Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya:
III. Khandhā Vagga:
22: Khandhā Saɱyutta

Sutta 131

Paṭhama Samudaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than] Evaɱ me sutaɱ:|| ||

Ekaɱ samayaɱ āyasmā Sāriputto||
āysamā ca Mahā-Koṭṭhito,||
Bārāṇasiyaɱ viharanti||
Isipatane Migadāye.|| ||

Atha kho āyasmā Mahā-Kotthito sāyaṇha-samayaɱ paṭisallāṇā vuṭṭhito yen'āyasmā Sāriputto ten'upasankami.|| ||

Upasaɱkamitvā āyasmatā Sāriputtena saddhiɱ sammodi.|| ||

Sammodanīyaɱ kathaɱ sāraṇīyaɱ vīti-sāretvā eka-m-antaɱ nisīdi.|| ||

Eka-m-antaɱ nisinno kho āyasmā Mahā-Kotthito||
āyasmantaɱ Sāriputtaɱ etad avoca:|| ||

"Avijjā, avijjā" ti āvuso Sāriputta, vuccati.|| ||

Katamā nu kho āvuso, avijjā?|| ||

Kittāvatā ca avijjāgato hoti" ti?|| ||

"Idh'āvuso a-s-sutavā puthujjano|| ||

'Samudaya-dhammaɱ rūpaɱ.|| ||

Samudaya-dhammaɱ rūpan' ti|| ||

yathā-bhūtaɱ na pajānāti.|| ||

'Vaya-dhammaɱ rūpaɱ.|| ||

Vaya-dhammaɱ rūpan' ti|| ||

yathā-bhūtaɱ na pajānāti.|| ||

Samudaya-vaya-dhammaɱ rūpaɱ.|| ||

Samudaya-vaya-dhammaɱ rūpan' ti|| ||

yathā-bhūtaɱ na pajānāti.|| ||

'Samudaya-dhammaɱ vedanaɱ.|| ||

Samudaya-dhammaɱ vedanā' ti|| ||

yathā-bhūtaɱ na pajānāti.|| ||

'Vaya-dhammaɱ vedanaɱ.|| ||

Vaya-dhammaɱ vedanā' ti|| ||

yathā-bhūtaɱ na pajānāti.|| ||

Samudaya-vaya-dhammaɱ vedanaɱ.|| ||

Samudaya-vaya-dhammaɱ vedanā' ti|| ||

yathā-bhūtaɱ na pajānāti.|| ||

'Samudaya-dhammaɱ saññaɱ.|| ||

Samudaya-dhammaɱ saññā' ti|| ||

yathā-bhūtaɱ na pajānāti.|| ||

'Vaya-dhammaɱ saññaɱ.|| ||

Vaya-dhammaɱ saññā' ti|| ||

yathā-bhūtaɱ na pajānāti.|| ||

Samudaya-vaya-dhammaɱ saññaɱ.|| ||

Samudaya-vaya-dhammaɱ saññā' ti|| ||

yathā-bhūtaɱ na pajānāti.|| ||

'Samudaya-dhammaɱ sankhāre.|| ||

Samudaya-dhammaɱ sankhārā' ti|| ||

yathā-bhūtaɱ na pajānāti.|| ||

'Vaya-dhammaɱ sankhāre.|| ||

Vaya-dhammaɱ sankhārā' ti|| ||

yathā-bhūtaɱ na pajānāti.|| ||

Samudaya-vaya-dhammaɱ sankhāre.|| ||

Samudaya-vaya-dhammaɱ sankhārā' ti|| ||

yathā-bhūtaɱ na pajānāti.|| ||

'Samudaya-dhammaɱ viññāṇaɱ.|| ||

Samudaya-dhammaɱ viññāṇan' ti|| ||

yathā-bhūtaɱ na pajānāti.|| ||

'Vaya-dhammaɱ viññāṇaɱ.|| ||

Vaya-dhammaɱ viññāṇan' ti|| ||

yathā-bhūtaɱ na pajānāti.|| ||

Samudaya-vaya-dhammaɱ viññāṇaɱ.|| ||

Samudaya-vaya-dhammaɱ viññāṇan' ti|| ||

yathā-bhūtaɱ na pajānāti.|| ||

Ayaɱ vuccati āvuso, avijjā.|| ||

Ettāvatā ca avijjāgato hotī" ti.|| ||

 


Contact:
E-mail
Copyright Statement