Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 118

Paṭhama Paripucchika Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Taɱ kiɱ maññatha bhikkhave?|| ||

Rūpaɱ|| ||

'Etaɱ mama||
eso ham asmi,
eso me attā' ti|| ||

samanupassathā" ti?|| ||

"No h'etaɱ bhante."|| ||

Sādhu bhikkhave!|| ||

Rūpaɱ bhikkhave|| ||

'N'etaɱ mama
neso ham asmi,
na me so attā' ti|| ||

evam etaɱ yathābhūtaɱ sammappaññāya daṭṭhabbaɱ.|| ||

Vedanaɱ|| ||

'Etaɱ mama||
eso ham asmi,
eso me attā' ti|| ||

samanupassathā" ti?|| ||

"No h'etaɱ bhante."|| ||

Sādhu bhikkhave!|| ||

Vedanaɱ bhikkhave|| ||

'N'etaɱ mama
neso ham asmi,
na me so attā' ti|| ||

evam etaɱ yathābhūtaɱ sammappaññāya daṭṭhabbaɱ.|| ||

Saññaɱ|| ||

'Etaɱ mama||
eso ham asmi,
eso me attā' ti|| ||

samanupassathā" ti?|| ||

"No h'etaɱ bhante."|| ||

Sādhu bhikkhave!|| ||

Saññaɱ bhikkhave|| ||

'N'etaɱ mama
neso ham asmi,
na me so attā' ti|| ||

evam etaɱ yathābhūtaɱ sammappaññāya daṭṭhabbaɱ.|| ||

Saɱkhāre|| ||

'Etaɱ mama||
eso ham asmi,
eso me attā' ti|| ||

samanupassathā" ti?|| ||

"No h'etaɱ bhante."|| ||

Sādhu bhikkhave!|| ||

Saɱkhāre bhikkhave|| ||

'N'etaɱ mama
neso ham asmi,
na me so attā' ti|| ||

evam etaɱ yathābhūtaɱ sammappaññāya daṭṭhabbaɱ.|| ||

[166]Viññāṇaɱ|| ||

'Etaɱ mama||
eso ham asmi,
eso me attā' ti|| ||

samanupassathā" ti?|| ||

"No h'etaɱ bhante."|| ||

Sādhu bhikkhave!|| ||

Viññāṇaɱ bhikkhave|| ||

'N'etaɱ mama
neso ham asmi,
na me so attā' ti|| ||

evam etaɱ yathābhūtaɱ sammappaññāya daṭṭhabbaɱ.|| ||

 


 

Evaɱ passaɱ bhikkhave, sutavā ariyasāvako||
rūpasmim pi nibbandati,||
vedanāya pi nibbandati,||
saññāya pi nibbindati,||
saɱkhāresu pi nibbindati,||
viññāṇasmim pi nibbindati.|| ||

Nibbidaɱ virajjati.|| ||

Virāgā vimuccati.|| ||

Vimuttasmiɱ 'vimuttami' ti||
ñāṇaɱ hoti:|| ||

'Khīṇā jāti,||
vusitaɱ brahmacariyaɱ,||
kataɱ karaṇīyaɱ,||
nāparaɱ itthattāyā' ti pajānātī" ti.|| ||

 


Contact:
E-mail
Copyright Statement   Webmaster's Page