Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 125

Dutiya Kappa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho āyasmā Mahā-Kotthito sāyaṇhasamayaɱ paṭisallāṇā vuṭṭhito yenāyasmā Sāriputto ten'upasaɱkami.|| ||

Atha kho āyasmā Kappo yena Bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā kappo Bhagavantaɱ etad avoca:|| ||

"Kathannu kho bhante, jānato kathaɱ passato imasmiɱ ca saviññāṇake kāye bahiddhā ca sabbanimittesu ahiŋkāramamiŋkāra mānāpagataɱ mānasaɱ hoti vidhā samatikkantaɱ santaɱ suvimuttan" ti?|| ||

Yaɱ kiñci Kapp, rūpaɱ||
atītānāgata-paccuppannaɱ ajjhattaɱ vā bahiddhā vā||
oḷārikaɱ vā sukhumaɱ vā||
hīnaɱ vā paṇītaɱ vā||
yaɱ dūre santike vā||
sabbaɱ rūpaɱ||
'n'etaɱ mama,||
neso ham asmi,||
na meso attā' ti.|| ||

Evam etaɱ yathābhūtaɱ sammappaññāya passati.|| ||

Yā kāci vedanā||
atītānāgata-paccuppannaɱ ajjhattaɱ||
vā bahiddhā vā oḷārikaɱ vā||
sukhumaɱ vā hīnaɱ vā||
paṇītaɱ vā yaɱ dūre santike vā||
sabbaɱ sabbaɱ vedanā||
'n'etaɱ mama,||
neso ham asmi,||
na meso attā' ti.|| ||

Evam etaɱ yathābhūtaɱ sammappaññāya passati.|| ||

Yā kāci saññā||
atītānāgata-paccuppannaɱ ajjhattaɱ||
vā bahiddhā vā oḷārikaɱ vā||
sukhumaɱ vā hīnaɱ vā||
paṇītaɱ vā yaɱ dūre santike vā||
sabbaɱ sabbaɱ saññā||
'n'etaɱ mama,||
neso ham asmi,||
na meso attā' ti.|| ||

Evam etaɱ yathābhūtaɱ sammappaññāya passati.|| ||

Yā kāci saɱkhārā||
atītānāgata-paccuppannaɱ ajjhattaɱ||
vā bahiddhā vā oḷārikaɱ vā||
sukhumaɱ vā hīnaɱ vā||
paṇītaɱ vā yaɱ dūre santike vā||
sabbaɱ sabbaɱ saɱkhārā||
'n'etaɱ mama,||
neso ham asmi,||
na meso attā' ti.|| ||

Evam etaɱ yathābhūtaɱ sammappaññāya passati.|| ||

Yaɱ kañci viññāṇaɱ||
atītānāgata-paccuppannaɱ ajjhattaɱ||
vā bahiddhā vā oḷārikaɱ vā||
sukhumaɱ vā hīnaɱ vā||
paṇītaɱ vā yaɱ dūre santike vā||
sabbaɱ sabbaɱ viññāṇaɱ||
'n'etaɱ mama,||
neso ham asmi,||
na meso attā' ti.|| ||

Evam etaɱ yathābhūtaɱ sammappaññāya passati.|| ||

Evaɱ kho Kappa, jānato evaɱ passato imasmiɱ ca saviññāṇake kāye bahiddhā ca sabbanimittesu ahiŋkāramamiŋkāra mānāpagataɱ mānasaɱ hoti vidhā samatikkantaɱ santaɱ suvimuttan" ti.|| ||

 


Contact:
E-mail
Copyright Statement   Webmaster's Page