Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 116

Dutiya Kathika Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho aññataro bhikkhu yena Bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

"'Dhammakathiko dhammakathiko' ti bhante, vuccati.|| ||

Kittāvatā nu kho bhante, dhammakathiko hotī" ti?|| ||

"Rūpassa ce bhikkhu nibbidāya virāgāya nirodhāya dhammaɱ deseti,|| ||

'Dhammakathiko bhikkhu" ti alaɱ vacanāya.|| ||

Rūpassa ce bhikkhu nibbidāya virāgāya nirodhāya paṭipanno hoti,|| ||

'Dhammānudhammapaṭipanno bhikkhu' ti alaɱ vacanāya.|| ||

Rūpassa ce bhikkhu nibbidā virāgā nirodhā anupādā vimutto hoti,|| ||

'Diṭṭhadhammanibbānappatto bhikkhu' ti alaɱ vacanāya.|| ||

Vedanāya ce bhikkhu nibbidāya virāgāya nirodhāya dhammaɱ deseti,|| ||

'Dhammakathiko bhikkhu' ti alaɱ vacanāya.|| ||

Vedanāssa ce bhikkhu nibbidāya virāgāya nirodhāya paṭipanno hoti,|| ||

'Dhammānudhammapaṭipanno bhikkhu' ti alaɱ vacanāya.|| ||

Vedanāssa ce bhikkhu nibbidā virāgā nirodhā anupādā vimutto hoti,|| ||

'Diṭṭhadhammanibbānappatto bhikkhu' ti alaɱ vacanāyāti.

Saññāya ce bhikkhu nibbidāya virāgāya nirodhāya dhammaɱ deseti,|| ||

'Dhammakathiko bhikkhu' ti alaɱ vacanāya.|| ||

Saññāssa ce bhikkhu nibbidāya virāgāya nirodhāya paṭipanno hoti,|| ||

'Dhammānudhammapaṭipanno bhikkhu' ti alaɱ vacanāya.|| ||

Saññāssa ce bhikkhu nibbidā virāgā nirodhā anupādā vimutto hoti,|| ||

'Diṭṭhadhammanibbānappatto bhikkhu' ti alaɱ vacanāyāti.

Saɱkhārānaɱ ce bhikkhu nibbidāya virāgāya nirodhāya dhammaɱ deseti,|| ||

'Dhammakathiko bhikkhu' ti alaɱ vacanāya.|| ||

Saɱkhārassa ce bhikkhu nibbidāya virāgāya nirodhāya paṭipanno hoti,|| ||

'Dhammānudhammapaṭipanno bhikkhu' ti alaɱ vacanāya.|| ||

Saɱkhārassa ce bhikkhu nibbidā virāgā nirodhā anupādā vimutto hoti,|| ||

'Diṭṭhadhammanibbānappatto bhikkhu' ti alaɱ vacanāyāti.

Viññāṇassa ce bhikkhu nibbidāya virāgāya nirodhāya dhammaɱ deseti,|| ||

'Dhammakathiko bhikkhu' ti alaɱ vacanāya.|| ||

Viññāṇassa ce bhikkhu nibbidāya virāgāya nirodhāya paṭipanno hoti,|| ||

'Dhammānudhammapaṭipanno bhikkhu' ti alaɱ vacanāya.|| ||

Viññāṇassa ce bhikkhu nibbidā [164] virāgā nirodhā anupādā vimutto hoti,|| ||

'Diṭṭhadhammanibbānappatto bhikkhu' ti alaɱ vacanāyāti." ti.|| ||

 


Contact:
E-mail
Copyright Statement   Webmaster's Page