Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
23: Rādha Saɱyuttaɱ

Suttas 1-46

Adapted from the 1995 edition of the digital version of the Sri Lanka Buddha Jayanti Tripitaka Series.

 


[188]

I. Māravaggo


 

Sutta 1

Māra suttaɱ

[1.1][pts][wp] Evaɱ me sutaɱ:|| ||

Sāvatthī||
ārāme:|| ||

Atha kho āyasmā Rādho yena Bhagavā ten'upasaɱkami,||
upasaɱ- [189] kamitvā Bhagavantaɱ abhivādetvā eka-m-antaɱ nisīdi|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Māro! Māro!" ti vuccati||
kittāvatā nu kho bhante, Māro tī|| ||

Rūpe kho Rādha sati Māro vā assa māretā vā so vā pana miyati.||
Tasmāti ha tvaɱ Rādha rūpaɱ Māro ti passa, māretā ti passa, miyatīti passa, rogoti passa, gaṇḍo ti passa, sallanti passa, aghanti passa, aghabhūtanti passa.|| ||

Ye naɱ evaɱ passanti te sammā passan ti.|| ||

Vedanāya sati Māro vā assa māretā vā yo vā pana mīyati||
Tasmāti ha tvaɱ Rādha, vedanaɱ Māro ti passa, māretā ti passa, miyatiti passa, rogoti passa, gaṇḍo ti passa, sallanti passa, aghanti passa, aghabhūtanti passa,|| ||

Ye naɱ evaɱ passanti te sammā passan ti.|| ||

Saññāya sati Māro vā assa māretā vā so vā pana mīyati||
Tasmāti ha tvaɱ Rādha, saññaɱ Māro ti passa, māretā ti passa, miyatiti passa, rogoti passa, gaṇḍo ti passa, sallanti passa, aghanti passa, aghabhūtanti passa.|| ||

Ye naɱ evaɱ passanti te sammā passan ti.|| ||

Saɱkhāresu sati Māro vā assa māretā vā yo vā pana mīyati.||
Tasmāti ha tvaɱ Rādha, saɱkhāre Māro ti passa maretā ti passa, miyatīti passa, rogoti passa, gaṇḍo ti passa, sallanti passa, aghanti passa, aghabhūtanti passa.|| ||

Ye naɱ evaɱ passanti te sammā passan ti.|| ||

Viññāṇe sati Māro vā assa māretā vā yo vā pana mīyati||
Tasmāti ha tvaɱ Rādha, viññāṇaɱ Māro ti passa māretā ti passa, miyatīti passa, rogoti passa, gaṇḍo ti passa, sallanti passa, aghanti passa, aghabhūtanti passa.|| ||

Ye naɱ evaɱ passanti te te sammā passantī ti.|| ||

Sammādassanaɱ pana bhante, kimatthiyanti?|| ||

Sammādassakaɱ kho Rādha, nibbidatthaɱ.|| ||

Nibbidā pana bhante, kimatthiyāti?|| ||

Nibbidā kho Rādha, virāgatthā.|| ||

Virāgo pana bhante kimatthiyoti?|| ||

Virāgo kho Rādha, vimuttattho.|| ||

Vimutti pana bhante, kimatthiyāti?|| ||

Vimutti kho Rādha, nibbānatthā.|| ||

Nibbānaɱ pana bhante, kimatthiyanti?|| ||

Assa Rādha, pañhaɱ nāsakkhi pañhassa pariyan taɱ gahetuɱ.||
Nibbānogadhaɱ hi Rādha, brahmacariyaɱ vussati nibbānaparāyanaɱ nibbānapariyosānan ti.|| ||

 

§

 

Sutta 2

Satta Suttaɱ

[2.1][pts][wp][pts] Sāvatthī|| ||

Eka-m-antaɱ nisinno kho āyasmā Rādho Bhagavantaɱ [190] etad avoca: Satto satto ti vuccati||
kittāvatā nu kho bhante, satto ti vuccati?|| ||

Rūpe kho Rādha, yo chando yo rāgo yā nandi yā taṇhā tatra satto tatra visatto tasmā satto ti vuccati.|| ||

Vedanāya yo chando yo rāgo yā nandi yā taṇhā tatra satto tatra visatto tasmā satto ti vuccati.|| ||

Saññāya yo chando yo rāgo yā nandi yā taṇhā tatra satto tatra visatto tasmā satto ti vuccati.|| ||

Saɱkhāresu yo chando yo rāgo yā nandi yā taṇhā tatra satto tatra visatto tasmā satto ti vuccati.|| ||

Viññāṇe yo chando yo rāgo yā nandi yā taṇhā tatra satto tatra visatto tasmā satto ti vuccati.|| ||

seyyathā pi Rādha, kumārakā vā kumārikāyo vā paɱsvāgārakehi kī'anti|| ||

Yāva kivañca tesu paɱsvāgārakesu avigatarāgā honti, avigatacchandā, avigatapemā, avigatapipāsā, avigatapari'āhā, avigatataṇahā||
tāva tāni paɱsvāgārakāni allīyanti kelāyanti manāyanti mamāyanti.|| ||

Yato ca kho Rādha, kumārakā vā kumārikāyo vā tesu paɱsvāgārakesu vigatarāgā honti, vigatachandā, vigatapemā, vigatapipāsā, vigatapari'āhā, vigatataṇhā, atha kho tāni paɱsvāgārakāni hatthehi ca pādehi ca vikiranti vidhamanti viddhaɱsenti vikī'anikaɱ karontī ti.|| ||

Evam eva kho Rādha, tumhe rūpaɱ vikiratha vidhamatha viddhaɱsetha viki'anikaɱ karotha taṇhakkhayāya paṭipajjatha.|| ||

Vedanaɱ vikiratha vidhamatha viddhaɱsetha viki'anikaɱ karotha taṇhakkhayāya paṭipajjatha.|| ||

Saññaɱ vikiratha vidhamatha viddhaɱsetha viki'anikaɱ karotha taṇhakkhayāya paṭipajjatha.|| ||

Saɱkhāre vikiratha vidhamatha viddhaɱsetha viki'anikaɱ karotha taṇhakkhayāya paṭipajjatha.|| ||

Viññāṇaɱ vikiratha vidhamatha viddhaɱsetha viki'anikaɱ karotha taṇhakkhayāya paṭipajjatha.|| ||

Taṇhakkhayo hi Rādha, nibbānan ti.|| ||

 

§

 

Sutta 3

Bhavanetti Suttaɱ

[3.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Bhavanettī bhavanettīnirodho ti bhante vuccati.||
Katamā nu kho bhante, bhavanettī. Katamo bhavanettīnirodho ti?|| ||

[191] Rūpe kho Rādha, yo chando yo rāgo yā nandi yā taṇhā ya upayūpādānā cetaso adhiṭṭhānābhinivesānusayā,||
ayaɱ vuccati bhavanettī. Tesaɱ nirodhā bhavanettīnirodho.|| ||

Vedanāya yo chando yo rāgo yā nandi yā taṇhā ya upayūpādānā cetaso adhiṭṭhānābhinivesānusayā||
ayaɱ vuccati bhavanettī. Tesaɱ nirodhā bhavanettīnirodho ti.|| ||

Saññāya yo chando yo rāgo yā nandi yā taṇhā ya upayūpādānā cetaso adhiṭṭhānābhinivesānusayā||
ayaɱ vuccati bhavanettī. Tesaɱ nirodhā bhavanettīnirodho ti.|| ||

Saɱkhāresu yo chando yo rāgo yā nandi yā taṇhā ya upayūpādānā cetaso adhiṭṭhānābhinivesānusayā||
ayaɱ vuccati bhavanettī. Tesaɱ nirodhā bhavanettīnirodho ti.|| ||

Viññāṇe yo chando yo rāgo yā nandi yā taṇhā ya upayūpādānā cetaso adhiṭṭhānābhinivesānusayā||
ayaɱ vuccati bhavanettī. Tesaɱ nirodhā bhavanettīnirodho ti.|| ||

 

§

 

Sutta 4

Pariññeyya Suttaɱ

[4.1][pts][wp] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Pariññeyye ca Rādha dhamme desessāmi. Pariññañ ca pariññātāvim puggalaɱ ca taɱ suṇāhi:||
sādhukaɱ manasi karohi bhāsissāmīti. Evaɱ bhante' ti kho te bhikkhu Bhagavato paccassosi:|| ||

Bhagavā etad avoca.|| ||

Katame ca Rādha, pariññeyyā dhammā:|| ||

Rūpaɱ kho Rādha, pariññeyyo dhammo.||
Vedanā pariññeyyo dhammo.||
Saññā pariññeyyo dhammo.||
Sankhārā pariññeyyo dhammo.||
Viññāṇaɱ pariññeyyo dhammo.|| ||

Ime vuccati Rādha, pariññeyyā dhammā.|| ||

Katamā ca Rādha, pariññā:|| ||

Yo kho Rādha, rāgakkhayo dosakkhayo mohakkhayo ayaɱ vuccati Rādha, pariññā.|| ||

Katamo ca Rādha pariññātāvī puggalo?|| ||

Arahātissa vacanīyaɱ||
yoyaɱ āyasmā evaɱnāmo evaɱgotto. Ayaɱ vuccati Rādha, pariññātāvī puggalo ti.|| ||

 

§

 

Sutta 5

Samaṇa Suttaɱ

[5.1][pts][wp] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Pañc'ime Rādha, upādānakkhandhā.|| ||

Katame pañca?|| ||

Seyyathīdaɱ rūpūpādānakkhandho,||
vedanūpādānakkhandho,||
saññūpādānakkhandho,||
saɱkhārūpādānakkhandho,||
viññāṇūpādānakkhandho.|| ||

Ye hi keci Rādha, samaṇā vā brahmaṇā vā imesaɱ [192] pañcannaɱ upādānakkhandhānaɱ assādañ ca ādinavañ ca nissaraṇañ ca yathābhūtaɱ nappajānanti||
name te Rādha, samaṇā vā brāhmaṇā vā samaṇesu vā samaṇasammatā brāhmaṇesu vā brahmaṇasammatā.||
Na ca pana te āyasmanto sāmaññatthaɱ vā brahmaññatthaɱ vā diṭṭh'evadhamme sayaɱ abhiññā sacchikatvā upasampajja viharanti.|| ||

Ye ca kho keci Rādha, samaṇā vā brāhmaṇā vā imesaɱ pañcannaɱ upādānakkhandhānaɱ assādañ ca ādinavañ ca nissaraṇañ ca yathābhūtaɱ pajānanti||
te kho Rādha, samaṇā vā brāhmaṇā vā samaṇesu c'eva samaṇasammatā, brāhmaṇesu ca brāhmaṇa sammatā||
te ca panāyasmanto sāmaññatthañca brāhmaññatthañca diṭṭh'evadhamme sayaɱ abhiññā sacchikatvā upasampajja viharantī ti.|| ||

 

§

 

Sutta 6

Samaṇa Suttaɱ

[6.1][pts][wp] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Pañc'ime Rādha, upādānakkhandhā.|| ||

Katame pañca?|| ||

Seyyathīdaɱ rūpūpādānakkhandho,||
vedanūpādānakkhandho,||
saññūpādānakkhandho,||
saɱkhārūpādānakkhandho,||
viññāṇūpādānakkhandho.|| ||

Ye hi keci Rādha, samaṇā vā brāhmaṇā vā imesaɱ pañcannaɱ upādānakkhandhānaɱ samudayañ ca atthaɱgamañca assadañca ādīnavañ ca nissaraṇañ ca yathābhūtaɱ na pajānanti.|| ||

Name te Rādha, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā.||
Na ca pana te āyasmanto sāmaññatthaɱ vā brahmaññatthaɱ vā diṭṭh'evadhamme sayaɱ abhiññā sacchikatvā upasampajja viharanti.|| ||

Ye ca kho keci Rādha, samaṇā vā brāhmaṇā vā imesaɱ pañcannaɱ upādānakkhandhānaɱ assādañ ca ādinavañ ca nissaraṇañ ca yathābhūtaɱ pajānāti||
te kho Rādha, samaṇā vā brahmaṇā vā samaṇesu c'eva samaṇasammatā, brāhmaṇesu ca brāhmaṇasammatā te ca panāyasmanto sāmaññatthañca brāhmaññatthañca diṭṭh'evadhamme sayaɱ abhiññā sacchikatvā upasampajja viharantī ti.|| ||

 

§

 

Sutta 7

Sotāpanna Suttaɱ

[7.1][pts][wp] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Pañc'ime Rādha, upādānakkhandhā.|| ||

Katame pañca?|| ||

Seyyathīdaɱ rūpūpādānakkhandho,||
vedanūpādānakkhandho,||
saññūpādānakkhandho,||
saɱkhārūpādānakkhandho,||
viññāṇūpādānakkhandho.|| ||

[193] Yato ca kho Rādha, ariyasāvako imesaɱ pañcannaɱ upādānakkhandhānaɱ samudayañ ca atthaɱgamañca assadañca ādīnavañ ca nissaraṇañ ca yathābhūtaɱ pajānāti||
ayaɱ vuccati Rādha, ariyasāvako Sotāpanno avinipātadhammo niyato sambodhiparāyano ti.|| ||

 

§

 

Sutta 8

Arahanta Suttaɱ

[8.1][pts][wp] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Pañc'ime Rādha, upādānakkhandhā.|| ||

Katame pañca?|| ||

Seyyathīdaɱ rūpūpādānakkhandho,||
vedanūpādānakkhandho,||
saññūpādānakkhandho,||
saɱkhārūpādānakkhandho,||
viññāṇūpādānakkhandho.|| ||

Yato kho Rādha, bhikkhu imesaɱ pañcannaɱ upādānakkhandhānaɱ samudayañ ca atthaɱgamañca assādañ ca ādīnavañ ca nissaraṇañ ca yathābhūtaɱ viditvā anupādā vimutto hoti,||
ayaɱ vuccati Rādha, bhikkhu Arahaɱ khīṇāsavo vusitvā katakaraṇīyo ohitabhāro anuppatta-sadattho parikkhiṇa bhava saññojano sammad aññā vimutto ti.|| ||

 

§

 

Sutta 9

Chandarāga Suttaɱ

[9.1][pts][wp] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Rūpe kho Rādha, yo chando yo rāgo yā nandi yā taṇhā taɱ pajahatha.|| ||

Evaɱ taɱ rūpaɱ pahīnaɱ bhavissati ucchinnamūlaɱ tāla-vatthu-kataɱ anabhāvakataɱ āyatiɱ anuppādadhammaɱ.|| ||

Vedanāya yo chando yo rāgo yā nandi yā taṇhā taɱ pajahatha.|| ||

Evaɱ sā vedanā pahīnā bhavissati ucchinnamūlā tālāvatthukatā anabhāvakatā āyatiɱ anuppādadhammā.|| ||

Saññāya yo chando yo rāgo yā nandi yā taṇhā taɱ pajahatha.|| ||

Evaɱ sā saññā pahīnā bhavissati ucchinnamūlā tālāvatthukatā anabhāvakatā āyatiɱ anuppādadhammā.|| ||

Saɱkhāresu yo chando yo rāgo yā nandi yā taṇhā taɱ pajahatha.|| ||

Evaɱ te saɱkhārā pahīnā bhavissanti ucchinnamūlā tālāvatthukatā anabhāvakatā āyatiɱ anuppādadhammā.|| ||

[194] Viññāṇe yo chando yo rāgo yā nandi yā taṇhā taɱ pajahatha.|| ||

Evaɱ taɱ viññāṇaɱ pahīnaɱ bhavissati ucchinnamulaɱ tāla-vatthu-kataɱ anabhāvakataɱ āyatiɱ anuppādadhammanti.|| ||

 

§

 

Sutta 10

Chandarāga Suttaɱ

[10.1][pts][wp] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Rūpe kho Rādha, yo chando yo rāgo yā nandi yā taṇhā ye upayūpādānā cetaso adhiṭṭhānābhinivesānusayā te pajahatha.||
Evaɱ taɱ rūpaɱ pahīnaɱ bhavissati ucchinnamūlaɱ tāla-vatthu-kataɱ anabhāvakataɱ āyatiɱ anuppādadhammaɱ.|| ||

Vedanāya yo chando yo rāgo yā nandi yā taṇhā ye upayūpādānā cetaso adhiṭṭhānābhinivesānusayā te pajahatha.||
Evaɱ sā vedanā pahīnā bhavissati ucchinnamūlā tālāvatthukatā anabhāvakatā āyatiɱ anuppādadhammā.|| ||

Saññāya yo chando yo rāgo yā nandi yā taṇhā ye upayūpādānā cetaso adhiṭṭhānābhinivesānusayā te pajahatha.||
Evaɱ sā saññā pahīnā bhavissati ucchinnamūlā tālāvatthukatā anabhāvakatā āyatiɱ anuppādadhammā.|| ||

Saɱkhāresu yo chando yo rāgo yā nandi yā taṇhā ye upayūpādānā cetaso adhiṭṭhānābhinivesānusayā te pajahatha.||
Evaɱ te saɱkhārā pahīnā bhavissati ucchinnamūlā tālāvatthukatā anabhāvakatā āyatiɱ anuppādadhammā.|| ||

Viññāṇe yo chando yo rāgo yā nandi yā taṇhā ye upayūpādānā cetaso adhiṭṭhānābhinivesānusayā te pajahatha.||
Evaɱ taɱ viññāṇaɱ pahīnaɱ bhavissati ucchinnamūlaɱ tāla-vatthu-kataɱ anabhāvakataɱ āyatiɱ anuppādadhamman ti.|| ||

[195]


II. Dutiya Māravagga


 

Sutta 11

Māra Suttaɱ

[11.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Māro! Māro!" ti bhante vuccati|| ||

Katamo nu kho bhante Mārotī?|| ||

Rūpaɱ kho Rādha Māro, vedanā Māro, saññā Māro, saɱkhārā Māro viññāṇaɱ Māro.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 

§

 

Sutta 12

Māradhamma Suttaɱ

[12.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Māradhammo Māradhammo ti bhante, vuccati.|| ||

Katamo nu kho bhante Māradhammotī?|| ||

Rūpaɱ kho Rādha Māradhammo, vedanā Māradhammo, saññā Māradhammo, saɱkhārā Māradhammo viññāṇaɱ Māradhammo.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 

§

 

Sutta 13

Anicca Suttaɱ

[13.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Aniccaɱ aniccanti bhante, vuccati.|| ||

Kataman nu kho bhante aniccantī?|| ||

Rūpaɱ kho Rādha aniccaɱ, vedanā aniccā, saññā aniccā, saɱkhārā aniccā viññāṇaɱ aniccaɱ.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 

§

 

Sutta 14

Aniccadhamma Suttaɱ

[14.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Aniccadhammo aniccadhammo ti bhante, vuccati.|| ||

Katamo nu kho bhante aniccadhammoti?|| ||

Rūpaɱ kho Rādha aniccadhammo, vedanā anicca- [196] dhammo, saññā aniccadhammo, saɱkhārā aniccadhammo, viññāṇaɱ aniccadhammo.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 

§

 

Sutta 15

Dukkhaɱ Suttaɱ

[15.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Dukkhaɱ dukkhan ti bhante, vuccati.|| ||

Kataman nu kho bhante dukkhan ti?|| ||

Rūpaɱ kho Rādha dukkhaɱ, vedanā dukkhā, saññā dukkhā, saɱkhārā dukkhā viññāṇaɱ dukkhaɱ.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 

§

 

Sutta 16

Dukkhadhamma Suttaɱ

[16.1][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Dukkhadhammo dukkhadhammoti bhante, vuccati.|| ||

Katamo nu kho bhante dukkhadhammoti?|| ||

Rūpaɱ kho Rādha dukkhadhammo, vedanā dukkhadhammo, saññā dukkhadhammo, saɱkhārā dukkhadhammo viññāṇaɱ dukkhadhammo.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 

§

 

Sutta 17

Anatta Suttaɱ

[17.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Anattā anattā ti bhante, vuccati.|| ||

Katamo nu kho bhante anattāti?|| ||

Rūpaɱ kho Rādha, anattā, vedanā anattā, saññā anattā, saɱkhārā anattā viññāṇaɱ anattā.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 

§

 

Sutta 18

Anattadhamma Suttaɱ

[18.1][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Anattadhammo anattadhammo ti bhante, vuccati.|| ||

Katamo nu kho bhante anattadhammo ti?|| ||

Rūpaɱ kho Rādha anattadhammo, vedanā anatta- [197] dhammo, saññā anattadhammo, saɱkhārā anattadhammo viññāṇaɱ anattadhammo.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 

§

 

Sutta 19

Khayadhamma Suttaɱ

[19.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Khayadhammo khayadhammo ti bhante, vuccati.|| ||

Katamo nu kho bhante khayadhammoti?|| ||

Rūpaɱ kho Rādha khayadhammo, vedanā khayadhammo, saññā khayadhammo, saɱkhārā khayadhammo, viññāṇaɱ khayadhammo.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 

§

 

Sutta 20

Vayadhamma Suttaɱ

[20.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Vayadhammo vayadhammo ti bhante, vuccati.|| ||

Katamo nu kho bhante vayadhammoti?|| ||

Rūpaɱ kho Rādha, vayadhammo, vedanā vayadhammo, saññā vayadhammo, saɱkhārā vayadhammo viññāṇaɱ vayadhammo.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 

§

 

Sutta 21

Samudayadhamma Suttaɱ

[21.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Samudayadhammo samudayadhammo ti bhante, vuccati.|| ||

Katamo nu kho bhante samudayadhammoti?|| ||

Rūpaɱ kho Rādha samudayadhammo, vedanā samudayadhammo, saññā samudayadhammo, saɱkhārā samudayadhammo viññāṇaɱ samudayadhammo.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 

§

 

Sutta 22

Nirodhadhamma Suttaɱ

[22.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Nirodhadhammo [198] nirodhadhammo ti bhante, vuccati, katamo nu kho bhante nirodhadhammoti?|| ||

Rūpaɱ kho Rādha nirodhadhammo, vedanā nirodhadhammo, saññā nirodhadhammo, saɱkhārā nirodhadhammo viññāṇaɱ nirodhadhammo.|| ||

Evaɱ passaɱ Rādha Sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saɱkhāresupi nibbindati, viññāṇasmimpi nibbindati. Nibbindaɱ virajjati, virāgā vimuccati, vimuttasmiɱ vimuttamiti ñāṇaɱ hoti khīṇā jāti vusitaɱ brahmacariyaɱ kataɱ karaṇīyaɱ nāparaɱ itthattāyāti pajānātī ti.|| ||

 


III. Āyācana Vagga


 

Sutta 23

Māra Suttaɱ

[23.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yo kho Rādha, Māro tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, Māro:|| ||

Rūpaɱ kho Rādha, Māro tatra te chando pahātabbo, rāgo pahātabbo, chandarāgo pahātabbo.||
Vedanā Māro tatra te chando pahātabbo, rāgo pahātabbo, chandarāgo pahātabbo.||
Saññā Māro tatra te chando pahātabbo, rāgo pahātabbo, chandarāgo pahātabbo.||
Saɱkhārā Māro tatra te chando pahātabbo, rāgo pahātabbo, chandarāgo pahātabbo.||
Viññāṇaɱ Māro tatra te chando pahātabbo, rāgo pahātabbo, chandarāgo pahātabbo.||
Yo kho Rādha, Māro tatra te chando pahātabbo, rāgo pahātabbo, chandarāgo pahātabbo ti.|| ||

 

§

 

Sutta 24

Māradhamma Suttaɱ

[24.1][pts][wp] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yo kho Rādha, Māradhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, maradhammo:|| ||

Rūpaɱ kho Rādha, Māradhammo tatra te chando pahātabbo, rāgo pahātabbo, chandarāgo pahātabbo.||
Vedanā Māradhammo tatra te chando pahātabbo, rāgo pahātabbo, chandarāgo pahātabbo.||
Saññā Māradhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā Māradhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ Māradhammo tatra te chando pahātabbo, rāgo pahātabbo, chandarāgo pahātabbo.||
Yo kho Rādha, Māradhammo tatra te chando pahātabbo, rāgo pahātabbo, chandarāgo pahātabboti.|| ||

 

§

[199]

Sutta 25

Anicca Suttaɱ

[25.1][pts] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yaɱ kho Rādha, aniccaɱ tatra te chando pahātabbo, rāgo pahātabbo, chandarāgo pahātabbo.|| ||

Kiñci Rādha, aniccaɱ?|| ||

Rūpaɱ kho Rādha, aniccaɱ, tatra te chando pahātabbo, rāgo pahātabbo, chandarāgo pahātabbo.||
Vedanā aniccā tatra te chando pahātabbo, rāgo pahātabbo, chandarāgo pahātabbo.||
Saññā aniccā tatra te chando pahātabbo, rāgo pahātabbo, chandarāgo pahātabbo.||
Saɱkhārā aniccā tatra te chando pahātabbo, rāgo pahātabbo, chandarāgo pahātabbo.||
Viññāṇaɱ aniccaɱ tatra te chando pahātabbo, rāgo pahātabbo, chandarāgo pahātabbo.||
Yaɱ kho Rādha, aniccaɱ, tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 26

Aniccadhamma Suttaɱ

[26.1] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yaɱ kho Rādha, aniccadhammo tatra te chando pahātabbo, rāgo pahātabbo, chandarāgo pahātabbo.|| ||

Kiñci Rādha, aniccadhammo?|| ||

Rūpaɱ kho Rādha, aniccadhammo, tatra te chando pahātabbo, rāgo pahātabbo, chandarāgo pahātabbo.||
Vedanā aniccadhammo tatra te chando pahātabbo, rāgo pahātabbo, chandarāgo pahātabbo.||
Saññā aniccadhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā aniccadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ aniccadhammo tatra te chando pahātabbo, rāgo pahātabbo, chandarāgo pahātabbo.||
Yaɱ kho Rādha, aniccadhammo, tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 27

Dukkha Suttaɱ

[27.1][pts] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yaɱ kho Rādha, dukkhaɱ tatra te chando pahātabbo, rāgo pahātabbo, chandarāgo pahātabbo.|| ||

Kiɱ ca Rādha, dukkhaɱ?|| ||

Rūpaɱ kho Rādha, dukkhaɱ, tatra te chando pahātabbo, rāgo pahātabbo chandarāgo pahātabbo.||
Vedanā dukkhā tatra te chando pahātabbo rāgo pahātabbo, chandarāgo pahātabbo.||
Saññā dukkhā tatra te chando pahātabbo, rāgo pahātabbo, chandarāgo pahātabbo.||
Saɱkhārā dukkhā tatra te chando pahātabbo, rāgo pahātabbo, chandarāgo pahātabbo.||
Viññāṇaɱ dukkhaɱ tatra te chando pahātabbo, rāgo pahātabbo, chandarāgo pahātabbo.||
yaɱ kho Rādha, dukkhaɱ , tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 28

Dukkhadhamma Suttaɱ

[28.1] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yaɱ kho Rādha, dukkhadhammo tatra te chando pahātabbo, rāgo pahātabbo, chandarāgo pahātabbo.|| ||

Kiɱ ca Rādha, dukkhaɱ?|| ||

Rūpaɱ kho Rādha, dukkhadhammo, tatra te chando pahātabbo, rāgo pahātabbo, chandarāgo pahātabbo.||
Vedanā dukkhadhammo tatra te chando pahātabbo, rāgo pahātabbo, chandarāgo pahātabbo.||
Saññā dukkhadhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā dukkhadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ dukkhadhammo tatra te chando pahātabbo, rāgo pahātabbo, chandarāgo pahātabbo.||
Yaɱ kho Rādha, dukkhadhammo, tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 29

Anatta Suttaɱ

[29.1][pts] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yo kho Rādha, anattā tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, anattā?|| ||

Rūpaɱ kho Rādha, anattā, tatra te chando pahātabbo, rāgo pahātabbo, chandarāgo pahātabbo.||
Vedanā anattā tatra te chando pahātabbo rāgo pahātabbo, chandarāgo pahātabbo.||
Saññā anattā tatra te chando pahātabbo, rāgo pahātabbo, chandarāgo pahātabbo.||
Saɱkhārā anattā tatra te chando pahātabbo, rāgo pahātabbo, chandarāgo pahātabbo.||
Viññāṇaɱ anattā tatra te chando pahātabbo, rāgo pahātabbo, chandarāgo pahātabbo ti.||
Yo kho Rādha, anattā , tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 30

Anattadhamma Suttaɱ

[30.1] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yo kho Rādha, anattadhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, anattadhammo?|| ||

Rūpaɱ kho Rādha, anattadhammo, tatra te chando pahātabbo, rāgo pahātabbo chandarāgo pahātabbo.||
Vedanā anattadhammo tatra te chando pahātabbo rāgo pahātabbo, chandarāgo pahātabbo.||
Saññā anattadhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā anattadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ anattadhammo tatra te chando pahātabbo, rāgo pahātabbo, chandarāgo pahātabbo.||
Yo kho Rādha, anattadhammo , tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 31

Khayadhamma Suttaɱ

[31.1][pts] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yo kho Rādha, khayadhammo tatra chando pahātabbo, rāgo pahātabbo, chandarāgo pahātabbo.|| ||

Ko ca Rādha, khayadhammo?|| ||

Rūpaɱ kho Rādha, dukkhaɱ, tatra te chando pahātabbo, rāgo pahātabbo chandarāgo pahātabbo.||
Vedanā khayadhammo tatra te chando pahātabbo rāgo pahātabbo, chandarāgo pahātabbo.||
Saññā khayadhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā khayadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ khayadhammo tatra te chando pahātabbo, rāgo pahātabbo, chandarāgo pahātabbo.||
Yo kho Rādha, khayadhammo, tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 32

Vayadhamma Suttaɱ

[32.1] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yo kho Rādha, vayadhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, vayadhammo?|| ||

Rūpaɱ kho Rādha, vayadhammo, tatra te chando pahātabbo, rāgo pahātabbo chandarāgo pahātabbo.||
Vedanā vayadhammo tatra te chando pahātabbo rāgo pahātabbo, chandarāgo pahātabbo.||
Saññā vayadhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā vayadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ vayadhammo tatra te chando pahātabbo, rāgo pahātabbo, chandarāgo pahātabboti,||
Yo kho Rādha, vayadhammo tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 33

Samudaya Dhamma Suttaɱ

[33.1][pts] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yo kho Rādha, samudayadhammo tatra te chando pahātabbo, rāgo pahātabbo, chandarāho pahātabbo,|| ||

Ko ca Rādha, samudayadhammo?|| ||

Rūpaɱ kho Rādha, samudayadhammo, tatra te chando pahātabbo, rāgo pahātabbo chandarāgo pahātabbo.||
Vedanā samudayadhammo tatra te chando pahātabbo rāgo pahātabbo, chandarāgo pahātabbo.||
Saññā samudayadhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā samudayadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ samudayadhammo tatra te chando pahātabbo, rāgo pahātabbo, chandarāgo pahātabbo.||
Yo kho Rādha, samudayadhammo tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 34

Nirodhadhamma Suttaɱ

[34.1][pts] Sāvatthī|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

Sādhu me bhante, Bhagavā saɱkhittena dhammaɱ desetu yamahaɱ Bhagavato dhammaɱ sutvā eko vūpakaṭṭho appamatto ātāpi pahitatto vihareyyan ti.|| ||

Yo kho Rādha, nirodhadhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, nirodhadhammo?|| ||

Rūpaɱ kho Rādha, nirodhadhammo, tatra te chando pahātabbo, rāgo pahātabbo chandarāgo pahātabbo.||
Vedanā nirodhadhammā tatra te chando pahātabbo rāgo pahātabbo, chandarāgo pahātabbo.||
Saññā nirodhadhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā nirodhadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ nirodhadhammo tatra te chando pahātabbo, rāgo pahātabbo, chandarāgo pahātabbo.||
Yo kho Rādha, nirodhadhammo tatra te chando pahātabbo, rāgo pahātabbo, chandarāgo pahātabboti.|| ||

 


[200]

IV. Upanisinna Vagga


 

Sutta 35

Māra Suttaɱ

[35.1][pts][wp] Sāvatthī|| ||

Atha kho āyasmā Rādho yena Bhagavā ten'upasaɱkami. Upasaɱkamitvā Bhagavantaɱ abhivādetvā Eka-m-antaɱ nisīdi. Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yo kho Rādha, Māro tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, Māro?|| ||

Rūpaɱ kho Rādha, Māro, tatra te chando pahātabbo, rāgo pahātabbo, chandarāgo pahātabbo.||
Vedanā Māro tatra te chando pahātabbo, rāgo pahātabbo, chandarāgo pahātabbo.||
Saññā Māro tatra te chando pahātabbo, rāgo pahātabbo, chandarāgo pahātabbo.||
Saɱkhārā Māro tatra te chando pahātabbo, rāgo pahātabbo, chandarāgo pahātabbo.||
Viññāṇaɱ Māro tatra te chando pahātabbo, rāgo pahātabbo, chandarāgo pahātabbo.||
Yo kho Rādha, Māro, tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 36

Māradhamma Suttaɱ

[36.1][wp] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yo kho Rādha, Māradhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, Māradhammo?|| ||

Rūpaɱ kho Rādha, Māradhammo, tatra te chando pahātabbo, rāgo pahātabbo, chandarāgo pahātabbo.||
Vedanā Māradhammo tatra te chando pahātabbo, rāgo pahātabbo, chandarāgo pahātabbo.||
Saññā Māradhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā Māradhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ Māradhammo tatra te chando pahātabbo, rāgo pahātabbo, chandarāgo pahātabbo.||
Yo kho Rādha, Māradhammo, tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 37

Anicca Suttaɱ

[37.1][pts] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yaɱ kho Rādha, aniccaɱ tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, aniccaɱ?|| ||

Rūpaɱ kho Rādha, aniccaṇ, tatra te chando pahātabbo, rāgo pahātabbo, chandarāgo pahātabbo.||
Vedanā aniccā tatra te chando pahātabbo, rāgo pahātabbo, chandarāgo pahātabbo.||
Saññā aniccā tatra te chando pahātabbo, rāgo pahātabbo, chandarāgo pahātabbo.||
Saɱkhārā aniccā tatra te chando pahātabbo, rāgo pahātabbo, chandarāgo pahātabbo.||
Viññāṇaɱ aniccaɱ tatra te chando pahātabbo rāgo pahātabbo, chandarāgo pahātabbo.||
Yo kho Rādha, aniccaɱ tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 38

Aniccadhamma Suttaɱ

[38.1][pts] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yaɱ kho Rādha, aniccadhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, aniccaɱ?|| ||

Rūpaɱ kho Rādha, aniccadhammo tatra te chando pahātabbo, rāgo pahātabbo, chandarāgo pahātabbo.||
Vedanā aniccadhammo tatra te chando pahātabbo, rāgo pahātabbo, chandarāgo pahātabbo.||
Saññā aniccadhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā aniccadhammo, tatra te chando pahātabbo, rāgo pahātabbo, chandarāgo pahātabbo.||
Viññāṇaɱ aniccadhammo tatra te chando pahātabbo rāgo pahātabbo, chandarāgo pahātabbo.||
Yo kho Rādha, aniccadhammo tatra te chando pahātabbo, rāgo pahātabbo, chandarāgo pahātabboti.|| ||

 

§

[201]

Sutta 39

Dukkha Suttaɱ

[39.1][pts] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yaɱ kho Rādha, dukkhaɱ tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, dukkhaɱ?|| ||

Rūpaɱ kho Rādha, dukkhaɱ, tatra te chando pahātabbo, rāgo pahātabbo, chandarāgo pahātabbo.||
Vedanā dukkhā tatra te chando pahātabbo, rāgo pahātabbo, chandarāgo pahātabbo.||
Saññā dukkhā tatra te chando pahātabbo, rāgo pahātabbo, chandarāgo pahātabbo.||
Saɱkhārā dukkhā tatra te chando pahātabbo, rāgo pahātabbo, chandarāgo pahātabbo.||
Viññāṇaɱ dukkhaɱ tatra te chando pahātabbo rāgo pahātabbo, chandarāgo pahātabbo.||
Yo kho Rādha, dukkhaɱ tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 40

Dukkhadhamma Suttaɱ

[40.1] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yo kho Rādha, dukkhadhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, dukkhadhammo?|| ||

Rūpaɱ kho Rādha dukkhadhammo tatra te chando pahātabbo, rāgo pahātabbo, chandarāgo pahātabbo.||
Vedanā dukkhadhammo tatra te chando pahātabbo, rāgo pahātabbo, chandarāgo pahātabbo.||
Saññā dukkhadhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā dukkhadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ dukkhadhammo tatra te chando pahātabbo rāgo pahātabbo, chandarāgo pahātabbo.||
Yo kho Rādha, dukkhadhammo tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 41

Anatta Suttaɱ

[41.1][pts] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yo kho Rādha, anattā tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, anattā?|| ||

Rūpaɱ kho Rādha anattā, tatra te chando pahātabbo, rāgo pahātabbo, chandarāgo pahātabbo.||
Vedanā anattā tatra te chando pahātabbo, rāgo pahātabbo, chandarāgo pahātabbo.||
Saññā anattā tatra te chando pahātabbo, rāgo pahātabbo, chandarāgo pahātabbo.||
Saɱkhārā anattā tatra te chando pahātabbo, rāgo pahātabbo, chandarāgo pahātabbo.||
Viññāṇaɱ anattā tatra te chando pahātabbo, rāgo pahātabbo, chandarāgo pahātabbo.||
Yo kho Rādha, anattā tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 42

Anattadhamma Suttaɱ

[42.1] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yo kho Rādha, anattadhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, anattadhammo?|| ||

Rūpaɱ kho Rādha anattadhammo tatra te chando pahātabbo rāgo pahātabebā chandarāgo pahātabbo.||
Vedanā anattadhammo tatra te chando pahātabbo, rāgo pahātabbo, chandarāgo pahātabbo.||
Saññā anattadhammo tatra te chando pahātabbo, rāgo pahātabbo, chandarāgo pahātabbo.||
Sankhārā anattadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ anattadhammo, tatra te chando pahātabbo, rāgo pahātabbo, chandarāgo pahātabbo.||
Yo kho Rādha, anattadhammo tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 43

Khayadhamma Suttaɱ

[43.1][pts] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yo kho Rādha, khayadhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, khayadhammo?|| ||

Rūpaɱ kho Rādha khayadhammo tatra te chando pahātabbo, rāgo pahātabbo, chandarago pahātabbo.||
Vedanā khayadhammo tatra te chando pahātabbo, rāgo pahātabbo, chandarāgo pahātabbo.||
Saññā khayadhammo, tatra te chando pahātabbo, rāgo pahātabbo, chandarāgo pahātabbo.||
Saɱkhārā khayadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ khayadhammo tatra te chando pahātabbo rāgo pahātabbo, chandarāgo pahātabbo.||
Yo kho Rādha, khayadhammo tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 44

Vayadhamma Suttaɱ

[44.1] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yo kho Rādha, vayadhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, vayadhammo?|| ||

Rūpaɱ kho Rādha vayadhammo, tatra te chando pahātabbo, rāgo pahātabbo, chandarāgo pahātabbo.||
Vedanā vayadhammo tatra te chando pahātabbo, rāgo pahātabbo, chandarāgo pahātabbo.||
Saññā vayadhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā vayadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ vayadhammo tatra te chando pahātabbo rāgo pahātabbo, chandarāgo pahātabbo.||
Yo kho Rādha, vayadhammo tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 45

Samudayadhamma Suttaɱ

[45.1] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yo kho Rādha, samudayadhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, samudayadhammo?|| ||

Rūpaɱ kho Rādha samudayadhammo, tatra te chando pahātabbo rāgo pahātabbo, chandarāgo pahātabbo.||
Vedanā samudayadhammo tatra te chando pahātabbo, rāgo pahātabbo, chandarāgo pahātabbo.||
Saññā samudayadhammo tatra te chando pahātabbo, rāgo pahātabbo, chandarāgo pahātabbo.||
Saɱkhārā samudayadhammo tatra te chando pahātabbo, rāgo pahātabbo, chandarāgo pahātabbo.||
Viññāṇaɱ samudayadhammo tatra te chando pahātabbo rāgo pahātabbo, chandarāgo pahātabbo.||
Yo kho Rādha, samudayadhammo tatra te chando pahātabbo, rāgo pahātabbo, chandarāgo pahātabboti.|| ||

 

§

 

Sutta 46

Nirodhadhamma Suttaɱ

[46.1][pts] Sāvatthī|| ||

Eka-m-antaɱ nisinnaɱ kho āyasmantaɱ Rādhaɱ Bhagavā etad avoca:|| ||

Yo kho Rādha, nirodhadhammo tatra te chando pahātabbo, rāgo pahātabbo, chandarāgo pahātabbo.|| ||

Ko ca Rādha, nirodhadhammo?|| ||

Rūpaɱ kho Rādha, nirodhadhammo, tatra te chando pahātabbo, rāgo pahātabbo, chandarāgo pahātabbo.|| ||

Vedanā nirodhadhammo tatra te chando pahātabbo, rāgo pahātabbo, chandarāgo pahātabbo.|| ||

Saññā nirodhadhammo tatra te chando pahātabbo, rāgo pahātabbo, chandarāgo pahātabbo.|| ||

Saɱkhārā nirodhadhammo tatra te chando pahātabbo, rāgo pahātabbo, chandarāgo pahātabbo.|| ||

Viññāṇaɱ nirodhadhammo tatra te chando pahātabbo rāgo pahātabbo, chandarāgo pahātabbo.|| ||

Yo kho Rādha, nirodhadhammo tatra te chando pahātabbo, rāgo pahātabbo, chandarāgo pahātabboti.|| ||

 


Contact:
E-mail
Copyright Statement   Webmaster's Page