Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 117

Bandhanā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Assutavā bhikkhave, puthujjano||
ariyānaɱ adassāvī||
ariya-Dhammassa||
akovido ariya-Dhamme avinīto,||
sappurisānaɱ adassāvī||
sappurisa-Dhammassa||
akovido sappurisa-Dhamme avinīto||
rūpaɱ attato samanupassati||
rūpavantaɱ vā attānaɱ,||
attani vā rūpaɱ,||
rūpassamiɱ vā attānaɱ;|| ||

Ayaɱ vuccati bhikkhave, assutavā puthujjano||
rūpa-bandhanabaddho||
santarabāhira-bandhanabadadho||
atīradassi||
apāradassī,||
baddho jāyati,||
baddho mīyati,||
baddho asmā lokā||
paraɱ lokaɱ gacchati.|| ||

Vedanaɱ attato samanupassati||
vedanāvantaɱ vā attānaɱ,||
attani vā vedanā,||
vedanāssamiɱ vā attānaɱ.|| ||

Ayaɱ vuccati bhikkhave, assutavā puthujjano||
vedanā-bandhanabaddho||
santarabāhira-bandhanabadadho||
atīradassi||
apāradassī,||
baddho jāyati,||
baddho mīyati,||
baddho asmā lokā||
paraɱ lokaɱ gacchati.|| ||

Saññaɱ attato samanupassati||
saññāvantaɱ vā attānaɱ,||
attani vā saññaɱ,||
saññasmiɱ vā attānaɱ.|| ||

Ayaɱ vuccati bhikkhave, assutavā puthujjano||
saññā-bandhanabaddho||
santarabāhira-bandhanabadadho||
atīradassi||
apāradassī,||
baddho jāyati,||
baddho mīyati,||
baddho asmā lokā||
paraɱ lokaɱ gacchati.|| ||

Saɱkhāre attato samanupassati||
saɱkhārāvantaɱ vā attānaɱ,||
attani vā saɱkhāraɱ,||
sankhārasmiɱ vā attānaɱ.|| ||

Ayaɱ vuccati bhikkhave, assutavā puthujjano||
saɱkhāra-bandhanabaddho||
santarabāhira-bandhanabadadho||
atīradassi||
apāradassī,||
baddho jāyati,||
baddho mīyati,||
baddho asmā lokā||
paraɱ lokaɱ gacchati.|| ||

Viññāṇaɱ attato samanupassati||
viññāṇavantaɱ vā attānaɱ,||
attani vāviññāṇaɱ,||
viññāṇasmiɱ vā attānaɱ.|| ||

Ayaɱ vuccati bhikkhave, assutavā puthujjano||
viññāṇa-bandhanabaddho||
santarabāhira-bandhanabadadho||
atīradassi||
apāradassī,||
baddho jāyati,||
baddho mīyati,||
baddho asmā lokā||
paraɱ lokaɱ gacchati.|| ||

 


 

Sutvā bhikkhave, ariyasāvako, ariyasāvako||
ariyānaɱ dsasāvi||
ariya-Dhammassa kovido||
ariya-Dhamme suvinīko||
sappurisānaɱ dassāvī||
sappurisa-Dhammassa kovido||
sappurisa-Dhamme suvinīto||
na rūpaɱ attato samanupassati,||
na rūpavantaɱ vā attānaɱ,||
na attani vā rūpaɱ,||
na rūpasmiɱ vā attānaɱ.|| ||

Ayaɱ vuccati bhikkhave, sutavā ariyasāvako||
na rūpabandhanabaddho||
na santarabāhirabandhanabadadho||
tīradassi||
pāradassī,||
parimutto so dukkhasmā ti vadāmi.|| ||

Na vedanā attato samanupassati,||
na vedanā vantaɱ vā attānaɱ,||
na attani vā vedanaɱ,||
na vedanasmiɱ vā attānaɱ;|| ||

Ayaɱ vuccati bhikkhave, sutavā ariyasāvako||
na vedanā-bandhanabaddho||
na santarabāhirabandhanabadadho||
tīradassi||
pāradassī,||
parimutto so dukkhasmā ti vadāmi.|| ||

Na saññaɱ attato samanupassati,||
na saññā vantaɱ vā attānaɱ,||
na attani vā sañña,||
na saññasmiɱ vā attānaɱ;|| ||

Ayaɱ vuccati bhikkhave, sutavā ariyasāvako||
na saññā-bandhanabaddho||
na santarabāhirabandhanabadadho||
tīradassi||
pāradassī,||
parimutto so dukkhasmā ti vadāmi.|| ||

Na saɱkhāre attato samanupassati,||
na saɱkhāra vantaɱ vā attānaɱ,||
na attani vā saɱkhāraɱ,||
na saɱkhārasmiɱ vā attānaɱ;|| ||

Ayaɱ vuccati bhikkhave, sutavā ariyasāvako||
na saɱkhāra-bandhanabaddho||
na santarabāhirabandhanabadadho||
tīradassi||
pāradassī,||
parimutto so dukkhasmā ti vadāmi.|| ||

Na viññāṇaɱ attato samanupassati,||
na viññāṇa vantaɱ vā attānaɱ,||
na attani vā viññāṇaɱ,||
na viññāṇasmiɱ vā attānaɱ.|| ||

Ayaɱ vuccati bhikkhave, sutavā ariyasāvako||
na viññāṇa-bandhanabaddho||
na santarabāhirabandhanabadadho||
tīradassi||
pāradassī,||
parimutto so dukkhasmā ti vadāmi" ti.|| ||

 


Contact:
E-mail
Copyright Statement   Webmaster's Page