Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 114

Vijjā (or Bhikkhu) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho aññataro bhikkhu yena Bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

"'Vijjā vijjā' ti Bhante vuccati.|| ||

Katamā nu kho bhante, vijjā kittāvatā ca vijjāgato hotī" ti?|| ||

Idha bhikkhu sutavā ariyasāvako||
rūpaɱ pajānāti,||
rūpasamudayaɱ pajānāti,||
rūpanirodhaɱ pajānāti,||
rupanirodhagāminiɱ paṭipadaɱ pajānāti.|| ||

Vedanaɱ pajānāti,||
vedanā samudayaɱ pajānāti,||
vedanānirodhaɱ pajānāti,||
vedanānirodhagāminiɱ paṭipadaɱ pajānāti.|| ||

Saññaɱ pajānāti,||
saññā samudayaɱ pajānāti,||
saññānirodhaɱ pajānāti,||
saññānirodhagāminiɱ paṭipadaɱ pajānāti.|| ||

Saɱkhāre pajānāti,||
saɱkhāre samudayaɱ pajānāti,||
saɱkhāranirodhaɱ pajānāti,||
saɱkhāranirodhagāminiɱ paṭipadaɱ pajānāti.|| ||

Viññāṇaɱ pajānāti,||
viññāṇa samudayaɱ pajānāti,||
viññāṇanirodhaɱ pajānāti,||
viññāṇanirodhagāminiɱ paṭipadaɱ pajānāti.|| ||

[163] Ayaɱ vuccati bhikkhave, vijjā ettāvatā ca vijjāgato hotī" ti.|| ||

 


Contact:
E-mail
Copyright Statement   Webmaster's Page