Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 103

Antā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Cattāro me bhikkhave, antā.|| ||

Katame cattāro?|| ||

[158] Sakkāyanto||
sakkāyasamudayanto||
sakkāyanirodhanto||
sakkāyanirodhagāminipaṭipadanto.|| ||

Katamo ca bhikkhave, sakkāyanto?|| ||

Pañc'upādānakkhandhā tissa vacanīyaɱ.|| ||

Katame pañca?|| ||

Seyyathīdaɱ:|| ||

Rūpūpādānakkhandho,||
vedanūpādānakkhandho,||
saññūpādānakkhanadho,||
saɱkhārūpādānakkhandho,||
viññāṇūpādānakkhandho.|| ||

Ayaɱ vuccati bhikkhave, sakkāyanto.|| ||

Katamo ca bhikkhave, sakkāyasamudayanto?|| ||

Yāyaɱ taṇhā ponobhavikā nandi rāgasahagatā tatra tatrābhinandinī,||
seyyathīdaɱ:|| ||

kāmataṇhā,||
bhavataṇhā,||
vibhavataṇhā.|| ||

Ayaɱ vuccati bhikkhave, sakkāyasamudayanto.|| ||

Katamo ca bhikkhave, sakkāyanirodhanto?|| ||

Yo tassā yeva taṇhāya asesavirāganirodho cāgo paṭinissaggo mutti anālayo.|| ||

Ayaɱ vuccati bhikkhave, sakkāyanirodhanto.|| ||

Katamo ca bhikkhave, sakkāyanirodhagāminipaṭipadanto?|| ||

Ayameva ariyo aṭṭhaŋgiko maggo.|| ||

Seyyathīdaɱ:|| ||

sammā-diṭṭhi,||
sammā-saɱkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

Ayaɱ vuccati bhikkhave, sakkāyanirodhagāminipaṭipadanto.|| ||

Ime kho bhikkhave, cattāro antā" ti.|| ||

 


Contact:
E-mail
Copyright Statement   Webmaster's Page