Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 107

Paṭhama Samaṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Pañc'ime bhikkhave, upādānakkhandhā.|| ||

Katame pañca?|| ||

Seyyath'idaɱ:|| ||

Rūpupādānakkhandho,||
vedanupādānakkhandho,||
saññupādānakkhandho,||
saɱkhārūpādānakkhandho,||
viññāṇapādānakkhandho.|| ||

Ye hi keci, bhikkhave,||
samaṇā vā brahmaṇā vā||
imesaɱ pañcannaɱ upadānakkhandhānaɱ||
assādañ ca||
ādīnavañ ca||
nissaraṇañ ca||
yathābhūtaɱ nappajānanti,||
na me te bhikkhave,||
samaṇā vā brāhmaṇā vā||
samaṇesu c'eva samaṇasammatā brāhmaṇesu ca brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchikatvā upasampajja viharanti.|| ||

Ye hi keci, bhikkhave,||
samaṇā vā brahmaṇā vā||
imesaɱ pañcannaɱ upadānakkhandhānaɱ||
assādañ ca||
ādīnavañ ca||
nissaraṇañ ca||
yathābhūtaɱ nappajānanti||
te kho bhikkhave, samaṇā vā brāhmaṇā vā||
samaṇesu c'eva samaṇasammatā brāhmaṇesu ca brāhmaṇasammatā,||
te ca panāyasamanto sāmaññatthaña ca brahmaññatthaña ca||
diṭṭhe va dhamme sayaɱ abhiññā sacchikatvā upasampajja viharantī." ti.|| ||

 


Contact:
E-mail
Copyright Statement   Webmaster's Page