Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 146

Nibbidābahula (aka Kulaputtena Dukkhā) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Saddhāpabbajitassa bhikkhave,||
kulaputtassa ayam anudhammo hoti:|| ||

Yaɱ rūpaɱ nibbidābahulaɱ vihareyya|| ||

Vedanāya nibbidābahulaɱ vihareyya.|| ||

Saññāya nibbidābahulaɱ vihareyya.|| ||

Saɱkhāresu nibbidābahulaɱ vihareyya.|| ||

Viññāṇe nibbidābahulaɱ vihareyya.|| ||

So rūpe nibbidābahulaɱ viharanto,||
vedanāya nibbidābahulaɱ viharanto,||
saññāya nibbidābahulaɱ viharanto,||
saɱkhāresu nibbidābahulaɱ viharanto,||
viññāṇe nibbidābahulaɱ viharanto,||
rūpaɱ parijānāti||
vedanaɱ parijānāti||
saññaɱ parijānāti||
saɱkhāre parijanāti||
viññāṇaɱ parijanāti.|| ||

So rūpaɱ parijānaɱ||
vedanaɱ parijānaɱ||
saññaɱ paripānaɱ,||
saɱkhāre parijānaɱ,||
viññāṇaɱ parijānaɱ,||
parimuccati rūpamhā||
parimuccati vedanāya||
parimuccati saññāya||
parimuccati saɱkhārehi||
parimuccati viññāṇamhā.|| ||

Parimuccati jātiyā||
jarāya maraṇena||
sokehi paridevehi dukkhehi domanassehi upāyāsehi.|| ||

Parimuccati dukkhasmā ti vadāmī" ti.|| ||

 


Contact:
E-mail
Copyright Statement   Webmaster's Page