Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandha Vagga:
22: Khandha Saɱyutta
2.5. Puppha Vagga

Sutta 97

Nakhasikhopama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[147]

[1][pts][than][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Eka-m-antaɱ nisinno kho so bhikkhu, Bhagavantaɱ etad avoca:|| ||

Atha kho aññataro bhikkhu yena Bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

"Atthi nu kho bhante, kiñci rūpaɱ yaɱ rūpaɱ||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati?|| ||

Atthi nu kho bhante, kāci vedanā yā vedanā||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati?|| ||

Atthi nu kho bhante, kāci saññā yā saññā||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati?|| ||

Atthi nu kho bhante, keci saɱkhārā ye saɱkhārā||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati?|| ||

Atthi nu kho bhante, kiñci viññāṇaɱ yaɱ viññāṇaɱ||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati" ti?|| ||

"N'atthi kho bhikkhu, kiñci rūpaɱ yaɱ rūpaɱ||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati.|| ||

N'atthi kho bhikkhu, kāci vedanā yā vedanā||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati.|| ||

N'atthi kho bhikkhu, kāci saññā yā saññā||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati.|| ||

N'atthi kho bhikkhu, keci saɱkhārā ye saɱkhārā||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati.|| ||

N'atthi kho bhikkhu, kiñci viññāṇaɱ, yaɱ viññāṇaɱ||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati" ti.|| ||

 


 

Atha kho Bhagavā parittaɱ nakhasikhāyaɱ paɱsuɱ āropetvā taɱ bhikkhuɱ etad avoca:|| ||

"Ettakam pi kho bhikkhu,||
rūpaɱ natthī||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati.|| ||

Ettakam ce pi bhikkhu,||
rūpaɱ abhavissa||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati||
na yidaɱ brahmacariyavāso paññāyetha sammā-dukkhakkhayāya.|| ||

Yasmā ca kho bhikkhu,||
ettakam pi rūpaɱ n'atthi||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati||
tasmā brahmacariyavāso paññāyati sammā-dukkhakkhayāya.|| ||

[148] Ettikā pi kho bhikkhu, vedanā natthī||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati.|| ||

Ettakam ce pi bhikkhu,||
vedanā abhavissa||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati||
na yidaɱ brahmacariyavāso paññāyetha sammā-dukkhakkhayāya.|| ||

Yasmā ca kho bhikkhu,||
ettakam pi vedanā n'atthi||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati||
tasmā brahmacariyavāso paññāyati sammā-dukkhakkhayāya.|| ||

Ettikā pi kho bhikkhu, saññā natthī||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati.|| ||

Ettakam ce pi bhikkhu,||
saññā abhavissa||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati||
na yidaɱ brahmacariyavāso paññāyetha sammā-dukkhakkhayāya.|| ||

Yasmā ca kho bhikkhu,||
ettakam pi saññā n'atthi||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati||
tasmā brahmacariyavāso paññāyati sammā-dukkhakkhayāya.|| ||

Ettikā pi kho bhikkhu, saɱkhārā natthī||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati.|| ||

Ettakam ce pi bhikkhu,||
saɱkhārā abhavissa||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati||
na yidaɱ brahmacariyavāso paññāyetha sammā-dukkhakkhayāya.|| ||

Yasmā ca kho bhikkhu,||
ettakam pi saɱkhārā n'atthi||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati||
tasmā brahmacariyavāso paññāyati sammā-dukkhakkhayāya.|| ||

Ettikā pi kho bhikkhu, viññāṇaɱ natthī||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati.|| ||

Ettakam ce pi bhikkhu,||
viññāṇaɱ abhavissa||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati||
na yidaɱ brahmacariyavāso paññāyetha sammā-dukkhakkhayāya.|| ||

Yasmā ca kho bhikkhu,||
ettakam pi viññāṇaɱ n'atthi||
niccaɱ||
dhuvaɱ||
sassataɱ,||
avipariṇāma-dhammaɱ||
sassatisamaɱ tath'eva ṭhassati||
tasmā brahmacariyavāso paññāyati sammā-dukkhakkhayāya.|| ||

 


 

Taɱ kiɱ maññasi bhikkhu?|| ||

Rūpaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Vedanā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Saññā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Saɱkhārā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Viññāṇaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Tasmāt iha bhikkhu,||
yaɱ kiñci rūpaɱ atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ rūpaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Yā kāci vedanā atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ vedanaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Yā kāci saññā atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ saññaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Ye keci saɱkhārā atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ saɱkhāraɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Yaɱ kiñci viññāṇaɱ atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ viññāṇaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

 


 

Evaɱ passaɱ bhikkhu, sutavā ariyasāvako||
rūpasmim pi nibbandati,||
vedanāya pi nibbandati,||
saññāya pi nibbindati,||
saɱkhāresu pi nibbindati,||
viññāṇasmim pi nibbindati.|| ||

Nibbidaɱ virajjati.|| ||

Virāgā vimuccati.|| ||

Vimuttasmiɱ 'vimuttami' ti||
ñāṇaɱ hoti:|| ||

'Khīṇā jāti,||
vusitaɱ brahmacariyaɱ,||
kataɱ karaṇīyaɱ,||
nāparaɱ itthattāyā' ti pajānātī.|| ||

 


Contact:
E-mail
Copyright Statement   Webmaster's Page