Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandha Vagga:
22: Khandha Saɱyutta
2.5. Puppha Vagga

Sutta 94

Puppha Suttaɱ

(or Vaddham)

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

1[pts][olds][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Nāham bhikkhave lokena vivadāmi loko ca mayā vivadati.|| ||

Na bhikkhave dhamma-vādī kenaci kokasmiɱ vivadati.|| ||

Yam bhikkhave n'atthi sammataɱ loke paṇḍitānam aham pi tam:|| ||

'N'atthī' ti vadāmi.|| ||

Yam bhikkhave atthi sammataɱ loke paṇḍitānam aham pi tam:|| ||

'Atthī' ti vadāmi.|| ||

Kiñca bhikkhave n'atthi sammataɱ loke paṇḍitānaɱ yam ahaɱ Natthīti vadāmi.|| ||

Rūpam bhikkhave,||
niccaɱ,||
dhuvaɱ,||
sassataɱ,||
avipariṇāmadhammaɱ,||
n'atthi sammataɱ loke paṇḍitānaɱ||
aham pi taɱ:|| ||

'N'atthī' ti vadāmi.|| ||

Vedanā bhikkhave,||
niccaɱ,||
dhuvaɱ,||
sassataɱ,||
avipariṇāmadhammaɱ,||
n'atthi sammataɱ loke paṇḍitānaɱ||
aham pi taɱ:|| ||

'N'atthī' ti vadāmi.|| ||

Saññā bhikkhave,||
niccaɱ,||
dhuvaɱ,||
sassataɱ,||
avipariṇāmadhammaɱ,||
n'atthi sammataɱ loke paṇḍitānaɱ||
aham pi taɱ:|| ||

'N'atthī' ti vadāmi.|| ||

Sankhārā bhikkhave,||
niccaɱ,||
dhuvaɱ,||
sassataɱ,||
avipariṇāmadhammaɱ,||
n'atthi sammataɱ loke paṇḍitānaɱ||
aham pi taɱ:|| ||

'N'atthī' ti vadāmi.|| ||

Viññāṇaɱ bhikkhave,||
niccaɱ,||
dhuvaɱ,||
sassataɱ,||
avipariṇāmadhammaɱ,||
n'atthi sammataɱ loke paṇḍitānaɱ||
aham pi taɱ:|| ||

'N'atthī' ti vadāmi.|| ||

Idaɱ kho bhikkhave n'atthi sammataɱ loke paṇḍitānam yam aham pi:|| ||

'N'atthī' ti vadāmi.|| ||

 


 

Kiñca bhikkhave atthi sammataɱ loke paṇḍitānam yam aham 'Atthī' ti vadāmi?|| ||

Rūpaɱ bhikkhave,||
aniccaɱ,||
dukkhaɱ,||
vipariṇamadhammam,||
atthi sammataɱ loke paṇḍitānam,||
aham pi taɱ:|| ||

'Atthī' ti vadāmi.|| ||

Vedanā aniccā bhikkhave,||
aniccaɱ,||
dukkhaɱ,||
vipariṇamadhammam,||
atthi sammataɱ loke paṇḍitānam,||
aham pi taɱ:|| ||

'Atthī' ti vadāmi.|| ||

Saññā bhikkhave,||
aniccaɱ,||
dukkhaɱ,||
vipariṇamadhammam,||
atthi sammataɱ loke paṇḍitānam,||
aham pi taɱ:|| ||

'Atthī' ti vadāmi.|| ||

Sankhārā bhikkhave,||
aniccaɱ,||
dukkhaɱ,||
vipariṇamadhammam,||
atthi sammataɱ loke paṇḍitānam,||
aham pi taɱ:|| ||

'Atthī' ti vadāmi.|| ||

Viññāṇam bhikkhave,||
aniccaɱ,||
dukkhaɱ,||
vipariṇamadhammam,||
atthi sammataɱ loke paṇḍitānam,||
aham pi taɱ:|| ||

'Atthī' ti vadāmi.|| ||

 


 

Idaɱ kho bhikkhave atthi sammataɱ loke paṇḍitānam yam aham pi:|| ||

'Atthī' ti vadāmi.|| ||

Atthi bhikkhave loke lokadhammo yaɱ Tathāgato abhisambujjhati,||
abhisameti,||
abhisambujjhitvā,||
abhisametvā,||
ācikkhati,||
deseti,||
paññāpeti paṭṭhapeti vivarati vibhajati uttānīkaroti.|| ||

Kiñ ca bhikkhave loke lokadhammo yaɱ Tathāgato abhisambujjhati,||
abhisameti,||
abhisambujjhitvā,||
abhisametvā,||
ācikkhati,||
deseti,||
paññāpeti paṭṭhapeti vivarati vibhajati uttānīkaroti?|| ||

Rūpam bhikkhave, loke lokadhammo taɱ Tathāgato abhisambujjhati,||
abhisameti,||
abhisambujjhitvā,||
abhisametvā,||
ācikkhati,||
deseti,||
paññāpeti paṭṭhapeti vivarati vibhajati uttānī karoti.|| ||

Yo bhikkhave Tathāgatena evam ācikkhiyamāne,||
desiyamāne,||
paññāpiyamāne,||
paṭṭhiyamāne,||
vivariyamāne,||
vibhajiyamāne,||
uttānīkayiramāne na jānāti na passati||
tam aham bhikkhave bālam puthujjanam andham acakkhukam ajānantam apassantaɱ kinti karomi.|| ||

Vedanā bhikkhave, loke lokadhammo taɱ Tathāgato abhisambujjhati,||
abhisameti,||
abhisambujjhitvā,||
abhisametvā,||
ācikkhati,||
deseti,||
paññāpeti paṭṭhapeti vivarati vibhajati uttānī karoti.|| ||

Yo bhikkhave Tathāgatena evam ācikkhiyamāne,||
desiyamāne,||
paññāpiyamāne,||
paṭṭhiyamāne,||
vivariyamāne,||
vibhajiyamāne,||
uttānīkayiramāne na jānāti na passati||
tam aham bhikkhave bālam puthujjanam andham acakkhukam ajānantam apassantaɱ kinti karomi.|| ||

Saññā bhikkhave, loke lokadhammo taɱ Tathāgato abhisambujjhati,||
abhisameti,||
abhisambujjhitvā,||
abhisametvā,||
ācikkhati,||
deseti,||
paññāpeti paṭṭhapeti vivarati vibhajati uttānī karoti.|| ||

Yo bhikkhave Tathāgatena evam ācikkhiyamāne,||
desiyamāne,||
paññāpiyamāne,||
paṭṭhiyamāne,||
vivariyamāne,||
vibhajiyamāne,||
uttānīkayiramāne na jānāti na passati||
tam aham bhikkhave bālam puthujjanam andham acakkhukam ajānantam apassantaɱ kinti karomi.|| ||

Sankhārā bhikkhave, loke lokadhammo taɱ Tathāgato abhisambujjhati,||
abhisameti,||
abhisambujjhitvā,||
abhisametvā,||
ācikkhati,||
deseti,||
paññāpeti paṭṭhapeti vivarati vibhajati uttānī karoti.|| ||

Yo bhikkhave Tathāgatena evam ācikkhiyamāne,||
desiyamāne,||
paññāpiyamāne,||
paṭṭhiyamāne,||
vivariyamāne,||
vibhajiyamāne,||
uttānīkayiramāne na jānāti na passati||
tam aham bhikkhave bālam puthujjanam andham acakkhukam ajānantam apassantaɱ kinti karomi.|| ||

Viññānam bhikkhave, loke lokadhammo taɱ Tathāgato abhisambujjhati,||
abhisameti,||
abhisambujjhitvā,||
abhisametvā,||
ācikkhati,||
deseti,||
paññāpeti paṭṭhapeti vivarati vibhajati uttānī karoti.|| ||

Yo bhikkhave Tathāgatena evam ācikkhiyamāne,||
desiyamāne,||
paññāpiyamāne,||
paṭṭhiyamāne,||
vivariyamāne,||
vibhajiyamāne,||
uttānīkayiramāne na jānāti na passati||
tam aham bhikkhave bālam puthujjanam andham acakkhukam ajānantam apassantaɱ kinti karomi.|| ||

Seyyathā pi, bhikkhave,||
uppalam vā||
padumaɱ vā||
puṇḍarīkaɱ vā||
udake jātam udake samvaddhaɱ udakā accuggamma ṭhāti anupalittam udakena.|| ||

Evam eva kho bhikkhave Tathāgato loke samvaddho||
lokam abhibhuyya viharati||
anupalitto lokenā" ti.|| ||

 


Contact:
E-mail
Copyright Statement   Webmaster's Page