Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
24: Diṭṭhi Saɱutta
1. Sotāpatti Vagga

Sutta 17

Hoti ca na ca Hoti Tathāgata Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Kismiɱ nu kho bhikkhave, sati kiɱ upādāya kiɱ abhinivissa evaɱ diṭṭhi uppajjati:|| ||

'Hoti ca na ca hoti Tathāgato' ti"?|| ||

"Bhagavaɱmulakā no bhante, dhammā.|| ||

Bhagavaɱnettikā Bhagavampaṭisaraṇā.|| ||

Sādhu vata bhaṇte,||
Bhagavantaɱyeva paṭibhātu etassa bhāsitassa attho,||
Bhagavato sutvā bhikkhu dhāressan" ti.|| ||

 


 

"Rūpe kho bhikkhave, sati rūpaɱ upādāya||
rūpaɱ abhinivissa evem diṭṭhi uppajjati:|| ||

'Hoti ca na ca hoti Tathāgato' ti.|| ||

Vedanāya sati vedanaɱ upādāya||
vedanā abhinivissa evem diṭṭhi uppajjati:|| ||

'Hoti ca na ca hoti Tathāgato' ti.|| ||

Saññāya sati saññaɱ upādāya||
saññā abhinivissa evem diṭṭhi uppajjati:|| ||

'Hoti ca na ca hoti Tathāgato' ti.|| ||

Saɱkhāresu sati||
saɱkhāre upādāya saɱkhāre abhinivissa evem diṭṭhi uppajjati:|| ||

'Hoti ca na ca hoti Tathāgato' ti.|| ||

Viññāṇe sati||
viññāṇaɱ upādāya viññāṇaɱ abhinivissa evem diṭṭhi uppajjati:|| ||

'Hoti ca na ca hoti Tathāgato' ti.|| ||

 


 

Taɱ kiɱ maññasi bhikkhave?|| ||

Rūpaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Hoti ca na ca hoti Tathāgato' ti.|| ||

"No h'etaɱ bhante."|| ||

Vedanā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Hoti ca na ca hoti Tathāgato' ti.|| ||

"No h'etaɱ bhante."|| ||

Saññā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Hoti ca na ca hoti Tathāgato' ti.|| ||

"No h'etaɱ bhante."|| ||

Saɱkhārā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Hoti ca na ca hoti Tathāgato' ti.|| ||

"No h'etaɱ bhante."|| ||

Viññāṇaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Hoti ca na ca hoti Tathāgato' ti.|| ||

"No h'etaɱ bhante."|| ||

Yam pidaɱ diṭṭhaɱ,||
sutaɱ,||
mutaɱ,||
viññātaɱ,||
pattaɱ,||
pariyesitaɱ,||
anuvicaritaɱ manasā||
tam pi niccaɱ vā aniccaɱ vāti?

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Hoti ca na ca hoti Tathāgato' ti.|| ||

"No h'etaɱ bhante."|| ||

 


 

Yato kho bhikkhave, ariyasāvakassa imesu chasu ṭhānesu kaŋkhā pahīnā hoti,||
dukkhe pissa kaŋkhā pahīnā hoti,||
dukkhasamudaye pissa kaŋkhā pahīnā hoti,||
dukkhanirodhe pissa kaŋkhā pahīnā hoti,||
dukkhanirodhagāminiyāpaṭipadāya pissa kaŋkhā pahīnā hoti.|| ||

Ayaɱ vuccati bhikkhave, ariyasāvako||
sotāpanno||
avinipātadhammo||
niyato||
sambodhiparāyano" ti.|| ||

 


Contact:
E-mail
Copyright Statement   Webmaster's Page