Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandha Vagga:
22: Khandha Saɱyutta
2.5. Puppha Vagga

Sutta 100

Dutiya Gaddulabaddha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[151]

[1][pts][than][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Anamataggo'yaɱ bhikkhave, saɱsāro pubbā koṭi na paññāyati avijjānīvaraṇānaɱ sattānaɱ taṇhāsaɱyojanānaɱ sandhāvataɱ saɱsarataɱ.|| ||

Seyyathā pi bhikkhave, sā gaddula-baddho daḷhe khīle vā thambhe vā upani-baddho so gacchati ce pi tameva khīlaɱ vā thambhaɱ vā upatiṭṭhati,||
nisīdati ce pi tam eva khīlaɱ vā thambhaɱ vā upanisīdati,||
nipajjati.|| ||

Ce pi tam eva khīlaɱ vā thambhaɱ vā upanipajjati.|| ||

"Evam eva kho bhikkhave, assutavā puthujjano||
rūpaɱ 'etaɱ mama,||
eso'hamasmi,||
eso me attā' ti samanupassati;|| ||

vedanaɱ 'etaɱ mama,||
eso'hamasmi,||
eso me attā' ti samanupassati;|| ||

saññaɱ 'etaɱ mama,||
eso'hamasmi,||
eso me attā' ti samanupassati;|| ||

saɱkhāre 'etaɱ mama,||
eso'hamasmi,||
eso me attā' ti samanupassati;|| ||

viññāṇaɱ 'etaɱ mama,||
eso'hamasmi,||
eso me attā' ti samanupassati.|| ||

So gacchati, ce pi imeva pañcupādānakkhandhe upagacchati.|| ||

Tiṭṭhati ce pi imeva pañcupādānakkhandhe upatiṭṭhati, nisīdati ce pi imeva pañcupādānakkhandhe upanisīdati.|| ||

Nipajjati ce pi imeva pañcupādānakkhandhe upanipajjati.|| ||

Tasmāt iha bhikkhave, bhikkhunā abhikkhaṇaɱ sakaɱ cittaɱ paccavekkhitabbaɱ|| ||

'Dīgharattam idaɱ cittaɱ saɱkiliṭṭhaɱ||
rāgena dosena mohenā' ti.|| ||

Cittasaɱkilesā bhikkhave,||
sattā saɱkilissanti.|| ||

Cittavodānā sattā visujjhanti.|| ||

Diṭṭhaɱ vo bhikkhave,||
caraṇaɱ nāma cittan" ti?|| ||

"Evaɱ bhante."|| ||

"Tam pi kho bhikkhave,||
caraṇaɱ cittaɱ citten'eva cittitaɱ.|| ||

Tena pi kho bhikkhave,||
caraṇena cittena cittana cittaɱ yeva cittataraɱ.|| ||

Tasmāt iha bhikkhave, bhikkhunā abhikkhaṇaɱ sakaɱ cittaɱ paccavekkhitabbaɱ|| ||

'Digharattam idaɱ cittaɱ saɱkiliṭṭhaɱ rāgena dosena mohenā' ti.|| ||

Cittasaɱkilesā bhikkhave, sattā saɱkilissanti.|| ||

Cittavodānā sattā visujjhanti.|| ||

[152] Nāhaɱ bhikkhave, aññaɱ ekanikāyam pi samanupassāmi,||
evaɱ cittaɱ yathayidaɱ bhikkhave, tiracchānagatā pāṇā.|| ||

Te pi kho bhikkhave, tiracchānagatā pāṇā citten'eva cittitā,||
tehi pi kho bhikkhave, tiracchānagatehi pāṇehi cittaɱ yeva cittataraɱ.|| ||

Tasmāt iha bhikkhave, bhikkhunā abhikkhaṇaɱ sakaɱ cittaɱ paccavekkhitabbaɱ|| ||

'Dīgharattamidaɱ cittaɱ saɱkiliṭṭhaɱ rāgena dosena mohenā' ti.|| ||

Cittasaɱkilesā bhikkhave, sattā saɱkilissanti.|| ||

Cittavodānā sattā visujjhanti.|| ||

Seyyathā pi bhikkhave,||
rajako vā||
cittakārako vā||
sati rajanāya vā||
lākhāya vā||
haliddiyā vā||
nīlāya vā||
mañjeṭṭhāya vā||
suparimaṭṭe vā||
phalake bhittiyā vā||
dussapaṭe vā||
itthirūpaɱ vā||
purisarūpaɱ vā||
abhinimmineyya sabbaɱgapaccaɱgaɱ.|| ||

Evam eva kho bhikkhave,||
assutavā puthujjano||
rūpaɱ yeva abhinibbattento abhinibbatteti,||
vedanaɱ yeva abhinibbattento abhinibbatteti,||
saññaɱ yeva abhinibbattento abhinibbatteti,||
saɱkhāreyeva abhinibbattento abhinibbatteti,||
viññāṇaɱyeva abhinibbattento abhinibbatteti.|| ||

 


 

Taɱ kiɱ maññasi bhikkhave?|| ||

Rūpaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Vedanā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Saññā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Saɱkhārā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Viññāṇaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ kallaɱ nu taɱ samanupassituɱ:|| ||

'Etaɱ mama,||
eso ham asmi,||
eso me attā' ti"?|| ||

"No h'etaɱ bhante."|| ||

Tasmāt iha bhikkhave,||
yaɱ kiñci rūpaɱ atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ rūpaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Yā kāci vedanā atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ vedanaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Yā kāci saññā atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ saññaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Ye keci saɱkhārā atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ saɱkhāraɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

Yaɱ kiñci viññāṇaɱ atītānāgatapaccuppannaɱ||
ajjhattaɱ vā bahiddhā||
vā oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā sabbaɱ viññāṇaɱ:|| ||

'N'etaɱ mama||
neso ham asmi||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ.|| ||

 


 

Evaɱ passaɱ bhikkhave, sutavā ariyasāvako||
rūpasmim pi nibbandati,||
vedanāya pi nibbandati,||
saññāya pi nibbindati,||
saɱkhāresu pi nibbindati,||
viññāṇasmim pi nibbindati.|| ||

Nibbidaɱ virajjati.|| ||

Virāgā vimuccati.|| ||

Vimuttasmiɱ 'vimuttami' ti||
ñāṇaɱ hoti:|| ||

'Khīṇā jāti,||
vusitaɱ brahmacariyaɱ,||
kataɱ karaṇīyaɱ,||
nāparaɱ itthattāyā' ti pajānātī.|| ||

 


Contact:
E-mail
Copyright Statement   Webmaster's Page