Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandha Vagga:
22: Khandha Saɱyutta
2.5. Puppha Vagga

Sutta 102

Anicca-Saññā Suttaɱ aka Aniccatā (or Sañña)

Adapted from the 1995 edition of the digital version of the Sri Lanka Buddha Jayanti Tripitaka Series.

 


[155]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Aniccasaññā bhikkhave, bhāvitā bahulīkatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti.|| ||

Seyyathā pi, bhikkhave, saradasamaye kassako mahānaɱgalena kasanto sabbāni mūlasantānakāni sampadālento kasati.|| ||

Evam eva kho bhikkhave, aniccasaññā bhāvitā bahulīkatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti.|| ||

Seyyathā pi, bhikkhave,, babbajalāyako babbajaɱ lāyitvā agge gahetvā odhunāti niddhunāti nipphoṭeti.|| ||

Evam eva kho bhikkhave, aniccasaññā bhāvitā bahulīkatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti.|| ||

Seyyathā pi, bhikkhave,, amba-piṇḍiyā vaṇaṭacchinnāya [156] yāni tatra ambāni vaṇaṭupani-baddhāni1sabbāni tāni tad anvayāni bhavanti.|| ||

Evam eva kho bhikkhave, aniccasaññā bhāvitā bahulīkatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti.|| ||

Seyyathā pi, bhikkhave,, kuṭāgārassa yā kāci gopānasiyo sabbā tā kūṭaɱgamā kūṭaninnā kūṭasamosaraṇā, kūṭaɱ tāsaɱ aggam akkhāyati.|| ||

Evam eva kho bhikkhave, aniccasaññā bhāvitā bahulīkatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti.|| ||

Seyyatha pi bhikkhave, ye keci mūlagandhā kālānusārī. 3- Tesaɱ aggam akkhāyati.|| ||

Evam eva kho bhikkhave, aniccasaññā bhāvitā bahulīkatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti.|| ||

Seyyathā pi, bhikkhave,, ye keci sāragandhā lohitacandanaɱ tesaɱ aggam akkhāyati.|| ||

Evam eva kho bhikkhave, aniccasaññā bhāvitā bahulīkatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti.|| ||

Seyyathā pi, bhikkhave,, ye keci pupphagandhā vassikaɱ tesaɱ aggam akkhāyati.|| ||

Evam eva kho bhikkhave, aniccasaññā bhāvitā bahulīkatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti.|| ||

Seyyathā pi, bhikkhave,, ye keci kuḍḍarājāno sabbe te rañño cakkavattissa anuyuttā bhavanti.|| ||

Rājā tesaɱ cakkavatti aggam akkhāyati.|| ||

Evam eva kho bhikkhave, aniccasaññā bhāvitā bahulīkatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti.|| ||

Seyyathā pi, bhikkhave, ye keci tārakarūpānaɱ pabhā sabbā tā candimappabhāya kalaɱ nāgghanti so'asiɱ, candappabhā tāsaɱ aggam akkhāyati.|| ||

Evam eva kho bhikkhave, aniccasaññā bhāvitā bahulīkatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti.|| ||

Seyyathā pi, bhikkhave,, saradasamaye vīddhe vigatavalāhake deve ādicco nabhaɱ abbhussukkamāno sabbaɱ ākāsagataɱ tamagataɱ abhivihacca bhāsate ca, tapate ca, virocate ca.|| ||

Evam eva kho bhikkhave, aniccasaññā bhāvitā bahulīkatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti.|| ||

Kathaɱ bhāvitā ca bhikkhave, aniccasaññā kataɱ [157] bahulikatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhanti?|| ||

'Iti rūpaɱ,||
iti rūpassa samudayo,||
iti rūpassa atthagamo,|| ||

iti vedanā,||
iti vedanāya samudayo,||
iti veda nāya atthagamo,|| ||

iti saññā,||
iti saññassa samudayo,||
iti saññassa atthagamo,|| ||

iti saɱkhārā,||
iti saɱkhārassa samudayo,||
iti saɱkhārassa atthagamo,|| ||

iti viññāṇaɱ,||
iti viññāṇassa samudayo,||
iti viññāṇassa atthagamo' ti.|| ||

Evaɱ bhāvitā kho bhikkhave, aniccasaññā evaɱ bahulikatā||
sabbaɱ kāmarāgaɱ pariyādiyati,||
sabbaɱ rūparāgaɱ pariyādiyati,||
sabbaɱ bhavarāgaɱ pariyādiyati,||
sabbaɱ avijjaɱ pariyādiyati,||
sabbaɱ asmimānaɱ pariyādiyati samūhantī" ti.|| ||

 


Contact:
E-mail
Copyright Statement   Webmaster's Page