Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
25: Okkantika Saɱutta

Sutta 3

Viññāṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Cakkhu-viññāṇaɱ bhikkhave, aniccaɱ viparināmim aññathābhāvi,||
sota-viññāṇaɱ aniccaɱ viparināmim aññathābhāvi,||
ghāna-viññāṇaɱ aniccaɱ viparināmim aññathābhāvi,||
jivhā-viññāṇaɱ aniccā viparināmim aññathābhāvi,||
kāya-viññāṇaɱ anicco viparināmim aññathābhāvi,||
mano-viññāṇaɱ anicco viparināmim aññathābhāvi.|| ||

 


 

Yo bhikkhave, ime dhamme||
evaɱ saddahati||
adhivuccati,||
ayaɱ vuccati:|| ||

'Saddhānusārī okkanto sammattaniyāmaɱ sappurisabhumiɱ||
okkanto vītivatto puthujjanabhumiɱ,||
abhabbo taɱ kammaɱ||
kātuɱ yaɱ kammaɱ||
katvā Nirayaɱ vā||
tiracchānayoniɱ vā||
pettivisayaɱ vā upapajjeyya.|| ||

Abhabbo va tāva kālaɱ kātuɱ yāva na sotāpattiphalaɱ sacchikaro' ti.|| ||

Yassa kho bhikkhave, ime dhamme||
evaɱ paññāya mattaso nijjhānaɱ khamanti,||
ayaɱ vuccati:|| ||

'Dhammānusāri okkanto sammattaniyāmaɱ sappurisabhumiɱ||
okkanto vītivatto puthujjanabhumiɱ,||
abhabbo taɱ kammaɱ||
kātuɱ yaɱ kammaɱ||
katvā Nirayaɱ vā||
tiracchānayoniɱ vā||
pettivisayaɱ vā upapajjeyya.

Abhabbo va tāva kālaɱ kātuɱ yāva na sotāpattiphalaɱ sacchikaro' ti.|| ||

Yo bhikkhave, ime dhamme||
evaɱ jānāti||
evaɱ passati,||
ayaɱ vuccati:|| ||

Sotāpanno||
avinipātadhammo||
niyato||
sambodhiparāyano' ti" ti.|| ||

 


Contact:
E-mail
Copyright Statement   Webmaster's Page