Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 104

Dukkha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Dukkhañ ca vo bhikkhave, desissāmi.|| ||

Dukkhasamudayañ ca,||
dukkhanirodhañ ca,||
dukkhanirodhagāminiñ ca paṭipadaɱ.|| ||

Taɱ sunātha!|| ||

Katamañ ca bhikkhave, dukkhaɱ?|| ||

Pañcupādānakkhandhā tissa vacanīyaɱ.|| ||

Katame pañca?|| ||

Seyyathīdaɱ:|| ||

rūpūpādānakkhandho,||
vedanūpādānakkhandho,||
saññūpādānakkhandho,||
saɱkhārūpādānakkhandho,||
viññāṇūpādānakkhandho.|| ||

Ayaɱ vuccati bhikkhave, dukkhaɱ.|| ||

Katamo ca bhikkhave, dukkhasamudayo?|| ||

Yāyaɱ taṇhā ponobhavikā nandirāgasahagatā tatratatrābhinandinī,||
seyyath'idaɱ:|| ||

kāmataṇhā||
bhavataṇhā||
vibhavataṇhā.|| ||

Ayaɱ vuccati bhikkhave, dukkhasamudayo.|| ||

Katamo ca bhikkhave, dukkhanirodho.|| ||

Yo tassāyeva taṇhāya asesavirāganirodho cāgo paṭinissaggo mutti anālayo.|| ||

Ayaɱ vuccati bhikkhave, dukkhanirodho.|| ||

[159] Katamo ca bhikkhave, dukkhanirodhagāminipaṭipadā?|| ||

Ayame va ariyo aṭṭhaɱgiko maggo||
seyyathīdaɱ:|| ||

sammā-diṭṭhi||
sammā-saɱkappo||
sammā-vācā||
sammā-kammanto||
sammā-ājīvo||
sammā-vāyāmo||
sammā-sati||
sammā-samādhi.|| ||

Ayaɱ vuccati bhikkhave, dukkhanirodhagāminipaṭipadā" ti.|| ||

 


Contact:
E-mail
Copyright Statement   Webmaster's Page