Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saṃyutta Nikāya
3. Khandha Vagga
22. Khandha Saṃyutta
12. Dhamma-Kathika Vagga

Sutta 120

Saṅyojaniya Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[166]

[1][pts] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuṃ|| ||

Bhagavā etad avoca:|| ||

"Saṅyojaniye ca bhikkhave,||
dhamme desissāmi||
saṃyojanaña ca.|| ||

Taṃ suṇātha.|| ||

Katame ca bhikkhave, saṃyojaniyā dhammā?|| ||

Katamaṃ saṃyojanaṃ?|| ||

Rūpaṃ bhikkhave, saṃyojaniyo dhammo.|| ||

Yo tattha chanda-rāgo,||
taṃ tattha saṃyojanaṃ.|| ||

Vedanaṃ saṃyojaniyo dhammo.|| ||

Yo tattha chanda-rāgo,||
taṃ tattha saṃyojanaṃ.|| ||

Saññā saṃyojaniyo dhammo.|| ||

Yo tattha chanda-rāgo,||
taṃ tattha saṃyojanaṃ.|| ||

Saṅkhārā saṃyojaniyo dhammo.|| ||

Yo tattha chanda-rāgo,||
taṃ tattha saṃyojanaṃ.|| ||

[167] Viññāṇaṃ saṃyojaniyo dhammo.|| ||

Yo tattha chanda-rāgo,||
taṃ tattha saṃyojanaṃ.|| ||

Ime vuccanti bhikkhave,||
saṃyojaniyā dhammā,||
idaṃ saṃyojanaṃ." ti.|| ||

 


Contact:
E-mail
Copyright Statement