Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 106

Pariññeyya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Pariññeyye ca bhikkhave, dhamme desissāmi||
Pariññcañ ca||
pariññātāviñ ca puggalaɱ.|| ||

Taɱ suṇātha!|| ||

Katamañ ca ca bhikkhave, pariññeyyā dhammā?|| ||

Rūpaɱ bhikkhave, pariññeyyo dhammo,||
vedanā pariññeyyo dhammo,||
saññā pariññeyyo dhammo,||
saɱkhārā pariññeyyo dhammo,||
viññāṇaɱ pariññeyyo dhammo.|| ||

Ime vuccanti bhikkhave, pariññeyyā dhammā.|| ||

[160] Katamā ca bhikkhave, pariññā?|| ||

Yo bhikkhave, rāgakkhayo||
dosakkhayo,||
mohakkhayo.|| ||

Ayaɱ vuccati bhikkhave, pariññā.|| ||

Katamo ca bhikkhave, pariññātāvi puggalo?|| ||

Arahātissa vacanīyaɱ.|| ||

Yo yaɱ āyasmā evaɱnāmo evaɱgotto.|| ||

Ayaɱ vuccati bhikkhave, pariññātāvi puggalo" ti.|| ||

 


Contact:
E-mail
Copyright Statement   Webmaster's Page