Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
26: Uppāda Saɱutta

Sutta 8

Taṇhā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

Yo bhikkhave, rūpā-taṇhā uppādo ṭhiti abhinibbatti pātubhāvo,||
dukkhasseso uppādo||
rogānaɱ ṭhiti||
jarāmaraṇassa pātubhāvo.|| ||

Yo saddā-taṇhā uppādo ṭhiti abhinibbatti pātubhāvo||
dukkhassa uppādo||
rogānaɱ ṭhiti||
jarāmaraṇassa pātubhāvo.|| ||

Yo gandhā-taṇhā upādāyo ṭhiti abhinibbatti pātubhāvo,||
dukkhasseso uppādo,||
rogānaɱ ṭhiti,||
jarāmaraṇassa pātubhāvo.|| ||

Yo rasā-taṇhā uppādo ṭhiti abhinibbatti pātubhāvo,||
dukkhasseso uppādo,||
rogānaɱ ṭhiti,||
jarāmaraṇassa pātubhāvo.|| ||

Yo phoṭṭhabbā-taṇhā uppādo ṭhiti abhinibbatti pātubhāvo,||
dukkhasseso uppādo,||
rogānaɱ ṭhiti,||
jarāmaraṇassa pātubhāvo.|| ||

Yo dhammā-taṇhā uppādo ṭhiti abhinibbatti pātubhāvo,||
dukkhasseso uppādo,||
rogānaɱ ṭhiti,||
jarāmaraṇassa pātubhāvo.|| ||

 


 

Yo ca bhikkhave, rūpā-taṇhā nirodho vūpasamo atthagamo,||
dukkhasseso nirodho,||
rogānaɱ vūpasamo,||
jarāmaraṇassa atthagamo,|| ||

Yo saddā-taṇhā nirodho vūpasamo atthagamo,||
dukkhasseso nirodho,||
rogānaɱ vūpasamo,||
jarāmaraṇassa atthagamo,|| ||

Yo gandhā-taṇhā nirodho vūpasamo atthagamo,||
dukkhasseso nirodho,||
rogānaɱ vūpasamo,||
jarāmaraṇassa atthagamo.|| ||

Yo rasā-taṇhā nirodho vūpasamo atthagamo,||
dukkhasseso nirodho,||
rogānaɱ vūpasamo,||
jarāmaraṇassa atthagamo.|| ||

Yo phoṭṭhabbā-taṇhā nirodho vūpasamo atthagamo,||
dukkhasseso nirodho,||
rogānaɱ vūpasamo,||
jarāmaraṇassa atthagamo.|| ||

Yo dhammā-taṇhā nirodho vūpasamo atthagamo,||
dukkhasseso nirodho,||
rogānaɱ vūpasamo,||
jarāmaraṇassa atthagamo" ti.|| ||

 


Contact:
E-mail
Copyright Statement   Webmaster's Page