Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
24: Diṭṭhi Saɱyutta

2. Purimagamanam (aṭṭhārasa-veyyākaraṇāni)

Suttas 19-36

Adapted from the 1995 edition of the digital version of the Sri Lanka Buddha Jayanti Tripitaka Series.

[Note: As this Chapter is identical to the previous (Suttas 1-18) it has been abridged here by the inclusion of the first and last suttas (19 and 36) in their complete form and Suttas 20-35 are given by title only but are linked to their corresponding sutta in the previous Chapter.]

 


 

Sutta 19

Vātā Suttaɱ

[19.1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Kismiɱ nu kho bhikkhave, sati kiɱ upādāya kiɱ abhinivissa evaɱ diṭṭhi uppajjati:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā'" ti?|| ||

"Bhagavaɱmulakā no bhante, dhammā.|| ||

Bhagavaɱnettikā Bhagavampaṭisaraṇā.|| ||

Sādhu vata bhaṇte,||
Bhagavantaɱyeva paṭibhātu etassa bhāsitassa attho,||
Bhagavato sutvā bhikkhu dhāressan" ti.|| ||

 


 

"Rūpe kho bhikkhave, sati rūpaɱ upādāya||
rūpaɱ abhinivissa evem diṭṭhi uppajjati:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā' ti.|| ||

Vedanāya sati vedanaɱ upādāya||
vedanā abhinivissa evem diṭṭhi uppajjati:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā' ti.|| ||

Saññāya sati saññaɱ upādāya||
saññā abhinivissa evem diṭṭhi uppajjati:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā' ti.|| ||

Saɱkhāresu sati||
saɱkhāre upādāya saɱkhāre abhinivissa evem diṭṭhi uppajjati:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā' ti.|| ||

Viññāṇe sati||
viññāṇaɱ upādāya viññāṇaɱ abhinivissa evem diṭṭhi uppajjati:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā' ti.|| ||

 


 

Taɱ kiɱ maññasi bhikkhave?|| ||

Rūpaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā' ti?|| ||

"No h'etaɱ bhante."|| ||

Vedanā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā' ti?|| ||

"No h'etaɱ bhante."|| ||

Saññā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā' ti?|| ||

"No h'etaɱ bhante."|| ||

Saɱkhārā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā' ti?|| ||

"No h'etaɱ bhante."|| ||

Viññāṇaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā' ti?|| ||

"No h'etaɱ bhante."|| ||

Yam pidaɱ diṭṭhaɱ,||
sutaɱ,||
mutaɱ,||
viññātaɱ,||
pattaɱ,||
pariyesitaɱ,||
anuvicaritaɱ manasā||
tam pi niccaɱ vā aniccaɱ vāti?

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'Na vātā vāyanti,||
na najjo sandanti,||
na gbbhniyo vijāyanti,||
na candimasuriyā udenti vā||
apenti vā||
esikaṭṭhāyiṭṭhitā' ti?|| ||

"No h'etaɱ bhante."|| ||

 


 

Yato kho bhikkhave, ariyasāvakassa imesu chasu ṭhānesu kaŋkhā pahīnā hoti,||
dukkhe pissa kaŋkhā pahīnā hoti,||
dukkhasamudaye pissa kaŋkhā pahīnā hoti,||
dukkhanirodhe pissa kaŋkhā pahīnā hoti,||
dukkhanirodhagāminiyāpaṭipadāya pissa kaŋkhā pahīnā hoti.|| ||

Ayaɱ vuccati bhikkhave, ariyasāvako||
sotāpanno||
avinipātadhammo||
niyato||
sambodhiparāyano" ti.|| ||

 

§

 

20. Etaɱ Mama Suttaɱ,

This is Mine,

21. So Attā Suttaɱ

That is the Self,

22. No ca Me Siyā Suttaɱ,

It May Not Be Mine,

23. N'atthi Suttaɱ,

There is Not,

24. Karoto Suttaɱ,

PTS: For Him Who Acts,

25. Hetu Suttaɱ,

Condition,

26. Mahā Diṭṭhi Suttaɱ

By the (Great) Heresy,

27. Sassata Loka Suttaɱ,

The World is Eternal,

28. Asassata Loka Suttaɱ,

The World is Not Eternal,

29. Antavā Suttaɱ

Limited (is the World),

30. Anantavā Suttaɱ

Unlimited (is the world),

31. Taŋ Jīvan, Taŋ Sarīra Suttaɱ

What the Life Is, That Is the Body,

32. Aññaŋ Jīvan, Aññaŋ Sarīra Suttaɱ

PTS: The Life is One Thing, the Body is Another,

33. Hoti Tathāgata Suttaɱ

The Tathāgata Exists,

34. Na Hoti Tathāgata Suttaɱ

The Tathāgata Exists Not,

35. Hoti ca na ca Hoti Tathāgata Suttaɱ

The Tathāgata both Exists and Exists Not,

 

§

 

Sutta 36

N'eva Hoti na na Hoti Tathāgata Suttaɱ

[36.1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Kismiɱ nu kho bhikkhave, sati kiɱ upādāya kiɱ abhinivissa evaɱ diṭṭhi uppajjati:|| ||

'N'eva Hoti na na Hoti Tathāgato' ti"?|| ||

"Bhagavaɱmulakā no bhante, dhammā.|| ||

Bhagavaɱnettikā Bhagavampaṭisaraṇā.|| ||

Sādhu vata bhaṇte,||
Bhagavantaɱyeva paṭibhātu etassa bhāsitassa attho,||
Bhagavato sutvā bhikkhu dhāressan" ti.|| ||

 


 

"Rūpe kho bhikkhave, sati rūpaɱ upādāya||
rūpaɱ abhinivissa evem diṭṭhi uppajjati:|| ||

'N'eva hoti na na hoti Tathāgato' ti.|| ||

Vedanāya sati vedanaɱ upādāya||
vedanā abhinivissa evem diṭṭhi uppajjati:|| ||

'N'eva hoti na na hoti Tathāgato' ti.|| ||

Saññāya sati saññaɱ upādāya||
saññā abhinivissa evem diṭṭhi uppajjati:|| ||

'N'eva hoti na na hoti Tathāgato' ti.|| ||

Saɱkhāresu sati||
saɱkhāre upādāya saɱkhāre abhinivissa evem diṭṭhi uppajjati:|| ||

'N'eva hoti na na hoti Tathāgato' ti.|| ||

Viññāṇe sati||
viññāṇaɱ upādāya viññāṇaɱ abhinivissa evem diṭṭhi uppajjati:|| ||

'N'eva hoti na na hoti Tathāgato' ti.|| ||

 


 

Taɱ kiɱ maññasi bhikkhave?|| ||

Rūpaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'N'eva hoti na na hoti Tathāgato' ti.|| ||

"No h'etaɱ bhante."|| ||

Vedanā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'N'eva hoti na na hoti Tathāgato' ti.|| ||

"No h'etaɱ bhante."|| ||

Saññā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'N'eva hoti na na hoti Tathāgato' ti.|| ||

"No h'etaɱ bhante."|| ||

Saɱkhārā niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'N'eva hoti na na hoti Tathāgato' ti.|| ||

"No h'etaɱ bhante."|| ||

Viññāṇaɱ niccaɱ vā aniccaɱ vā" ti?|| ||

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'N'eva hoti na na hoti Tathāgato' ti.|| ||

"No h'etaɱ bhante."|| ||

Yam pidaɱ diṭṭhaɱ,||
sutaɱ,||
mutaɱ,||
viññātaɱ,||
pattaɱ,||
pariyesitaɱ,||
anuvicaritaɱ manasā||
tam pi niccaɱ vā aniccaɱ vāti?

"Aniccaɱ bhante."|| ||

"Yaɱ panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yaɱ panāniccaɱ dukkhaɱ vipariṇāmadhammaɱ,||
api nu taɱ anupādāya evaɱ diṭṭhi uppajjeyya:|| ||

'N'eva hoti na na hoti Tathāgato' ti.|| ||

"No h'etaɱ bhante."|| ||

 


 

Yato kho bhikkhave, ariyasāvakassa imesu chasu ṭhānesu kaŋkhā pahīnā hoti,||
dukkhe pissa kaŋkhā pahīnā hoti,||
dukkhasamudaye pissa kaŋkhā pahīnā hoti,||
dukkhanirodhe pissa kaŋkhā pahīnā hoti,||
dukkhanirodhagāminiyāpaṭipadāya pissa kaŋkhā pahīnā hoti.|| ||

Ayaɱ vuccati bhikkhave, ariyasāvako||
sotāpanno||
avinipātadhammo||
niyato||
sambodhiparāyano" ti.|| ||

 


Contact:
E-mail
Copyright Statement   Webmaster's Page