Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
22: Khandhāsaɱyutta

Sutta 151

So Attā (aka Eso Attā) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Kismiɱ nu kho bhikkhave,||
sati kiɱ upādāya||
kiɱ abhinivissa||
'So attā,||
so loko,||
so pecca bhavissāmi||
nicco||
dhuvo||
sassato||
aviparināmadhammo' ti" ti?|| ||

"Bhagavaɱmulakā no bhante, dhammā.|| ||

Bhagavaɱnettikā Bhagavampaṭisaraṇā.|| ||

Sādhu vata bhaṇte,||
Bhagavantaɱyeva paṭibhātu etassa bhāsitassa attho,||
Bhagavato sutvā bhikkhu dhāressan" ti.|| ||

"Rūpe kho bhikkhave, sati rūpaɱ upādāya||
rūpaɱ abhinivissa||
'So attā,||
so loko,||
so pecca bhavissāmi||
nicco||
dhuvo||
sassato||
aviparināmadhammo'.|| ||

Vedanāya sati vedanaɱ upādāya||
vedanā abhinivissa||
'So attā,||
so loko,||
so pecca bhavissāmi||
nicco||
dhuvo||
sassato||
aviparināmadhammo'.|| ||

Saññāya sati saññaɱ upādāya||
saññā abhinivissa||
'So attā,||
so loko,||
so pecca bhavissāmi||
nicco||
dhuvo||
sassato||
aviparināmadhammo'.|| ||

Saɱkhāresu sati||
saɱkhāre upādāya saɱkhāre abhinivissa||
'So attā,||
so loko,||
so pecca bhavissāmi||
nicco||
dhuvo||
sassato||
aviparināmadhammo'.|| ||

Viññāṇe sati||
viññāṇaɱ upādāya viññāṇaɱ abhinivissa||
'So attā,||
so loko,||
so pecca bhavissāmi||
nicco||
dhuvo||
sassato||
aviparināmadhammo'.|| ||

 


 

Taɱ kiɱ maññasi bhikkhave?|| ||

Rūpaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ, api nu taɱ anupādāya evaɱ diṭṭhi uppajjeyya:|| ||

"'So attā,||
so loko,||
so pecca bhavissāmi||
nicco||
dhuvo||
sassato||
aviparināmadhammo'" ti?|| ||

"No h'etaɱ bhante."|| ||

Vedanā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ, api nu taɱ anupādāya evaɱ diṭṭhi uppajjeyya:|| ||

"'So attā,||
so loko,||
so pecca bhavissāmi||
nicco||
dhuvo||
sassato||
aviparināmadhammo'" ti?|| ||

"No h'etaɱ bhante."|| ||

Saññā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ, api nu taɱ anupādāya evaɱ diṭṭhi uppajjeyya:|| ||

"'So attā,||
so loko,||
so pecca bhavissāmi||
nicco||
dhuvo||
sassato||
aviparināmadhammo'" ti?|| ||

"No h'etaɱ bhante."|| ||

Saɱkhārā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ, api nu taɱ anupādāya evaɱ diṭṭhi uppajjeyya:|| ||

"'So attā,||
so loko,||
so pecca bhavissāmi||
nicco||
dhuvo||
sassato||
aviparināmadhammo'" ti?|| ||

"No h'etaɱ bhante."|| ||

Viññāṇaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ, api nu taɱ anupādāya evaɱ diṭṭhi uppajjeyya:|| ||

"'So attā,||
so loko,||
so pecca bhavissāmi||
nicco||
dhuvo||
sassato||
aviparināmadhammo'" ti?|| ||

"No h'etaɱ bhante."|| ||

 


 

Evaɱ passaɱ bhikkhave, sutavā ariyasāvako||
rūpasmim pi nibbandati,||
vedanāya pi nibbandati,||
saññāya pi nibbindati,||
saɱkhāresu pi nibbindati,||
viññāṇasmim pi nibbindati.|| ||

Nibbidaɱ virajjati.|| ||

Virāgā vimuccati.|| ||

Vimuttasmiɱ 'vimuttami' ti||
ñāṇaɱ hoti:|| ||

'Khīṇā jāti,||
vusitaɱ brahmacariyaɱ,||
kataɱ karaṇīyaɱ,||
nāparaɱ itthattāyā' ti pajānātī.|| ||

 


Contact:
E-mail
Copyright Statement   Webmaster's Page