Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandha Vagga:
22: Khandha Saɱyutta
2.5. Puppha Vagga

Sutta 99

Gaddula or Baddhula Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[149]

[1][pts][than][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Anamataggoyaɱ bhikkhave saɱsāro.|| ||

Pubbākoṭi na paññāyati avijjānīvaraṇānaɱ sattānaɱ taṇhāsaɱyojanānaɱ sandhāvataɱ saɱsarataɱ.|| ||

Hoti kho so- bhikkhave, samayo yaɱ mahāsamuddo ussussati visussati na bhavani, na tvevāhaɱ bhikkhave, avijjānīvaraṇānaɱ sattānaɱ taṇhāsaɱyojanānaɱ sandhāvataɱ saɱsarataɱ dukkhassa antakiriyaɱ vadāmi.|| ||

Hoti kho so bhikkhave, samayo yaɱ sinerupabbatarājā uḍḍayhati- vinassati na bhavani, na tvevāhaɱ bhikkhave, [150] avijjānīvaraṇānaɱ sattānaɱ taṇhāsaɱyojanānaɱ sandhāvitaɱ saɱsarataɱ dukkhassa antakiriyaɱ vadāmi.|| ||

Hoti kho so bhikkhave, samayo yaɱ mahāpaṭhavi uḍḍayhati vinassati na bhavani, na tvevāhaɱ bhikkhave, avijjānīvaraṇānaɱ sattānaɱ taṇhāsaɱyojanānaɱ sandhāvataɱ saɱsarataɱ dukkhassa antakiriyaɱ vadāmi.|| ||

Seyyathā pi, bhikkhave, sā gaddula-baddho daḷhe khīle vā thambhe vā upani-baddho tam eva khīlaɱ vā thambhaɱ vā anuparidhāvati,||
anuparivattati||
evam eva kho, bhikkhave,||
assutavā puthujjano||
ariyānaɱ adassāvī||
ariya-Dhammassa||
akovido ariya-Dhamme avinīto,||
sappurisānaɱ adassāvī||
sappurisa-Dhammassa||
akovido sappurisa-Dhamme avinīto||
rūpaɱ attato samanupassati||
rūpavantaɱ vā attānaɱ,||
attani vā rūpaɱ,||
rūpassamiɱ vā attānaɱ;|| ||

vedanaɱ attato samanupassati||
vedanāvantaɱ vā attānaɱ,||
attani vā vedanā,||
vedanāssamiɱ vā attānaɱ;|| ||

saññaɱ attato samanupassati||
saññāvantaɱ vā attānaɱ,||
attani vā saññaɱ,||
saññasmiɱ vā attānaɱ;|| ||

saɱkhāre attato samanupassati||
saɱkhārāvantaɱ vā attānaɱ,||
attani vā saɱkhāraɱ,||
sankhārasmiɱ vā attānaɱ;|| ||

viññāṇaɱ attato samanupassati||
viññāṇavantaɱ vā attānaɱ,||
attani vāviññāṇaɱ,||
viññāṇasmiɱ vā attānaɱ.|| ||

So rūpaññeva anuparidhāvaɱ anuparivattaɱ.|| ||

So vedaññeva anuparidhāvaɱ anuparivattaɱ.|| ||

So saññāɱ yeva anuparidhāvaɱ anuparivattaɱ.|| ||

So saɱkhāre yeva anuparidhāvaɱ anuparivattaɱ.|| ||

So viññāṇaññeva anuparidhāvaɱ anuparivattaɱ.|| ||

So rūpaɱ anuparidhāvaɱ anuparivattaɱ,||
vedanaɱ anuparidhāvaɱ anuparivattaɱ,||
saññaɱ anuparidhāvaɱ anuparivattaɱ,||
saɱkhāre anuparidhāvaɱ anuparivattaɱ,||
viññāṇam anuparidhāvaɱ anuparivattaɱ,||
na parimuccati rūpamhā,||
na parimuccati vedanāya,||
na parimuccati saññāya,||
na parimuccati saɱkhārehi,||
na pirimuccati viññāṇamhā,||
na parimuccati jātiyā,||
jarā maraṇena,||
sokehi paridevehi dukkhehi domanassehi upāyāsehi,||
na parimuccati dukkhasmāti vadāmi.|| ||

 


 

Sutavā ca kho bhikkhave, ariyasāvako||
ariyānaɱ dsasāvi||
ariya-Dhammassa kovido||
ariya-Dhamme suvinīko||
sappurisānaɱ dassāvī||
sappurisa-Dhammassa kovido||
sappurisa-Dhamme suvinīto||
na rūpaɱ attato samanupassati,||
na rūpavantaɱ vā attānaɱ,||
na attani vā rūpaɱ,||
na rūpasmiɱ vā attānaɱ;|| ||

na vedanā attato samanupassati,||
na vedanā vantaɱ vā attānaɱ,||
na attani vā vedanaɱ,||
na vedanasmiɱ vā attānaɱ;|| ||

na saññaɱ attato samanupassati,||
na saññā vantaɱ vā attānaɱ,||
na attani vā sañña,||
na saññasmiɱ vā attānaɱ;|| ||

na saɱkhāre attato samanupassati,||
na saɱkhāra vantaɱ vā attānaɱ,||
na attani vā saɱkhāraɱ,||
na saɱkhārasmiɱ vā attānaɱ;|| ||

na viññāṇaɱ attato samanupassati,||
na viññāṇa vantaɱ vā attānaɱ,||
na attani vā viññāṇaɱ,||
na viññāṇasmiɱ vā attānaɱ.|| ||

So rūpaɱ nānuparidhāvati nānuparivattati.|| ||

So vedanaɱ nānuparidhāvati nānuparivattati.|| ||

So saññaɱ nānuparidhāvati nānuparivattati.|| ||

So saɱkhāre nānuparidhāvati nānuparivattati.|| ||

So viññāṇaɱ nānuparidhāvati nānuparivattati.|| ||

So rūpaɱ ananuparidhāvaɱ ananuparivattataɱ,||
vedanaɱ nānuparidhāvati nānuparivattati,||
saññaɱ nānuparidhāvati nānuparivattati,||
saɱkhāre nānuparidhāvati nānuparivattati,||
viññāṇaɱ nānuparidhāvati nānuparivattati||
parimuccati rūpamhā,||
parimuccati vedanāya,||
parimuccati saññāya,||
parimuccati saɱkhārehi,||
parimuccati viññāṇamhā,||
parimuccati jātiyā,||
jarāya maraṇena sokehi paridevehi dukkhehi domanassehi upāyāsehi;||
parimuccati dukkhasmāti vadāmi.|| ||

 


Contact:
E-mail
Copyright Statement   Webmaster's Page