Evaɱ passaɱ bhikkhave, sutavā ariyasāvako||
rūpasmim pi nibbandati,||
vedanāya pi nibbandati,||
saññāya pi nibbindati,||
saɱkhāresu pi nibbindati,||
viññāṇasmim pi nibbindati.|| ||

Nibbidaɱ virajjati.|| ||

Virāgā vimuccati.|| ||

Vimuttasmiɱ 'vimuttami' ti||
ñāṇaɱ hoti:|| ||

'Khīṇā jāti,||
vusitaɱ brahmacariyaɱ,||
kataɱ karaṇīyaɱ,||
nāparaɱ itthattāyā' ti pajānātī.|| ||

 


References

PED, L. Feer, Samyutta-Nikaya III: Khandha-vagga: Khandha Samyutta, pp 137
PED, F.L.Woodward, trans., The Book of the Kindred Sayings III: The Khandha Book,The River pp 116
WP, Bhikkhu Bodhi, trans., The Connected Discourses of the Buddha III: The Book of the Aggregates II.V. Flowers, 1: #93: The River pp 949

 


Contact:
E-mail
Copyright Statement   Webmaster's Page